[KUWAIT ATC]

السلام عليكم ورحمة الله وبركاااته


بعد ايااااااام من التفكير.....وخصوصا انه انا دوري الجاي:iconloli:


فكرت بالخطه العبقريه هذي........لكن محتاج رأيكم فيها,





1-ان شاء الله راح اخلص الثانويه وعلمي فوق ال75.

2-بعدما اخلص الثانويه في شهر سبعه القادم.....راح اقدم على حسابي اول كورس فقط في كلية اكسفووورد


3-خلال الكورس هذا رااااح اكرف نفسي مووووت


4-وفي وقت دراستي راح اقدم على وزارة التعليم العالي....واعطيهم تقرير اول كورس بأني طالب مظبووط:iconloli:.....وراح يكملوون الباقي على حسابهم


وانا كلمت واحد من الشباب وقالي انه اصلا مايردوون احد.




5-بعد ما اخلص دراسه.....احااول بما انه القطاع الخاص كله واسطات.....بحاول يمين ويسار ادخل طيران الجزيره او الوطنيه



6-اذا ماصار.....فهنااك الكثير من الشركات الخليجيه والعربيه وغيرها...تاخذ طيارين مع عقد احتكاار لعدة سنوات معينه



على سبيل المثال طيران الاتحاد تاخذك لكن مع عقد احتكاار لمدة سبع سنواات


وايضا هناك الكثير من الشركات تسوي جذي


مثل الاماراتيه والقطريه والخليج وطيران مصر وطيران ناس......واكثر من شركات الطيران الاجنبيه

[peetoo]

حبيبى بوجاسم...يا عمرى يا باباتى...انت تدرى بوزارة التعليم العالى......و انت تعرف شقصد.....تهقى انهم راح ايكملون الباجى على حسابهم؟؟؟؟؟
ورفيجك متاكد انهم مايردون احد ؟؟ ولا بس ما يردون اللى معاه واسطة؟؟.....او .....عندك قيمر ؟؟؟؟............:iconloli::iconloli::iconloli::ico nloli::iconloli::iconloli::iconloli::iconloli::ico nloli:

[أبوسليمان]

السلام عليكم
يعطيك العافية اخوي إذا مو عن طريق الكويتية ولا الوطنية ولا الجزيرة
لا تكلف على نفسك و شد حييلك بالدراسه
لأن الكويتية والجزيرة والوطنية إذا رحت مو عن طريقهم لو شنو ماراح يقبلونك
أنا عندي قبول بالأردن بكلية الطيران قالولي لاتروح لأن ماراح يقبلونك لأن مو عن طريقهم
والله يوفقك انشاله

[SL500]

لازم الواحد الواحد يحسب حسابه قبل لايخطي أي خطوة عشان مايخسر والأرزاق بيد الله ,, أتمنى لك كل التوفيق ولكل شباب الكويت .

[أبوسليمان]

السلام عليكم
يعطيك العافية اخوي إذا مو عن طريق الكويتية ولا الوطنية ولا الجزيرة
لا تكلف على نفسك و شد حييلك بالدراسه
لأن الكويتية والجزيرة والوطنية إذا رحت مو عن طريقهم لو شنو ماراح يقبلونك
أنا عندي قبول بالأردن بكلية الطيران قالولي لاتروح لأن ماراح يقبلونك لأن مو عن طريقهم
والله يوفقك انشاله

[KUWAIT ATC]

اقتباس:     المشاركة الأصلية كتبت بواسطة أبوسليمان  

السلام عليكم
يعطيك العافية اخوي إذا مو عن طريق الكويتية ولا الوطنية ولا الجزيرة
لا تكلف على نفسك و شد حييلك بالدراسه
لأن الكويتية والجزيرة والوطنية إذا رحت مو عن طريقهم لو شنو ماراح يقبلونك
أنا عندي قبول بالأردن بكلية الطيران قالولي لاتروح لأن ماراح يقبلونك لأن مو عن طريقهم
والله يوفقك انشاله

ياهلا اخوي........انا مو فاهم ليش مايخذونا الوطنيه والجزيره؟.........يعني الطيارين الأجانب اللي عندهم دشو على حساابهم؟

[عاشق الطيارات]

خطة جميلة اتمنى يصير كما انت مخطط لها
بالتوفيق لك ولكل شباب الكويت .. والله تساهلون كـل خيـــر
وعقبال نشوفك تكلمنا وانت بالهواااااا وانت بالكويتية او الوطنية

الله يوفقك

[fcb]

ياسلاااااام بس عندي سؤال
الكورس بجامعة اكسفورد جم تكاليفها
اذا باخذ كورس انجليزي شلوون
جم سنة راح تعيش برة مع الاحتكار والجامعة المجموع الكلي
واسف على الازعاج(:

[أبوسليمان]

السلام عليك
ها شباب ماكو اخبار ؟؟

[KHALED_8]

وأنا معاك ان شاء الله راح اخلص الثانوية علمي

بس ما اتوقع نجاح الخطة ..

وآسفين عالتحبيط .. لوول

[Eng.Noor]

الله يوفقك :)

[طيار كويتي]

مرحبا ,,,
اخوي خطتك كلها غلط بغلط

وزاره التعليم العالي خاصه بالشهايد العلميه بكاليريوس - ماجستير - دكتوراه

والطيران مو تابع للتعليم العالي لانه ليسن خبره مو شهاده علميه

شلون بتحول على حسابهم ؟؟

الطيران تابع لهيئه الطيران المدني


نصيحه شوفلك خطه غيرها