[heba magdy]

السلام عليكم و رحمة الله

أولا : أنا بشكر كل الناس اللى فى الموقع دا و بجد دا موقع جامد و كويس و بيقدم معلومات مفيدة عن كل حاجة جديدة متعلقة بخطوط الطيران .
ثانيا : أنا لسه عضوة جديدة فى الموقع دا و اللى شجعنى إنى أشترك ، لأنى لاقيت الموقع دا جميل و عجبنى كمان أنا كنت حابه أستفيد منه عشان أنا بصراحة نفسى أحقق حلمى و أبقى مضيفة طيران على الخطوط السعودية بالذات عشان أنا محجبة ، و اتمنى أكون ضيفة خفيفة على كل الموجودين هنا

الحاجة بقى اللى خلتنى أكتب النهاردة موضوع فى الموقع >>>> لأنى رحت إمبارح مكتب الخطوط السعودية الموجود فى شارع طلعت حرب فى عمارة إيفر جرين رحت و سـألت عن موضوع التقديم و كلمت واحد هناك إسمه الأستاذ / محمد قالى إن مفيش إعلان دلوقتى و من المحتمل إن الخطوط السعودية تنزل إعلان فى شهر واحد
، كمان أنا شوفت فى ناس كانت مقدمة و إتقبلت من المره اللى فاتت و بتسأل عن ليه الخطوط السعودية متصلتش عليهم لما سألته هو فى لجنة و لا حاجة هتنزل قريب قالى أنو معندهوش أى أخبار و لو نزلت أكيد هتاخد الأول الناس اللى لسه مستنين دورهم ، طبعا ربنا يوفق كل الناس و كل اللى نفسه يحقق حلمه ،
و كمان بخصوص شركة ناس أنا إتصلت عليهم ، و قالو ليا إنك تقدرى تعرفى من الفرع الرئيسى اللى موجود فى الرياض ، بس الفرع اللى موجود فى القاهرة ، مبيخدش أى طلبات و اللى حابب يقدم يقدر يتصل عليهم فى السعودية و يقدم و دى أرقام التلفونات :
00966920001234

0096612171800
اتمنى أكون أفدت كل الموجودين هنا
و ربنا يوفق الجميع و متنسوش تدعولى إن ربنا يحقق لى حلمى و أبقى مضيفة

[المعتز]

وعليكم السلام ورحمة الله وبركاته
اولا حياك الله معنا وان شاء الله تفيدي وتستفيدي
ممكن تتابعي الموضوع هذا فيه ردود على استفساراتك

https://www.flyingway.com/vb/showthread.php?p=733794#post733794

ثانيا بالنسبة لرقم طيران ناس
الرقم الاول هو رقم خدمات الحجز وليس لهم اي علاقة بالتوظيف

[mera]

ميرسي يا هبه ربنا يوفقك و يحققلك حلمك و تبقي مضيفه
و يوفقنا جميعا
اللهم آميييييييييييييين

[heba magdy]

ميرسى جدا على الردود الجميلة و إن شاء الله اتمنى التواصل معكم

[sad girl 2]

يالا يارب بقا مينزلوش معهد الضيافه زى الوفييير ويقطعو عيش البنات التانيه اللى مش بيدرسو فيه يارب يوفقنا كلنا