[Bilal 1]

السلام عليكم



طيران الإمارات تنظم حملة لتوظيف "مضيفين ومضيفات" فى مصر
الخميس، 13 يناير 2011 - 16:29

طيران الإمارات
كتبت ميرفت رشاد

أعلنت طيران الإمارات اليوم، الخميس، عن عزمها تنظيم حملة توظيف جديدة فى مصر تهدف إلى استقطاب الكوادر المصرية الشابة من الراغبين فى العمل كمضيفات ومضيفين جويين.

وتأتى هذه الخطوة فى إطار حملات التوظيف التى نظمتها الناقلة فى القاهرة خلال السنوات الماضية والتى شهدت حضوراً ونجاحاً متواصلين.

وسوف تنظم الناقلة يوماً مفتوحاً الاثنين 24 يناير الجارى من التاسعة صباحاً فى فندق فيرمونت هليوبوليس، طريق العروبة فى مصر الجديدة، وذلك لمقابلة الراغبين فى العمل وتسلم طلباتهم.

وقال خالد السركال المدير الإقليمى لطيران الإمارات فى مصر، إن أطقم الضيافة والخدمات الجوية فى طيران الإمارات يتمتع بأعلى المستويات المهنية التى تقدم أرقى مستويات خدمة العملاء.

وتستقبل الناقلة طلبات التوظيف ممن يجدون فى أنفسهم الكفاءة ويتمتعون بالثقة بالنفس والمؤهلات المناسبة والقدرة على التواصل، من الآن من خلال موقعها.

ويشترط فى المرشحين أن يكونوا حاصلين على شهادة الثانوية العامة أو ما يعادلها وأن لا تقل أعمارهم عن 21 سنة، كما يتعين أن يجيدوا اللغة الإنجليزية وأن يتمتعوا بشخصية ودودة ولطيفة ومتزنة مع استعداهم للعمل بروح الفريق وتحمل المسؤولية وإدراك وتفهم ثقافات الآخرين.

وسوف تتم دعوة من يفوزون فى الاختيار المبدئى إلى إجراء المقابلات التى يتقرر على أساسها توظيفهم ضمن فريق الخدمات الجوية فى طيران الإمارات بعد أن يتم تدريبهم وفق المعايير الرفيعة للخدمات الجوية التى تعتمدها الناقلة وينتقل الموظفون الجدد بعدئذ إلى دبى، حيث يبدأون حياتهم المهنية الجديدة.

ويضم فريق الضيافة الخدمات الجوية فى طيران الإمارات أرقى الكوادر البشرية من بين أكثر من 120 جنسية على مستوى شبكة طيران الإمارات حول العالم.

رابط المصدر https://www.youm7.com/News.asp?NewsID=335874

[عاشق A380]

ينقل لقسم الضيافة الجوية
شكراً لك

[Noona_Noona]

thanks bilal

[Bilal 1]

العفوا احنا سوينا بس الواجب و شكرا على مروركم الجميل

[posykat]

عايزه حد يحكيلي شويه عن نظام طيران الامارات في المقابلات وكده ,,, بلييزز :ANSmile15:

[Noona_Noona]

اقتباس:     المشاركة الأصلية كتبت بواسطة posykat  

عايزه حد يحكيلي شويه عن نظام طيران الامارات في المقابلات وكده ,,, بلييزز :ANSmile15:

حبيبتي ممكن تدخلي على اللينك اللي اتكلموا فيها عن طيران الامارات قبل كده وحتلاقي معلومات كتير تفيدك

[بوبوخيرت]

ياترى المقابله يوم 24 ولا بنقدم الcv بس للانى بشتغل قشرم ومش عارف هقدر اروح ولالا

[Bilal 1]

مشكور على مروركم الجميل

[Shahrazan]

اقتباس:     المشاركة الأصلية كتبت بواسطة بوبوخيرت  

ياترى المقابله يوم 24 ولا بنقدم الcv بس للانى بشتغل قشرم ومش عارف هقدر اروح ولالا

بتروح وتبقى معاك ورقك وبيبتدى اليوم بنهم يدول ارقام للحاضرين وبعدين بيشغلو فيديو للشركة وبعدين يسالو كل واحد لية اختار الشركة دى وبيجب يشتغل مضيف لية واية المسؤليات اللى على المضيف وبعدين يقيسو الوزن والطول وتقلع الشوز وترفع بايدك عشان تطول ال 212 سم . ويعدين يصفو منهم وبعدين يعملو مناقشة جماعية ويصفوا منها وبعديت امتحان الانجليزى وبعد كدا فى كذا اختبارات واللى بيفضل لتانى يوم بيخدو منهم الاوراق و مش عارفة اية الاجراءات التانية ...


وممكن تستنى الاماراتية لحد ماتنزل شرم هما بيعملو انترفيوهات هناك

[khairy15]

طب و اللى سنه 20 سنه؟

[besterboy]

لو سمحتم ياجماعه انا من المنصورة واول مره اعمل مقابله من النوع ده وحابب اعرف تفاصيل اكتر ولما اجي القاهره اجي فورمال ولا عادي واجيب ايه معايا-ولو في حاجات معينه اذاكرها-عايز اعرف اي تفاصيل لو سمتحم-وعايز اعرف مكان المقابله فين ب الضبط لان قريت اكتر من مكان -فعايز اعرف المكان الصح-عشان انزل عليه علي طول-وشكرا ليكـم

[meral]

المقابله في فيرمونت طريق المطار الساعه 9
يوم الاثنين 24
وتكون فورمال وير وبس
وفي توبيك مخصوص لاخر اعلان نزل
جود لاك

[nanno]

هاىميرال انا لسة جديدة هنا فى المنتدى كنت عايزة اسألك انتى رحتى قبل كدا انترفيوهات لطيران الامارات اكتر من مرة _ ولا لاْ - عشان كنت عايزة اسال هو امتحان الانجليزى اللى بنمتحنو بيبقى زى ماهو ولا بيتغير - ومين يا جماعةهيروح انا كمان رايحة بس عايزة اعرف فين فيرمونت اوتيل بالظبط

[Magdy Fathey]

الامتحان بيتغير بين كل مرة و التانية اكيد لانه اصلا كل مرة بيبقي فيه 2 نموذج مش واحد يعني اللي معاكي غير اللي مع اللي جمبك بس بيبقي لذلذ يعني و الللي متعرفوش اعمله اي حاجة بس متسيبوش فاضي بس انشاء الله تحله كله لانه بيبقي اختيارات بس كومبوزيشن هو الللي بيبقي التقييم عليه لانه بيعرف منه شخصيتك و الجرامر بتاعك من خلال كتابتك

[h.elgharby]

لسه باب التقديم مفتوح ولا لا؟؟

[nanno]

بيعلنوا عن طلبهم للضيافة الجوية فى الموقع الرسمى بتاعهم

[h.elgharby]

طب ممكن الموقع الرسمى بتاعهم؟؟ ميرسى على الرد

[samar1987]

طيب ممكن حد يقولى لسه فى فرص ولا لا

[nanno]

الاماراتية فى القاهرة يوم 25 يونيو ان شاء الله فى اوتيل فرمونت
وبيكون فى فرص للى مش لحق يروح انترفيو يقدم فى اللى بعدة
الرابط للاماراتية https://ekgrpapplications.emirates.c...f&pub=/english

[onaa]

ممكن بس اعرف شروط التقديم وهل بتقل محجبات

[nanno]

شروطها اللغة
- الطولل يصل 212 سم - يعنى الطول حوالى 160 فيما فوق -
الوزن متناسق مع الطول
- السن مش اقل من 21 سنة
ولا تقبل محجبات
ويشترط تقديم الخمور على رحلاتها
ومعاكى باسبور

[mmrkasem]

@ nanno وشباب,

ياريت ناخد بالنا عشان اللينك مكتوب فيها انها متأجلة لاجل غير مسمي وهايعلنوا عنه بعد كدة.. دة مخصوص علشان الشباب اللي جايين من خارج القاهرة مايتبعتوش بعتة مش لزيزة :) اوكي

ودة نص التنبيه : "
Remarks: **Postponed until further notice*** Preliminary Selections will be done in conjunction with our appointed agency Reach."

[nanno]

لا متقلقش يا قاسم
هما لما الميعاد بيقرب بيكتبوا التوقيت بالظبط والمكان

[onaa]

شكرا جدا على الاهتمام والرد nanno

[mmrkasem]

اقتباس:     المشاركة الأصلية كتبت بواسطة nanno  

لا متقلقش يا قاسم
هما لما الميعاد بيقرب بيكتبوا التوقيت بالظبط والمكان

اوكي.. ميرسي ياnanno