[ساكون طيارا]

احلى تحية لاحلى اعضاء في احلى منتدى طـــــــــــــــــــيران :-
دار اتصال بيني وبين العضو العزيز الصديق ( المعاوي ) عن طريق الماسنجر msn وقلت لازم انقل لكم المحادثه واليكم مادار بيني وبينه لعلى من يريد الدراسة في كندا وخصوصا في مركز الطيران المحترف الاستفادة من بعض المعلومات التالية :-
ساكون طيارا / السلام عليكم ورحمه الله وبركاته .
المــــــــعاوي / وعليكم السلام ورحمة الله وبركاته .
ساكون طيـــارا / كيف حالك بشرني عنك .
المـــــــــــعاوي / هلا والله بخير الله يسلمك .
ساكون طــــــيارا / راح اخذ من وقتك خمس دقايق اذا سمحت .
المــــــــــــــعاوي / على الرحب والسعه تفضل خذ راحتك .
ساكون طـــــــــيارا / انا مقرر بعد تفكير وتمحيص بالدراسة في كندا .
المـــــــــــــــــعاوي / احسن ماتسوي .
ساكون طـــــــــــيارا / ابغاك تشرحلي بشكل مبسط الوضع عندك كيف صاير ؟
الــــــــــــــــــــمعاوي / والله انا حاليا داخل معهد انجليزي في مدينة فانكوفر وراح ادرس لمدة 6 اشهر بعد ذلك راح انتقل لمركز الطيران المحترف بحول الله وقوته .
ساكون طيــــــــــــــارا / ماشاء الله بالتوفيق .
المــــــــــــــــــــــعاوي / وللجميع .
ساكون طيـــــــــــــــــارا / زين بالنسبة لكندا وتسجيلك لمعهد الانجليزي وترتيب سكنك واستقبالك بالمطار كيف تم لانك قايلي سابقا انك غير ملم باللغه الانجليزية هاذي بالعاميه ياشباب :iconloli: يعني ( كيف صرفت نفسك ) ؟
المــــــــــعاوي / والله عن طريق مكتب معتمد لخدمات الطلاب تعطيهم عمولة معينه مقابل انهم يكملوا اجراءاتك حتى وصولك لكندا .
ساكون طـــــــيارا / والله انك ماقصرت من ناحية هالنقطه لاني محتاج اعرف اللي لي واللي علي انت خابر انها دولة اجنبية واللغه لك عليها يعني لو دولة عربية كان صرفنا روحنا .
المــــــــــعاوي / لا ، لا تشيل هم انت بس عزم الوضع راح يكون في البداية صعب عليك ولكن بعدين راح تشوف الامور كلها تمشي معاك بسهولة متنهايه ركزوا لي على كلمة متناهية هاذي من عندي :iconloli:شعنده الولد المتنبي على غفله .
ساكون طــــيارا / زين طمنتني .
ساكون طــيارا / شرايك بمركز الطيران المحترف ؟
المـــــــــعاوي / والله شوف انا حاليا ادرس بمعهد انجليزي قريب من مركز الطيران المحترف وكل مابين فتره اروح المركز والتقي مع بعض الطلاب وبعض المدربين والكل متساعد هنا معك تشوف روح الفريق الواحد بين المدرب والطالب ماتشوف اي حواجز وانا اقرا بعض الكتب الموجوده حاليا في الاكاديمية علشان بس ادخل الاكاديمية يكون الوضع سهل علي واكون مجمع معلومات لابس بها تساعدني على التقدم في الدراسة بيسر وسهولة والكل هنا يشيد بمركز الطيران المحترف ويعتبر هو الافضل على مستوى كندا .
ساكون طــــيارا / حلو كلام رائع .
المـــــــــــــعاوي / انت ايش ترتيبك ؟
ساكون طـــــــيارا / انا حاليا مفكر اسوي نفس اللي سويت بالضبط اخذ لي كورس انجليزي لمدة 6 شهور اكثر شوي او اقل شوي على حسب سرعة استيعابنا للكورس وبعدين انتقل للدراسة في الاكاديمية .
ساكون طــــــــيارا / بالنسبة للفيزا ياليت لو تفيدني عن طريقة استخراجها ؟
المــــــــــــــــعاوي / شوف يالطيب بالنسبة للفيزا تروح للسفارة الكندية وتاخذ معك بياناتك من صور جواز سفر مع القبول ( اذا جيت بتقدم على الفيزا لازم تجيب قبول من معهد انجليزي علساس انك راح تدرس انجليزي بس وبعد ماتخلص من دراسة الانجليزي روح اردس الطيران ماعليك من احد ماراح احد يكلمك لان السفارة ماراح تعطيك فيزا بخصوص دراسة الطيران ركزوا ياشباب على هالنقطه تراها مهمه والكثير يجهلها وانا منكم بس يوم قالي هاكلمه اخذت احتياطي ) .
ساكون طيــــارا / تمام ، واشلوان ادفع رسوم الفيزا .
المـــــــــــــعاوي / السفارة راح تعطيك وصل تاخذه للبنك وبموجبه تسدد رسوم الفيزا في البنك .
ساكون طـــــــيارا / شرايك ببرنامج طيار المستقبل ؟
طبعا هذا البرنامج موجود في شبكة القرناس تحت اشراف المشرف العام للشبكة الاخ العزيز القرناس .
للمعلومية لمن يريد ان يسئل عن برنامج طيار المستقبل فعليه بالتوجه للرابط التالي .
https://www.gernis.net/ppc.htm
المـــــــــــعاوي / ماعليك منهم .
ساكون طـــــيارا / هذا رايك ؟
المــــــــــــــعاوي / هذا رايي وانت الراي الاول والاخير لك .
ساكون طــــــيارا / ياليت لو تعطيني رقمك على اساس نتواصل انشاء الله اذا استجد عندي اي سؤال او اي استفسار اذا تسمح .
المـــــــــ ـــــــعاوي / بالعكس انا بالخدمه تفضل هذا الرقم ........................
طبعا الرقم خاص وما اقدر انزله الا اذا سمح صاحب الرقم هذا شيء ثاني .
ساكون طــــــــــــيارا / شكرا ماقصرت معي واتمنالك التوفيق والسداد .
ساكون طــــــــــــــيارا / في امان الله .
المــــــــــــ ــــــــــعاوي / حياك الله .
وانتهى اللقاء طبعا انا طولت عليكم وترى انا اختصرت كثير من الكلام انا عطيتكم خلاصة الموضوع واخذت الموافقة من العزيز المعاوي لنشر هاذي المحادثه حتى يستفيد الجميع واي استفسار اذا في اي شيء مو واضح انا جاهز .

[bandar]

مرحبـأ


طيـب كان سألته ليش هالاكاديميه ما ترد على استفسارات المتقدمين هل اكتفـوا مثلاا .؟

والشغلـه الثانيـه وش قصـده بفيزه معهد وبعدما تخلص منه تروح الاكاديميه ومحد يقولك شي !

[ساكون طيارا]

حياك يابندر انشاء الله قريبا ساطرح عليه السؤال اللي تفضلت فيه ، وبالنسبة للفيزا شوف اخوي احنا هنا في السعوديه الاجراءات مشدده في السفارات يعني مايقدر الشخص يطلع فيزا بدراسة الطيران فعلى هالاساس اي يشخص يبغى يدرس طيران لازم يستخدم الحيله يقوم مثلا باستخراج فيزا لدراسة الانجليزي فقط ولكن بعد الانتهاء من الانجليزي يقدر يدرس طيران يعني مثل ماتقول بطريقة غير مباشرة اتمنى التوضيح يكون وصل لك .

[bandar]

حي وأبقـى اخوي

هيه واضح

بس لا تنسى تسألـه عن الاكاديميه وش خبرهـا .؟


أشكـرك

[ساكون طيارا]

اقتباس:     المشاركة الأصلية كتبت بواسطة bandar  

حي وأبقـى اخوي

هيه واضح

بس لا تنسى تسألـه عن الاكاديميه وش خبرهـا .؟


أشكـرك

انشاء الله انت تامر امر .

[draculaghost2007]

الصراحة موضوع رائع يا سأكون طياراً هذا بالفعل ما نحتاج إليه تجارب حقيقية
و الله أنا إن شاء الله سأدرس بمركز الطيران المحترف بكندا و خصوصاً بعد هذا الكلام
و أرجو أن تبقى على اتصال بصديقك لتعرف منه الأخبار أثناء دراسته للطيران هناك
و تقبل خالص تحياتي .....................

[الطيار الراقي]

طيب انا عندي سؤال ..

مثلا لو قررت اني اطلع وادرس بكندا ..

وش يضمن لي اني لما اروح كندا رآح يقبلوني في الفحص الطبي ... آلخ ..

مو لازم كندا .. لو آي بلد آخر ..

فأبغى آعرف كيف آضمن اني لما اروح لهم بدخل علطووول ؟!

[bandar]

مرحبــا

شحـالـك سأكون طيارا عساك بخيـر ..؟

اقـول هاه حصلت اكاديميه تلتحق بها ولا .؟

[ساكون طيارا]

اقتباس:     المشاركة الأصلية كتبت بواسطة bandar  

مرحبــا

شحـالـك سأكون طيارا عساك بخيـر ..؟

اقـول هاه حصلت اكاديميه تلتحق بها ولا .؟

هلا والله تقدر تقول حصلت مركز الطيران المحترف الان راح اجيب قبول من معهد للانجليزي بعد مااخلص من المعهد راح انتقل لمركز الطيران المحترف .

[ساكون طيارا]

اقتباس:     المشاركة الأصلية كتبت بواسطة الطيار الراقي  

طيب انا عندي سؤال ..

مثلا لو قررت اني اطلع وادرس بكندا ..

وش يضمن لي اني لما اروح كندا رآح يقبلوني في الفحص الطبي ... آلخ ..

مو لازم كندا .. لو آي بلد آخر ..

فأبغى آعرف كيف آضمن اني لما اروح لهم بدخل علطووول ؟!

سو فحص طبي مبدئي قبل الذهاب للدراسة في الخارج وانت في بلدك .

[bandar]

بالتوفــيــق

عقبـال ما نشوفـك فيرست اوفســر ^_*

تحياتي

[m-j]

مشكور على هذا الموظوع

والله يوفقك ويوفقك المعاوي

[الطيار الراقي]

يسلموووو

سأكون طيار

رآح اجرب واشوووف ..

[ساكون طيارا]

مشكورين ياشباب على مروركم العطر .

[بي سي]

الله يعطيك العافية ساكون طيار ومشكور شكرا جزيلا
على الموضوع

[شهاب الجزيرة]

يعطيك العافية ساكون طيار
وبالتوفيق للمعاوي

[ahmed a340]

walahe 7oar gameel wa moffed feek alkheer akhy