[Captain_kimo]

انت فى اوضتك على السرير وطافى النور ومتغطي
يجى اخوك الظريف يقولك اية دة انت هتنام ولا ايه ؟
(مظنش انى هرقص يعنى اكيد هنام)

انتم معزومين عند الناس اول مارحتولهم البيت فتحو الباب يقول
ابنهم االصغير انتو جيتو
( لا لسه )


انت لابس هدومك ومتأنتك على سنجة عشرة وريحة البارفان وصله
لاخر الشارع يندهلك حد من اهلك بصوت عالى انت خااااااارج انت
(لا انا لسة راجع)

خارج وركبت العربية وبدور وطالع ويجى البواب يقولك انت رايح الشغل
يابية
(لا العربية وحشاني )

مسكت التليفون وبتضغط على الارقام يجى حد من اهلك يقولك انت
هتتكلم فى التليفون؟
(لا بتفرج علية)


ماسك مذكرة ولا كتاب وقاعد بتحفظ متحمس ( اول مره بقى ) ويجي حد
يقولك هاة قاعد تذاكر
(تقوم رامى الكتاب وقايلة لااااااااااا )

ربنا هاديك كدة وماسك سبحة وعمال تسبح يجى حد من البيت معدى
يقولك هوة انت بتسبح ؟
(لا هفرطها واسلقها)



ولا باة القنوات و اسئلتهم البايخة برنامج اهداء اغانى ترد عليك ست
الكتكوتة (المذيعة)بكل خفة ورشاقة انت بتحب الاغنية دى؟
(لا انا طالبها اخنق على نفسى (

او مثلا فى برامج العيد
المذيع "ههههه هههه نتعرف بيك؟
المواطن فلان الفلانى
المذيع "هههه بتقول اية للاهل هههه وصحابك هههههه وقرايبك هههه
المواطن اقولهم كل عام وانتم بخير
(اكيد مش هيقولهم البقاء لله)

المذيعة الظريفة"وياترى هتعملو اية فى العيد هتقضوة ازاى
اكيد بيبقى زيارات الاهل والاصحاب وتفسحو اولادكو ونتصل بالمعارف
ونقولهم كل سنة وانتم طيبين
( سبتيله اية يقوولة يا رخمة)

والاسخف باة برامج الاطفال .... الشلل الكبير
المذيع" انت بتحب بابا وماما
(يعنى الولة لسة مطلعلوش عرق الندالة علشان يقول لا)

ابتسامه سعيده للجميع
تحياتي

[صمت الليل]

هههههههههههههههههههههههههههههههههههه
مواقف طريفه كابتن,,

يعطيك العافيه..
ولو اني كأني قريت الموضوع هذا قبل بالمنتدى..

[a340qr]

هههههههههههههههه موضوع ظريف <<<<<((أكيد بيكون ظريف ولا بيكون بايخ))

[B772]

ألف شكر على الموضوع مع انه مكرر وشكر على المجهود تقبل تحياتي
https://www.flyingway.com/vb/showthread.php?t=7116
هذا رابط الموضوع

[+[ المها ] +]

كابتن كيمو هههههههههههههههههه فعلا مواقف بتدحك ويعطيك العافيه بس اكثر شي ضحكني الوله اللي لسه ما طلع له عرق النذالة خخخخخخخخخ ممكن اضيف حاجة؟؟؟ لما تكون نايم واحد بيتصل عليك والجوال يرن ويولع وانت مش قادر ترد تعبان ويفضل يرن ويرن لحد ما تزهء وترد يئوم المتصل بكل غباوة يقولك: انت كنت نايم ؟؟؟؟ معليش صحيتك !!!اسيبك ترجع تكمل نومك!!!!!!!!! بعد ايه؟؟؟؟؟؟؟؟؟؟؟؟؟؟؟؟؟؟؟؟؟؟