[wegdan12345]

السلام عليكم
انا فرحان اوي اني لقيت السايت ده عن الطيران لان اقل ما اقولا عن الطيران اني بعشقة
وليا بعض الاستفسارات عن تعلم الطيران

انا وجدان نبيل من مصر ادرس في الجامعة الالمانية بالقاهرة في الترم الثامن وباقي لي ترمين علي التخرج

بالنسبة للغات ((الانجليزية فوق المتوسط والالماني والفرنسي ضعيف)) تقدير الجامعة جيد

انا قرائت عن الطيران هنا في المنتدي ولقيت معاهد كتيرة للطيران ((اكسفورد بانجلترا بس غالي اوي
ومهعد بفلوريدا وكتير ومش عارف اختار بينهم))؟؟
وهل يوجد مدارس يمكن تسديد مصاريف الدراسة بعد التخرج بفائدة ((من مرتبي))؟؟
ايضا ممكن اشتغل بالهندسة فترة الدراسة ولا لا ؟؟
انا عايز اكون طيار بشركات الطيران زي الخطوط الجوية الكويتية المصرية القطرية الامريكية الجزيرة ناس ......الخ
وطبعا انا علشان اكون طيار لازم اتخرج من المعهد بدرجة مساعد طيار لغاية ما اكمل 1500 ساعة طيران (((انا كدة فاهم صح ولا ايه؟؟؟))) فانا لقيت في كل المعاهد كورسات كتير فاي الكورسات اختار ولقيت كورس اسمه الكورس المتكامل ((integrated course)) ??? فما هو؟؟؟ وهل كافي للعمل بشركات الطيران؟؟
طبعا الرزق علي الله لكن نسبة اني الاقي شغل بشركات الطيران كام % ؟؟

[wegdan12345]

27 مشاركة ويوم فات علي كتابتي للموضوع ومفيش حد رد عليا

[Doby]

اولا تحياتي ليك كابتن وجدان
ثانيا معتقدش انك ممكن تلاقي كلية طيران و تسدد بعدين كان كل الناس دخلت طيران
و اعتقد انك ممكن تعمل مابدالك و انت بتدرس طالما ماشي مع قوانين الاكاديمية
اعتقد كمان ان اغلب الكورسات بتدي 250 ساعه طيران و تقريبا في تدريب على حسابك لو حبيت لزياده عدد ساعات الطيران
و الوظيفة مش مضمونة في مصر لان فتح باب الانضمام لمصر للطيران بيتفتح كل فين و فين اما في بلد زي امريكا فالطيران فيها لغة و ليس مجرد مجال للشغل واعتقد انك ممكن تلاقي وظيفة هناك
مش عارف درجة صحة معلوماتي لكنها من واقع خبره قصيرة جدا في هذا المجال الرائع الذي ارجو من الله ان يتيح لي فرصة دخوله كما احلم و اتمنى

سلامي و تحياتي