[shakaleta]

اقتباس:     المشاركة الأصلية كتبت بواسطة sad girl 2  

• اساسا مصر للطيران مش بتقبل حد انا امتحنت انجليزى هناك ومش هروح الانترفيو لانى بجد خلاص عندى احباط تام لانهم لازم واسطه وانا مش هتعب نفسى عشان اجيب وسطه وبعدين محدش بيخدم بنت فى الدنيا دى الا بالمقابل ولو كانت بنت يبقا المقابل كلنا فاهمينه انا خلاص قررت انى مش هروح الانترفيو

نوران كملي المشوار اللى بدأتي فيه ، واسطة بقى ولا مفيش سيبيها على ربنا ولو حتى متقبلتيش دى يبقى نصيب ، المهم عملتي اللى عليكي .... بالتوفيق

[mido777]

على فكره ممكن انتى مش حليتى كويسه فا بتقولى وسطه بس انا اعرف ناس كتير دخلت مصر الطيران ولا كانت تعرف حد هى اهم حاجة تكونى وثقه فى نفسك وفى لغة بتاعتك وبعد كدة انشاء الله تتقبلى ولسة مصر للطيران بتعمل اعلان وبتاخد ناس فا يا نوران مش هتشتغلى فى يوم وليله خالى بالك طويل وانشاء الله خير وفى الاول والاخر نصيب

[sad girl 2]

انا حليت فى الامتحان كويس قوى بس انا حاسه ان الموضوع محتاج وسطه كبيره يالا ربنا يسهل

[mozfar]

QUOTE=sad girl 2;769311]

• اساسا مصر للطيران مش بتقبل حد انا امتحنت انجليزى هناك ومش هروح الانترفيو لانى بجد خلاص عندى احباط تام لانهم لازم واسطه وانا مش هتعب نفسى عشان اجيب وسطه وبعدين محدش بيخدم بنت فى الدنيا دى الا بالمقابل ولو كانت بنت يبقا المقابل كلنا فاهمينه انا خلاص قررت انى مش هروح الانترفيو

:iconloli: لالا لالا الدنيا مش سوده لدرجتى ربنا لو كتابلك الرزق فى المكان ده حتشتغلى غصب عنهم اهم حاجة تتوكلى على الله ومن يتوكل على الله فهو حسبه ولو ماجتش يعالم يمكن ربنا مهيأ لك خير احسن من ده فى مكان احسن
وربنا بيقول فى كتابه العزيز (وعسى ان تحبوا شيئا وهو شرا لكم وعسى ان تكرهوا شيئا وهو خيرا لكم) اهم حاجة خذى بالأسباب و توكلى على الله وموافقة بأذن الله فى اى مكان خليك بس مع ربنا وارمى حمولك على الله و افتكرى دايما ان ربنا هو اللى بيرزق مش العبد

[suri]

هى بصراحة نوران عندها حق لان معظم مصر للطيران بتتحتاج واسطة
بس بردة نروح الانترفيو ونستفيد من التجربة بتاعته وخلاص ....
ومعظم البنات الللى كانوا هناك كانوا بيقولوا كده بردة
ربنا يستر بقى وخلاص^_^

[doly_dody]

مصر للطيران نزلت على فكره انهارده اعلان تانى برده 18\10

[doly_dody]

انا رائى ان الواحد يجرب مش حيخسر حاجه حتى نعرف الانترفيو بيكون ازاى عشان نبقى ناخد بلنا.

[doly_dody]

انا كلمت مستر حسنى وقال البنات اللى امتحنو يوم 28\9 الانجليزى يروحو يملو applicationعشان يتحدد معاد الانترفيو .و ارجو معلومتى تكون صحيحه

[Zozza]

انا عرفت ياجماعة ان لازم اليه تقدم فى مصر الطيران تكون
كانت فى مدرسة لغات
طيب انا كنت مدرسة خاصة او اعلا كمان ينفع وله نوو
ياريت حد يفدنى

[{yasmeen}]

اقتباس:     المشاركة الأصلية كتبت بواسطة Zozza  

انا عرفت ياجماعة ان لازم اليه تقدم فى مصر الطيران تكون

كانت فى مدرسة لغات
طيب انا كنت مدرسة خاصة او اعلا كمان ينفع وله نوو

ياريت حد يفدنى

روحى ياحبيبتى قدمى

مش هتخسرى حاجة على الاقل هتستفادى

هما بيطلبو مدارس لغات عشان اللغة تبقى كويسة

بس لو كانت لغتك تمام هتتقبلى عادى

بالتوفيق ..

[misstekka]

اقتباس:     المشاركة الأصلية كتبت بواسطة sad girl 2  

• اساسا مصر للطيران مش بتقبل حد انا امتحنت انجليزى هناك ومش هروح الانترفيو لانى بجد خلاص عندى احباط تام لانهم لازم واسطه وانا مش هتعب نفسى عشان اجيب وسطه وبعدين محدش بيخدم بنت فى الدنيا دى الا بالمقابل ولو كانت بنت يبقا المقابل كلنا فاهمينه انا خلاص قررت انى مش هروح الانترفيو

انا بجد اعرف واحده صحبت اختى قدمت فى مصر للطيران وقبلت على طول وهى فى ترينينج دلوقتى والكلام ده من شهرين بالكتير ولاوسطه ولا اى حاجه وهى كمان عاديه جدا وده الى شجعنى انى اقدم بس اللى اكتشفته ان الوظيفه مش ينفع نقعد نستناها نشوف حايتنا ولو جيت حاجه كويسه بدل منضيع الوقت. وبجد بالتوفيق لكل اللى هايقدم

[mozfar]

اقتباس:     المشاركة الأصلية كتبت بواسطة suri  

هى بصراحة نوران عندها حق لان معظم مصر للطيران بتتحتاج واسطة
بس بردة نروح الانترفيو ونستفيد من التجربة بتاعته وخلاص ....
ومعظم البنات الللى كانوا هناك كانوا بيقولوا كده بردة
ربنا يستر بقى وخلاص^_^

يا سارة اقرئى كلامى كويس ودققى فى كويس

[doly_dody]

انتى عندك حق المشكله فى مصر للطيران حبلها طويله الواحد مش عارف لو جت حاجه كويسه يعمل ايه

[Mai said]

hii
y agam3a " noran " ana msh m3ky 5als lazm trou7y tab3n el interview ,fe nas kteer 2addemt fel masr el tayran w 2ablt w msh ha2olk mfesh wasta fe tab3n ..bas enty 5aley wastetk rabnaa ..rou7 w a3mly elly 3aleky w isaaa law leky 5eer feha isaaaaaaaaaaaaaaaaaaaaaaaaaaaaaaaaaaaaaaaaaaaaaa hat2bly w han2olk mabrouk 2oryb kamn. ana ray7a 2a2dem youm el talat 7ad ray7 y2dem ..y gam3a a5od 7ga 3'eer el cv .w exam el english 3obra 3n eh ..

[Zozza]

يارب يوفقك يانوران وبقولك don`t give up
ولو سعنى كلام الناس موش هنخلص ولا هنتقدم ربنا قال اسعى ياعبد بس كدا وربنا معاك يارب
بس قوللنا الامتحان عابارة عن ايه
وقدمتى وامتحنتى فى نفس اليوم وله لا
يعنى ياريت تفاصيل اكتر وشكرا

[beautyflower]

انا رايحه اقدم بكره ان شاء الله و على فكره كان في اعلان نازل في اخبار اليوم يوم السبت و السن من 18 ل 30 يعني فرصه كويسه لكتير اوي ان شاء الله ربنا معانا كلنا باذن الله و يكتبلنا اللي فيه الخير
ان شاء الله

[Zozza]

طيب ياريت اليه راحت تقول هو حصل ايه معاها خير
بالظبط
لانى عيزا اورح وكمان ان من اسكندرية
وعيزا اعرف يعنى المقابلة ازاى اقدم السى فى وبس وله هيكون فى اسألة وكدا ياريت وجزاكم الله كل وبالتوفيق لكلو

[doly_dody]

حتخدى معاكى صوره المؤهل و صوره شهاده الميلاد و صوره البطاقه وبعد كده المفروض حيحددو معاد امتحان الانجليزى و بعدين معاد الانترفيو, يارب اكون افدتك

[suri]

انا اتصلت انهاردة بمصر للطيران وحصلت حاجة غريبة اوى ان مستر حسنى رد عليا فبقولة انا عاوزة اعرف نتيجة امتحان الانجلش وكده قالى تعالى عشانى تملى الابليكشن وتعملى مقابلة شخصية فقولته هوا انا ممكن اعرف النتيجة بتاعتى بالتلفون وخلاص قالى لاء تعالى عشان الابلكيشن من غير ما اقولة اسمى ولا امتحنت امتى ولا اى حاجة .... فيا جماعة انتوا شايفين اية فى السلطة ده هل كده انا هعمل انترفيو من غير ما اعرف نجحت ف الانجلش ولا لاء ولا اية بالظبط ياريت اللى يعرف التفاصيل يقدنى

[suri]

اقتباس:     المشاركة الأصلية كتبت بواسطة mozfar  

يا سارة اقرئى كلامى كويس ودققى فى كويس

هههههههه والله مش فاهمة يعنى اية ادقق هو انا قلت حاجة غلط :iconloli:

[{yasmeen}]

سارة

يبقى هما نظامهم انهم بعد امتحان الانجليش بيعملو الانترفيو كمان

ممكن يكون اعتمادهم على الامتحان والانترفيو

مش على نتيجة الامتحان بس

يعنى ممكن بنات يحلو مش كويس اوى فى الامتحان بس هما مناسبين واللغة عندهم كويسة

والانترفيو بتاعهم يبقى كويس ويتقبلو

فاكيد كل البنات سواء اللى عمل كويس او مش كويس فى الامتحان هيروح انترفيو

وانا من رايئ انكم كلكم اللى امتحنتو تروحو الانترفيو

مش هتخسرو حاجة كأنكم رايحين تشمو هوا

لعل وعسل محدش عارف النصيب فين

بالتوفيق للجميع ..

[suri]

ميرسى يا ياسمين على اهتمامك وردك وعندك حق نروح وخلااص .. وربنا يسهل

[mido777]

اكيد تروحى تكملى التقديم لى اخر وقت ممكن

[Mai said]

Hii
beautiful flower ana kmn ray7a 2a2dem bokra isaa

[نادوو]

يا جماعة النظام فى مصر للطيران اتغير خالص يعنى مكنش على ايامى كده وانا من رايى انكم تروحوا الانترفيو بس اهم حاجة تبقى مضربة على انك تتكلمى انجلش بطريقة صح وان شاء الله الانتر فيو يبقى سهل وياريت يا جماعة الصبر ثم الصبر فى الموضوع ده يعنى الى بيحب المجال ده وعايز يبقى فى ويشتغل فى لازم يصبر لغاية لما يحقق حلمة وان شاء الله ربنا يوفقنى ويوفق الجميع

[mozfar]

اقتباس:     المشاركة الأصلية كتبت بواسطة suri  

هههههههه والله مش فاهمة يعنى اية ادقق هو انا قلت حاجة غلط :iconloli:

لأ ياسارة انتى مقلتيش حاجة غلط ولا حاجة بس اكدتى فى كلامك على الوسطة والمحسوبية و ده كلام من وجهة نظرى كلام فارغ ومتزعليش منى بس ده اللى انا شايفه واعوذ بالله من كلمة انا اهم حاجة الأنسان يعمل اللى عليه ويتوكل على الله ده الرسول عليه افضل الصلاة والسلام بيقول فى حديث صحيح بيقول ايه(لو انكم تتوكلون على الله حق توكله لرزقككم كما يرزق الطير تغدو خماصا(اى فارغة البطن)وتعود بطانا(اى شبعانة))توكلوا على الله بس دى كل الحكاية ياسارة ياسارة ياسارة

[Zozza]

thak u doly
I will be ready
thank u again

[beautyflower]

انا رحت قدمت انهرده و انا هناك شفت 2 كمان كانوا بيقدموا و سمعت هناك ان في امتحان انجليش يوم الخميس فيه 35 بنت بس انا قالولي تعالي يوم الاتنين عشان تعرفي معاد امتحانك و لما قلتلهم اني ساكنه بعيد قالولي يبقىاتصلي اسألي,

[beautyflower]

قالولي ابقى اتصل اسأل يوم الاتنين ان شاء الله ربنا يوفقنا كلنا.zozza:روحي قدمي ما تقلقيش مافيش اي حاجه حصلت معايا غريبه هو بس اهم حاجه يكون ورقك كامل الcv و نسخه من المؤهل ولازم صوره من البطاقه و شهادة الميلاد رحت قدمتهم و مستر حسني خلاني املا ابلكيشن و بس على كده قاللي لازم تتصلي عشان تعرفي معاد الامتحان و انتي بتقولي انك من اسكندريه و بعيد انا برده من اكتوبر و صدقيني يمكن تكون المسافه هي هي من عندك للمطار زي عندي :)عشان انا اخدتها في ساعتين و شويه و بعدين اسعى يا عبد و انا اسعى معاك ففعلا يا جماعه لازم نروح نقدم مش هنخسر حاجه بالتوفيق للجميع ان شاء الله ربنا يكرمنا كلنا باذن الله

[Mai said]

ana kmn ro7t anhrda 2admt w kan fe bant kteer w kan fe cv kteer awiii ,w mlna el appication w salmna el cv b sora w sort el mo2hl w sort el bot2a w sort shahdt el melaad. w youm el talat elly gay arou7 ashof amt7ny amta
isa