[PiLOt LIgHT]

اولا احب ارحب بكل اعضاء ومشرفين منتدى خط الطيران يارب تكونو فى احسن الاحوال بأذن الله
ثانيا اعرفكو بنفسى انا ماريو صدقى من اسيوط مصر خريج بكالوريوس تجارة 2011 عمرى 22 سنة
ونخش فى الموضوع عشان مطولش عليكو

الطيران هل هو حقيقة ام خيال هل هو حلم ااحلم بة واستطيع القيام بة بمشيئة الله ام انة مجرد فانتازيا تراودنى وطيش شباب هل يستحق العناء ام لا هل اسلك هذا الطريق واتوكل على الله وفى نهاية هذا الطريق الغير معروف بالنسبة لى سوف احصد الثمار التى اتمناها ام سيكون خيبة امل كبيرة ولن يوصلنى الى اى شى من الذى احلم بة منذ صغرى !!!!
هذة كلها اسئلة طرحتها على نفسى قبل ان افكر فى دراسة الطيران بجدية ومازالت مبهمة بعض الشى بالنسبة لى وعندها اتانى هذا المنتدى الرائع من حيث لا ادرى ولا اعرف ..
من حوالى شهر وانا افكر بجدية فى دراسة الطيران ولكن نظرا انى من الصعيد ومعندنااش طياريين هنا
وليس لى اى علاقة بمجال الطيران ولا من بعيد ولا من قريب فلم اجد احد اسئلة عن هذا المجال اما عندما وجدت هذا المنتدى المتكامل الذى فى رأى افضل منتدى طيران فى الشرق الاوسط استمريت فى البحث على الموضوعات التى تتعلق بالدراسة وزاد املى فى الحلم ان يصبح حقيقة ...:jumping:
فى الاول كنت افكر فى الدراسة فى كلية الطيران المدنى المصرية لكن اكتشفت ان تكلفتها لا تصدق 70000$ غير بعض المصاريف الاخرى يعنى حوالى 500000 الف جنية عقبال التخرج !!!!!!! فقررت انى ادرس بالخارج وبدأت البحث من خلال المنتدى مرورا بالفلبين و جنوب افريفيا وكندا ثم استقريت فى النهاية على امريكا بإذن الله وربنا يسهل الفيزا إن شاء الله وانا لا اعيب اى منهم ولم اختار الا لسبب واحد انى اذهب فى اعتقادى للدولة الرائدة فى المجال مع اختيار اكاديمية معتدلة المصاريف واليكم طريقة تفكيرى وانا ارحب بالنقد او التعديل او الاضافة من اى من الاعضاء الجدعان ....:balbal:
اولا قررت ان اسافر الى القاهرة واعمل حاجتين اسأل على الفحص الطبى واعملة و بما ان لغتى الانجليزية متوسطة اشوف مكان يطورلى لغتى فى خلال 3 او 4 شهور ؟ وسؤالى الى الاعضاء الاحباء هل فى حاجة المفروض اعملها قبل كدة ولو حد يعرف مكان كويس ينصحنى بية ناس كتير قلتلى الجامعة المريكية اية رأى الاعضاء ؟؟؟
ثانيا ذى مقولتلكو نويت ادرس فى امريكا بإذن الله بعد البحث المتواصل على المنتدى قررت انى اروح فلوريدا وبالذات بعد 4 شهور بداية الصيف وجوها حلو اوى لتعلم الطيران والمدرسة اللى اخترتها هى dean international البرنامج بتعهم يشمل برايفت وكوميرشال و اى ار و ملتى انجن على cessna 152 and piperseneca كل دة 31350 دولار امريكى فقط فى فترة من 6 الى 8 شهور كحد اقصى ولو على cessna 172 and piper يبقى 34350 دولار امريكى البرنامج 278 ساعة بغض النظر عن مصاريف السكن والاكل اللى لما حسبتها لقتها مش هتزيد عن 6000 او 7000 دولار محتاج نصحتكو ضرورى اية رايكو فى المدرسة والبرنامج وانا بصراحة مش عارف اية الفرق مابين 152 و 172 وايهم اختار !!! المدرسة فيها 45 طيارة وشكلها ممتاز والسيت بتعها FlyMiami | Dean International - Miami Flight School - South Florida
انا اتعرفت على واحد مصرى درس فيها وخلص بس لسة مكلمتوش استفسر منو اكيد هيفدنى إن شاء الله وكمان عرفت ان ليهم وكيل فى مصر فى العجوزة وهبقى اروحلهم اكيد بس انا محتاج اراء الاعضاء والناس الكبيرة اللى فى المنتدى يساعدونى كلى عشم فيكو تدلونى على الطريق الصح جزاكم الله خيراا
وبفضل موضوع هنا ساعدنى كتير وخلانى متفائل موضوع كابتن مؤمن الرائع كل متحتاجة للعمل فى اى شركة طيران عربية !! موضوع افدنى الكثير ونويت انفذ الخطوات بتعتة واذا اراد الله ان اكمل هذة الخطوات على هذا النحو دون مشاكل سوف اقوم بدراسة atpl frozen وكمان تيب رايتنج قبل مارجع وكللل دة مش هيكلفى ال 70000$ اللى ادفعهم فى مصر صفقة رابحة من رأى
معلش متأسف جدا على الاطالة اكيد جلكو ملل بس اعذرونى واستحملونى ينوبكم سواب
هذة هى قصتى من الالف حتى الياء ومن لدية اى نقطة للزيادة يقول ومن لدية اعتراض ارحب بة جدا ومن يرانى نسيت شى يفكرنى بة احنا كلنا اخوات هنا
سؤال هام للمشرفين بفكر اجيب كتب طيران اقرا فيها خلال ال 3 شهور القادمة بماذا تنصحونى مجرد بدايات وتعريف بالطيران عشان ابقى فاهم الدنيا مروحش اتصدم هناك وابقى عامل ذى طور الله فى برسيموو
الصراحة انا ناوى بجد وعايز اتفوق انا كنت بقول معرفش الفرق مابين 152 و 172 !! يعنى كتب اساسيات مداخل لعالم الطيران وشكرااا جزيلاا لمساعدتكم
وبالنسبة للوظيفة هل كل دة هينفع ولا برضو نفس الكلام والشركات عايزة 1000 ساعة و 1500 و2000 والكلام اللى انا مش عارف هيجى منين اصلا والشركات اللى بتطلب تيب وكمان 500 او 800 ساعة علية تيب انا هاخد التيب ريتنج اجيب الساعات دى منيين اكيد مش هدفع فلوس دى مكلفة مووووت انا راضى ياجماعة باى شغل فى الاول حتى لو هنقل سمك متجمد بس الشغل دة يتجاب منين ذى مقلتلكو مليش حد فى الطيران افيدونى ارجوكو ...
اتمنى ان كل واحد بيحلم يبقى طيار يحقق حلمو والف مبروك لكل اللى بقو طيارين انا بالنسبة لى اذا اراد الله سوف يحدث اذا لم يريد الحمدالله ادعولى بقى عشان كلنا نستفييد وبأذن اللة هكتب تقارير عن كل مراحل دراستى الله يوفقنى
معلش اذا كنت عضو تقيل عليكوو ورغااى بس انا متأكد انى هستفيد من خبراتكم الكبيرة هنا فى المنتدى ومش هتبخلو عليا بحاجة
شكر خاص لكل الكباتن اصحاب المواضيع التى ساهمت فى اعطائى امل كبير فى تحقيق حلمى يارب تبقو دايما فى احسن الاحوااال ونشوفكوو على الف خيرر ويعطيكو الله كما تعطو من خبراتكم للناااس ........

:jumping:

[s-a-l-e-m]

خيال اذا لم تتبناك شركه

[عاشق A380]

مرحباً بك في المنتدى كابتن PiLOt LIgHT وإن شاء الله ستجد الفائدة والمتعة
بالنسبة لدراستك للطيران فلا تترد إذا كنت جاهزاً من جميع النواحي.
وبالنسبة للعمل بعد التخرج فهو متوفر بشرط ألاتصر على العمل في مصر
هذه الشركات الاروبية توفر لك التايب ريتج بعد التخرج بشرط العمل معهم والخصم من الراتب
https://www.flyingway.com/vb/showthread.php?t=83294
وماأعتقد تفرق معاك لأن معظم حياة الطيار سفر
وهناك أيضاً برنامج طيران Cathay Pacific للطيارين حديثي التخرج
https://www.cathaypacific.com/cpa/en_INTL/c856dd16c8e1f210VgnVCM1000000ad21c39RCRD
وقطاع الطيران في العالم وفي منطقتنا العربية مقبل على نمو كبير خلال العشرة سنوات القادمة مايتطلب عدد كبير من الطيارين والمهن المرتبطة بالطيران
https://flyingway.com/vb/showthread.php?t=56881

[Cpt.Ahmad]

السلام عليكم ,

بلبدايه حياك الله معانا بملنتدى واهلا وسهلا بك ..

بلنسبة للمعلومات يلي زكرتهاا الخطوات يلي رح تساويها تمام التمام وبلنسبة للكتب راجع قسم دروس الطيران بتلاقي خلال البحث مواضيع لكتب بتقدر تحملها عن طريق الانترنت وتقراها شي ضروري تحسن لغتك وتقويها ويفضل انك تحصل شهاده
حاول تطير على السموليتر بيعطيك خبره كتيره عن الطيران ..

بلنسبة لموضوع الاكاديمية يلي زكراتها انا براي تراسل وتشوف كذا اكاديمية افضل وتقرا وتدور عليهم بلنت واذا بتعرف اشخاص درست كمان بكون كويس تسالهم يعني نوع مصادر معلوماتك لتحصل الشي الصحيح وامريكا ام اكاديميات الطيران ..

لاتتردد بلسؤال وابحث واقرا اكتر بتفاصيل المنتدى ,, احترامي

[كابتن ابو رعد]

والله رووووووعة اخوي اشكرك على المعلومات يعني هذه الشركات تعطيني تايب ريتنج وتوظظفني مباشرة طيب يعني لو درست طيران ورحت لهم بيعطوني تايب ريتنج ويخصمو من راتبي سؤالي هل يقبلو جميع الجنسيات ووين اماكنهم ارجو التوضيح وشكراااااا

[عاشق A380]

اقتباس:     المشاركة الأصلية كتبت بواسطة كابتن ابو رعد  

والله رووووووعة اخوي اشكرك على المعلومات يعني هذه الشركات تعطيني تايب ريتنج وتوظظفني مباشرة طيب يعني لو درست طيران ورحت لهم بيعطوني تايب ريتنج ويخصمو من راتبي سؤالي هل يقبلو جميع الجنسيات ووين اماكنهم ارجو التوضيح وشكراااااا

الرابط في موضوع الكابتن اللآثري خاص بالشركات الاوروبية ورابط كاثي باسيفك لم يوضح الجنسيات
ارسل ايميل للشركات المذكورة وستحصل على النتيجة

[PiLOt LIgHT]

اقتباس:     المشاركة الأصلية كتبت بواسطة s-a-l-e-m  

خيال اذا لم تتبناك شركه

الف شكر على الرد واتمنى التوفيق من عند الله

[PiLOt LIgHT]

اقتباس:     المشاركة الأصلية كتبت بواسطة عاشق A380  

مرحباً بك في المنتدى كابتن PiLOt LIgHT وإن شاء الله ستجد الفائدة والمتعة
بالنسبة لدراستك للطيران فلا تترد إذا كنت جاهزاً من جميع النواحي.
وبالنسبة للعمل بعد التخرج فهو متوفر بشرط ألاتصر على العمل في مصر
هذه الشركات الاروبية توفر لك التايب ريتج بعد التخرج بشرط العمل معهم والخصم من الراتب
https://www.flyingway.com/vb/showthread.php?t=83294
وماأعتقد تفرق معاك لأن معظم حياة الطيار سفر
وهناك أيضاً برنامج طيران Cathay Pacific للطيارين حديثي التخرج
https://www.cathaypacific.com/cpa/en_INTL/c856dd16c8e1f210VgnVCM1000000ad21c39RCRD
وقطاع الطيران في العالم وفي منطقتنا العربية مقبل على نمو كبير خلال العشرة سنوات القادمة مايتطلب عدد كبير من الطيارين والمهن المرتبطة بالطيران
https://flyingway.com/vb/showthread.php?t=56881

الف الف شكر ياكابتن على الاهتمام والرد افدتنى الكثير الله يكرمك
انا مش هيفرق معايا اشتغل فى مصر المهم ان ابتدى طريقى واجمع اول 2000 ساعة وبعد كدة اكيد ربنا هيبعت من عندة
مشكوور بجد على المواضيع دى وعدد الشركات اللى فيها عددهم مش صغير إن شاء الله نتقبل فى واحدة بس سؤال ياكابتن هما بيطلوبو icao cpl بس ولا ليهم طلبات معينة وساعات محتاجين atpl ولا لا لو تكرمت تعطينى مثال ليس اكثر وشكرااااا

[PiLOt LIgHT]

اقتباس:     المشاركة الأصلية كتبت بواسطة Cpt.Ahmad  

السلام عليكم ,

بلبدايه حياك الله معانا بملنتدى واهلا وسهلا بك ..

بلنسبة للمعلومات يلي زكرتهاا الخطوات يلي رح تساويها تمام التمام وبلنسبة للكتب راجع قسم دروس الطيران بتلاقي خلال البحث مواضيع لكتب بتقدر تحملها عن طريق الانترنت وتقراها شي ضروري تحسن لغتك وتقويها ويفضل انك تحصل شهاده
حاول تطير على السموليتر بيعطيك خبره كتيره عن الطيران ..

بلنسبة لموضوع الاكاديمية يلي زكراتها انا براي تراسل وتشوف كذا اكاديمية افضل وتقرا وتدور عليهم بلنت واذا بتعرف اشخاص درست كمان بكون كويس تسالهم يعني نوع مصادر معلوماتك لتحصل الشي الصحيح وامريكا ام اكاديميات الطيران ..

لاتتردد بلسؤال وابحث واقرا اكتر بتفاصيل المنتدى ,, احترامي

مشكووور ياكابتن على الرد وإن شاء الله هاخد بنصحتك وفعلا حجزت كورس فى auc لتقوية اللغة وبدور فى القسم التعليمى على اى شى ابتدى بية بس بالصدفة عرفت واحد هو مساعد طيار وبيدى كورس مدتة شهر تقريبا للتعريف باساسيات عالم الطيران ونظرة مبدئية للى هتعلمو وادرسو هناك اية رايك ياكابتن فى حاجة ذى كدة اكيد هتنفع مش كدة !!
اكيد ياكابتن هراسل كذا اكاديمية بس حتى الا هذة الافضل مقارنة يالسعر والمكان وطبعا اشوف الناس اللى درست فيها رأيهم اية
تقبل احترامى وتحياتى يافندم

[PiLOt LIgHT]

اقتباس:     المشاركة الأصلية كتبت بواسطة كابتن ابو رعد  

والله رووووووعة اخوي اشكرك على المعلومات يعني هذه الشركات تعطيني تايب ريتنج وتوظظفني مباشرة طيب يعني لو درست طيران ورحت لهم بيعطوني تايب ريتنج ويخصمو من راتبي سؤالي هل يقبلو جميع الجنسيات ووين اماكنهم ارجو التوضيح وشكراااااا

شكرا على مرورك وربنا يوفقك إن شاء الله