[amr saber]

عاوز اعرف امتحان السلطة الطيران المصرية للمرحل الجوى بيكون ازاى و الامتحان الاورال بيكون عربى ولا انجليزى وبيكون عن اية؟؟ وهل فية ناس بتقع فية كتير ولا بيكون كويس؟!

وامتحان العملى بيكون ازاى واية اكتر حاجة اكون مركز عليها وانا رايح ا؟؟

فى شركات بتاخد ناس حديث التخرج؟؟ والمرتب بيبقا كام؟؟

والمرتب فى مصر بيبتدى بكام؟؟ وهل الوظيفة بها تثبيت ولا بعقد؟؟

طيب لو نزل اعلان فى مصر للطيران بيكون اية هو المتطلبات لهذا العمل؟؟


ومصر للطيران لما بتطلب بيكون اية هو شروط؟؟ وممكن بيخدو حديث التخرج؟؟

[amr saber]

؟؟؟؟؟؟؟؟؟؟؟؟

[amr saber]

اية يا شبااااااااب الى عارف حاجة يقووول

[SU-GCM]

اسف علي التأخير انا لسه شايف الموضوع

الامتحان بيكون شقين

الشق الاول نظري و الشق التاني عملي

الشق الأول بيكون لجنه من 3 افراد مثلا من السلطة و بيسألوك اسألة نظرية فيما درست و كان في حوالي 100 سؤال باين او 160 حاجة كده لما تخلص في امبابه بيدوهالك مبخرجش منها الاسئلة النظري

بعد كده بيتم توزيع رحلات علي الممتحنين من الرحلات اللي درسوها في المعهد و علي ما اتذكر كان في كايرو جده و كايرو مالبنسا و كايرو اسطنبول و كايرو ملطا
و مطلوب منك تعمل كل حاجة للرحلة مانيوال من فلايت بلان و حساب وقود و مسافات و اوزان

و الامتحان سهل سواء النظري او العملي لو انت فاهم و مذاكر كويس و اعتقد معظم الناس بتعدي من اول مرة

بالنسبة للوظايف الان السوق مقفول شوية و خصوصا للي مش معاه طراز بس المواضيع دلوقتي احسن من الاول يعني من 6 شهور مكنش في حد بيعين و لكن الان الدنيا بدأت تفتح نظرا لاستقرار الاوضاع في مصر الي حدا ما

فمثلا العربية للطيران في اسكندرية جابت طيارة جديدة 320
المصرية و ممفيس احتمال يجيبوا طيارات جديدة 320 قريب
نسما احتمال تجيب طيارة قريب
و الموضوع مفيهوش عقود تجديد سنة بسنه

اما بالنسبة لمصر للطيران فبقالها فترة كبيرة منزلتش اعلانات خارجيه كل اعلانتها داخلي و اقصي سن بيكون 30 سنة و مش بيشترط الخبرة ولكن يشترط اللايسنز و اجادة الانجليزية

[amr saber]

شكرا يا كابتن على المعلومات الجميلة .. يا ريت حضرتك تقولنا شغال فى شركة اية؟؟
و الانترفيو فى الشركات بيبقا عبارة عن اية؟؟ والانجليزى لمستوى قد اية

وشكرا لحضرتك