موضوع مغلق
 
أدوات الموضوع إبحث في الموضوع
قديم 29-11-2020, 05:58 PM  
  مشاركة [ 1 ]
mohamed aldosari mohamed aldosari غير متواجد حالياً
عضو خط الطيران
 
تاريخ التسجيل: 28 - 05 - 2020
المشاركات: 5
شكر غيره: 0
تم شكره 4 مرة في 3 مشاركة
معدل تقييم المستوى: 0
mohamed aldosari مازال في بداية الطريق
mohamed aldosari mohamed aldosari غير متواجد حالياً
عضو خط الطيران


مشاهدة ملفه الشخصي
تاريخ التسجيل: 28 - 05 - 2020
المشاركات: 5
شكر غيره: 0
تم شكره 4 مرة في 3 مشاركة
معدل تقييم المستوى: 0
mohamed aldosari مازال في بداية الطريق
Shai تحذير من أكاديمية Superior Air ونصبهم على شخصيا ودفعتي كاملة!

السلام عليكم ورحمة الله

بعد اذن الادارة بس الصراحة الموضوع جدي و للحين ناس تتوهق فيه وللحين الطلاب يطيحون ف الفخ اللي اسمه سوبيرير Superior Air Greece
هدفي توعية الكل من المشاكل المخفية في هذي الاكاديمية ولا يخسرون فلوسهم.


بصراحة كنت متخوف اكتب هالموضوع بس من بعد ما شفت المشاكل زادت و تبهذلنا قلت خلاص وصلت وياي حدها

انا طالب ف اكاديمية سوبيريور اير SUPERIOR AIR ف اليونان وابي الكل يعرف عن النصب الي قاعد يصير و الواسطة الي ع بالي بس موجوده عندنا طلعت ف كل مكان

دشيت هالاكاديمية الخايسة ف 2016 و جان وياي ف الدفعة اكثر من 30 طالب و ماتوقع في حد ما كان يشتكي, بس الشكوى ماتوصل الباب

القراوند سكول جان متلخبط و ما فهمنا منه أي شي يعني لو ما كنا نذاكر بروحنا طول اليوم ماجان سوينا شي

والطيران بالواسطه يعني لو ابوك واصل و له مكانه تطير ولو انت ع قد حالك ... يصير خير
يعني وصلة لدرجة انه الإدارة تتعمد تأخرنا عشان عيال الواسطة يطيرون و هالكلام يشهد عليه أي حد ف دفعتي

يعني في ناس يايين قبل وللحين ماخلصو و باقيلهم ساعات طيران و في ناس يايين عقب و خلصو والحين شغالين , واسطه..

يعني بالله عليكم 3 سنين مب قادرين يخلصونا؟؟ و منو يتحمل مصاريف السكن والمعيشة اللي قاعدين نصرفها و نحن نتظر هالاكاديمية تخلص لنا ساعات الطيران؟؟
والسكن وايد غالي ويجبورنا عليه يعني مانقدر نسكن ف مكان براحتنا تخيلوو 500 يورو ف الشهر حق شقة شير !!
طبعا اكيد تسألون كيف يجبرونا عالسكن؟
السكن عندهم هو عبارة عن جزء من العقد يعني سكنت فيه او لا راح تدفع يعني راح تدفع لانه جزء من العقد ويا الاكاديمية
والسكن خاااايس عزكم الله ف منطقة كلها غجر و ميته ولا فيها حتى سوبرماركت قريب او جمعية ,, لازم تأخذ لك تكسي راح و راد ب 10 يورو عشان تشرب عصير بـ يورو
والمنطقة بعدها 60 كيلو عن العاصمة و هم في ترويجهم للاكاديمية كاذبين علينا و كاتبين ف العاصمة الاكاديمية



و خذ اليديد,, فتحو مطعم تابع للاكاديمية و يغصبون الطلاب ياكلون فيه !! تخيلوا يا خوان!! غصب حتى الاكل و خذو من شققنا بما انها اجار منهم,, خذو جميع مستلزمات الطبخ التابعه للاكاديمية و خذو كل شي ف مطبخ الاكاديمية عشان تنحكر و تاكل من مطعمهم وتدفع لهم فلوس !!

و اللي يثبت سوء التدريب ف هالاكاديمية .. خلال سنتين من الـ 3 سنين اللي قعدتها وياهم تم تبديل اكثر من 25 مدرب طيران!!
واكثر من 5 هيد اوف ترينينق Head of training !!! يعني التدريب كل شهرين من شخص مختلف بطريقة مختلفه و شخص يديد يبدا وياك من الصفر

ماتفهم ولا شي!

طبعا هالكلام انعكس ع تدريبنا و من اصل ال30 اللي ف دفعتني تخرجوا 4 بس و يا ترى منو هاييلا ال4 ؟؟؟

كلهم عيال كباتن و ناس واصلين و احين ماشاء الله كل واحد شغال ف شركته و نحن فلوسنا ف مهب الريح


ترا يا جماعة الخير الموضوع كبيييير يعني مشاكل هالاكاديمية كثيرة و على المحمل الشخصي بعد يعني مرات تخيلو!!


يعني تخيل الاكاديمية تدخل سكن الطلاب و تسرق منهم المايكرو ويف عشان ما يقدر يسخن اكله و يضطر يشتري اكل من مطعم الاكاديمية ههههههه

يعني يجبرون الطالب ياكل من المطعم بس عشان يطلعو كل دينار من ظهرك !! شنو هالببخل هذااا !!




اول مره اسمع ممنوع يكون عندك مايكروويف ف السكن !!! يديده هذي




واصلا الاكاديمية هدفها الوحيد تسوي مشاكل ويا الطلاب و يا كل الاكاديميات الثانية
يعني عندهم اكثر من 5 او 10 قضايا رافعينها طلاب عليهم عشان حقوقهم والنصب اللي يتم من الاكاديمية و اخر شي ياخذون فلوسك ويرفعون عليك قضية و يطردونك بعد!!
وعاد انت غريب ف البلد ومالك ظهر ما تعرف شلون تتصرف ووترك امرك لله و تنسرق وانت ساكت و حقك يضيع




وعندهم عنصرية مو طبيعية ضد العرب بالذات بس يسرقون فلوسك و صدقني ماراح تتخرج نفس ال50 طالب اللي كانو ف دفعتي

وياريت التدريب اللي تلقاه يستاهل أصلا
اول شي ابن صاحب الكلية يتعاطى مخدرات و يجي الاكاديمية و يقعد يهزأ و يسب الكل بدون سبب ويسوي مشاكل و عاد لو فيك خير تكلم وياه على طول يطلعون لك مشكلة و ثاني يوم قضية و تنطرد من الاكاديمية و تخسر فلوسك ولااا بعد عليك قضية و يطالبونك تدفع زياده عشان تخاف و تسكت عن حقك وتروح




واساسا اغلب مدربين الاكاديمية يهال صغار بدون أي خبره واعمارهم ما تتجاوز العشرينات,, من وين جاب الخبره أصلا؟؟؟




يعني عندنا واحد اول ما جيت الاكاديمية كان سايق,, فجأه صار مدرب طيران هههههه من صجكم؟ يعني شلون ف هالفتره انتقل من سايق لمدرب و انا للحين ما تخرجت ولا واحد من دفعتي تخرج؟




ارد و أقول يا جماعة لو اكتب من اليوم لين باجر ما راح اخلص من المواقف اللي عشتها شخصيا و شفتها بعيني.. انا ما قاعد اكتب هالشي لاني سمعته من احد.. انا عشته بنفسي شخصيا ولو مو صج مقهور ما كان أصلا اخذت من وقتي اني اكتب كل هالكلام بس اقل ما يمكن انه مابي حد يتضرر نفسي.. كفاية اللي عانيته وما أتمنى حد يصيرله نص اللي صارلي

تحملوو ف روحككم و روحو ايي اكاديمية في اليونان إلا هاي الاكاديمية لانه كلمة اكاديمية أصلا كثيرة عليهم
اللي قاهرني اني تورطت وياهم واليونان فيها اكاديميات ممتازة بس للاسف الجهل خلاني اختار اختيار خاطئ

الموضوع انا كاتبه بشكل كامل على
https://Superior-air-greece.webador.com
mohamed aldosari غير متواجد حالياً  
2 أعضاء قالوا شكراً لـ mohamed aldosari على المشاركة المفيدة:
مآهر (01-12-2020), Captian Saad (15-12-2020)
موضوع مغلق
أكاديميات ومدارس الطيران Academic School


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
[سـؤال] اكدامية superior في grand centrel airport south africa ؟ a330_300 أكاديميات ومدارس الطيران Academic School 0 09-08-2018 03:46 PM
حادثة حصلت لي شخصيا وهذه قصتها الطيران العماني - جدة dagger السلامة الجوية Flight Safety 26 11-09-2009 10:20 PM
هبوط ليلي بمطار الدوحة بطائرة DA42 تصويري شخصيا Ahmad81 من تصوير الأعضاء 8 04-10-2008 01:16 PM
ممكن هذة الأضافة من الطيارين شخصيا heshamweb إضافات Flight Simulator 2004 5 18-10-2007 11:10 AM


الساعة الآن 02:38 PM.
Powered by vBulletin® Version 3.8.11
Copyright ©2000 - 2024, vBulletin Solutions Inc.
حق العلم والمعرفة يعادل حق الحياة للأنسان - لذا نحن كمسؤلين في الشبكة متنازلون عن جميع الحقوق
All trademarks and copyrights held by respective owners. Member comments are owned by the poster.
خط الطيران 2004-2024

 
Copyright FlyingWay © 2020