[alkhaja5]

uaesky

كلمه مشكوور شويه عليك ........


بس ماتعرف موقع ممكن نتدرب عليهن...... ( طماعيين :P )

[UAESky]

اقتباس:     المشاركة الأصلية كتبت بواسطة alkhaja5  

uaesky

كلمه مشكوور شويه عليك ........


بس ماتعرف موقع ممكن نتدرب عليهن...... ( طماعيين :P )

العفو و أتمنا اني أكون فدتكم بشي حتى لو شي بسيط

لا يا طويل العمر ما أعرف و ما أنصحك تدور لأنك ما بتحصل و بتضيع وقتك عالفاظي

بس اذا عندك جوي ستيك و العاب طيارات يبالها تركيز العب و تدرب

أو العب أي العاب يبالها تركيز عالبليستيشن مثلا

و أهم شي تريح أعصابك و ما تتنرفز وقت الاختبار
و قبل كل اختبار يعطونك تجربة خذ راحتك و جرب لأنه التجربة ما بيحاسبونك عالوقت فيها


بس الاختبارات اللي بتستخدم فيها الجوي ستيك مافيها تجربة لازم تلعب على طول

[alkhaja5]

فدتنا بشي كبير صدقني.......عطيتنا خلفيه عن الموضوع....

مشكور مره ثانيه.....

[الولهان]

[QUOTE=alkhaja5;625791]uaesky

كلمه مشكوور شويه عليك ........


والله انك صادق يا alkhaja5 ، كلمة مشكور شوي عليك يا uaesky، والله يوفقك لكل خير
و يعطيك الله العافية على اتعابك الحلوة
و لك اطيب تحياتي

[صقر ال مره]

السلام عليكم جميعان
باجر عندي امتحان السايكومتريك
امانه دعولي والي ما حالفه الحظ ما يستسلم لانه( لا يأس من الحياه ولا حياة مع اليأس) والكلام للجميع ولي

[فني تايفون]

مشكور أخوي UAESky على هذه المشاركة بخصوص إختبار السايكوموتور


بصراحة و الله كلمة شكرا قليلة

لكن أنا بعد بعطيكم أسم هذا الشريط على البلايستن 2

أتمنى أنه ينفعكم و ما يكون شريط قديم

أنا شريته قبل يومين و كنت ناوي أنزله في الموقع لكن في الموضوع الجديد عن اختبار الاتحاد لكن باقي ما ظهر

على العموم هذا أسم الشريط Jet do Go! Pocket




هذا الغلاف طبعا

صور اللعبة










طبعا في هذا الشريط تقدر تختار نوع الطائرة و نوع الرحلة و المدرج و طريقة الطيران هبوط اقلاع تمشية في المدرج و انت ماشي
و كمان الاختبار حق المثلت الذي تدخل في طيارة موجود لكن ما عندي صورة له
الجميل في الشريط يعطي حتى تأثيرات الطقس على الطيران من مطر ثلج ضباب جو صافي

ميزة الشريط و اقعي

الشريط عندي شريته 10 ريال فقط

لكن هذا موقع يوفر دليل لألعاب الطيران
https://www.gamespot.com/psp/sim/jetdogopocket/index.html

قلب شوي في الموقع وراح تلقى ألعاب كثيرة جميلة
و النصيحة الثانية أنصح بزيارة منتدى الطيران التشبيهي في المنتدى فيه علوم حلوه


أخوكم
فني تايفون

[كسلاوي]

يعطيك العافيه اخوي فني وباقي الاعضااء ما قصروو وبالذات
UaESKY

[قنووع]

السلام عليكم ورحمة الله وبركاته

اول شي
اشكر اخوي كبتن مقهوور
وان شاء الله تكون موجود بين الكباتن المدربين على الاتحاد
و اشكرالكبتن uaesky
ما شاء الله عليكم بصراحه خففتو عن الشباب لارتباك و حفزتونا

و اشكر الكل


و بخصوص الامتحانات
ارجو من كل الشباب اللي جربو الامتحانات
يكتبون كل الاساله اللي يتذكرونها بنفس الطريقه

بنسوي بنك للاساله

و اعرف ان الشباب ما قصرو و حطو الاساله اللي يتذكرونها
لكن السالفه ما فيها اله حاسبه

كل الاساله
انجليزي
رياضيات
فيزيا
اللي يطلع معاكم
لان مب كل الشباب بنفس الذكاء

ولكم الشكر مره ثانيه
اخوكم
قنووع

[صقر ال مره]

السلام عليكم
اليوم امتحنت السايكو متريك وخبصت فيه بس انشالله ننجج نصيحه الي ما سارو الامتحان وبيسيرون باجر لا ترتبك وارقد عدل وسو الي عليك ولا تخاف وانشالله بتنجح لا تشد ع روحك خليك رايق يعني اشربك سفن اب يارايق

[فني تايفون]

اقتباس:     المشاركة الأصلية كتبت بواسطة صقر ال مره  

السلام عليكم

اقتباس:     المشاركة الأصلية كتبت بواسطة صقر ال مره  

اليوم امتحنت السايكو متريك وخبصت فيه بس انشالله ننجج نصيحه الي ما سارو الامتحان وبيسيرون باجر لا ترتبك وارقد عدل وسو الي عليك ولا تخاف وانشالله بتنجح لا تشد ع روحك خليك رايق يعني اشربك سفن اب يارايق

مشكور على النصايح

وعن نفسي من الان بشتري كرتون سفن أب و أشحنه معاي على الامارات

حتى في المطار و الطيارة و الفندق

من اليوم

ما في قهوة

بس سفن

أبي أسير رايق بالقوة

مشكور على النصيحة

تقبلوا مروري

متطفل بس قلبي معاكم

ههههههههههههههههههه

أخوكم
فني تايفون

[صقر ال مره]

تسلم على الرد فني تايفون اما القهوه لا تودرها والسفن اب ها الله الله
اسميني جالس على اعصابي ما صدق انهم يدقون علينا يالله ان تعينا ها الايام ما صدقنا ورتاحت اعصابنا من الامتحان الي طاف يانا ها الامتحان بنرد بنعيد الكره نيلس على الاعصاب لا شكله ما بنوصل فحص الوزن الا وقد اختفيت

[فني تايفون]

اقتباس:     المشاركة الأصلية كتبت بواسطة صقر ال مره  

تسلم على الرد فني تايفون اما القهوه لا تودرها والسفن اب ها الله الله

اقتباس:     المشاركة الأصلية كتبت بواسطة صقر ال مره  

اسميني جالس على اعصابي ما صدق انهم يدقون علينا يالله ان تعينا ها الايام ما صدقنا ورتاحت اعصابنا من الامتحان الي طاف يانا ها الامتحان بنرد بنعيد الكره نيلس على الاعصاب لا شكله ما بنوصل فحص الوزن الا وقد اختفيت

هلابك أخوي لا وش دعوى أنا أقصد القهوة التركي لا يروح فكرك بعيد...........

ولا الكيف لا هذا بدمي لا تاحاتي ..................................

لو لا ها بعد الله طبعا ما نجحت و لا في اختبار في حيايتي
ههههههههههه ( مدمن بن و هيل )

يا محلا الفنجال مع ســـــــــــيحة البال في مجلس ما فيه نفس ثقـــــــــــــيله

هذا ولد عم وهذ ولد خـــــــــــــــــــــال وهذا رفيق ما لقينا مـــــــــــــــــــــثيله

[صقر ال مره]

صح لسانك وماقصرت وفيت وكفيت معادني راد

[UAESky]

السلام عليكم

أولا أتمنا لكل اللي امتحنوا السايكوموتور اليوم التوفيق
و ثانيا أشكر الناس اللي يدعمون الموضوع و يوفرون للي بيمتحنون معلومات مفيدة
و أشكر

alkhaja5
الولهان
فني تايفون
كسلاوي
قنوع

و ان شاء الله تتوفقون و نشوفكم كباتن على متن الاتحاد للطيران :)

[UAESky]

الناس اللي اختبروا السايكوموتور اليوم

أرجوا انكم تحطون ملاحظاتكم و اذا كانت عندكم معلومات ممكن تفيد الناس اللي بيختبرون في المستقبل
و كيف كانت الملاحظات اللي عطيتكم اياها ؟ هل هي مجدية و لا غير مجدية و اذا تحتاج اظافات أرجوا انكم تظيفون عليها

[UAESky]

بخصوص الاختبار اللي بعد السايكوموتور

اذا كان الرياضيات و الفيزياء و اختبار تحليل الشخصية ، فأرجوا مراجعة الردود السابقة لأننا تكلمنا عن الموضوع و شرحنا الأشياء اللي ممكن تدخل فالاختبار

الرياضيات بيكون كله جمع و طرح و ضرب و تقسيم ، و الأعداد كبيرة و الآلة الحاسبة ممنوعة
و أتوقع انه الرياضيات 30 سؤال و الوقت 30 دقيقة

مثلا: 58764 ضرب 346348
7435823+857643
0.05-0.005
1 2/3 + 3 4/5
3/4 - 5/7

و أسئلة الفيزيا عادية و أكثرها صور مثلا يعطونكم 4 أشياء يقولولكم شو اللي مختلف ؟ مثلا 4 سبانات و في وحده طويله

و مثلا يسألونكم كم سرعة الضوء ؟
و سؤال : مثال طيارة طلعت من النقطة A سرعتها 300 كم/ ساعة و المسافة اللي لازم تقطعها هي 2000 كم ، كم المدة التي ستأخذا الطيارة للوصول إلى النقطة النهائية ؟

تدربوا على حل المسائل بدون آلة حاسبة
و اذا بتبدون تتدربون من الحين بيكون شي رائع :)
و بخصوص اختبار تحديد الشخصية ترا مافيه نجاح و رسوب و هو اختبار بس عشان يعرفون شو شخصيتكم و النواحي اللي يبالها تطوير :)
بالتوفيق

[قنووع]

اشكرك اخوي uaesky
واتمنى من كل اللي امتحنو يشاركون بالامثله

في كل الامتحانات

و بالفعل كم uaesky
و مب كلنا مثل uaesky

[صقر ال مره]

ما قصرت يو ايه اي سكاي

[مقهور]

ما شاء الله عليكم


ربي يوفقكم كلكم ان شاء الله


و ترا انا موجوود بعد خخخخ


ان بغيتو شي ترا ما يردكم الا الكيبوورد



و اشكر اخواني الغاليين ع النصاايح المفيدة و الحمد لله ان الموضووع كان له فايدة



و ان شاء الله نشووف الكل طياريين سواء على الاتحاد او غيره ^^

[صقر ال مره]

من بوؤك لباب السما يا مقهو على قولت اخوانا المصاريا

[alkhaja5]

باجر الصبح امتحاني...

الصراحه زغت......ماعرف شو بسوي....انا من النوع اللي اسرح وايد......وارتبك :S

الله يعيني...بس ادعولي وان شاءالله خير...والله يوفقنا جميعاً


مشكورين اخواني.........

ومشكور UAESky


كلنا هني عشان نساعد بعض....

[Captain_Badr]

بسم الله الرحمن الرحيم
ماشاء الله على هذا التفاعل وحبكم للمساعدة

الله يوفقكم وتتيسر أموركم يارب

لكم مني وعد إني أدعيلكم بالتوفيق والوصول لأهدافكم

[alkhaja5]

والله ماعرف شو اقوللكم عن الامتحان........


هو مب انه صعب........يباله سرعه وتركيز......

الوقت ابد مايساعد..........

ان شاءالله خير......وان شاءالله الله يوفقنا


في اشياء كانت حلوه ومسليه

واشياء ترفع الظغط.......

الله كريم


بوقصيم ( آآآآآآآآمين )

[قنووع]

السلام عليكم

اليوم اتتصلو فيا و قالو لي المقابله يوم الجميس
الساعه 10:00



قالو عندك مقابله وو في معلومات عامه
و هذي اول مره بسر عندهم اقابل و امتحن
ممكن حد يساعدني و يشرح لي بالضبط شو وكيف بيكون الوضع

شي يشل عني الارتباك
و يخليني اعرف شو اراجع لاني ما اذكر من اللي فات من الدراسه الا اسمي


اخوكم المحتاج مساعده
قنووع

[صقر ال مره]

السلام عليكم
بخصوص المعلومات العامه فهي بتكون عن عواصم الدول تقريبا بس انا الي ما فهمته انته مخلص امتحان السايكومتر متا امتحنته

[ملاك بطموحي]

الله يعطيك العافــــــــــــــية ....^ ^

[alkhaja5]

صح كيف عندك مقابله وانت مامتحنت عدك.........



اقرا الموضوع كله بتلقى بعض الاسئلة.......


انا اللي اذكرهم 100 ميل كم بالكيلو اكل 160

و عاصمه استراليا وكندا والمانيا

واكبر جبل بالعالم بالانقليزي....

وسرعه الضوء.......

وتحول الفيت لشي بس ماذكر شو......


في اسئلة حلوه واسئلة غلسه....

يبالك تدرب بدون ماتستخدم آله

شي اذكر سؤال 49 ضرب 49

واشياء وايده......معلومات عامه

مخي مسكر الحين

[صقر ال مره]

الله يقطع ابليسك يا قنوع طيحت قلبي يوم قلت عندك مقابله قلت بس ما نجحت اثاريك بعك ما امتحنت الامتحانات الاولى ولا السايكو متر

[sqll]

تسلمون شباب ع الموضوع القيم

في ميزان حسناتكم يا رب

=))

بغيت استفسر كم سنة بتكون الدراسه في طيران الاتحاد

والتخصص عباره عن شوو ؟؟

=))

[قنووع]

اشكركم على التواصل و الله احس اني مب فاهم شي
انا ما اعرف لكن انا اول مره بسير عندهم

و عندي دبلوم في صيانة الطائرات من الكليه

و عندي خبره في المتابعت الجوده

ومخيط العالم من امريكا للصين لالمانيا نزولا لتنزانيا

وكل هذا بطايره انا المساول عن صيانتها

عندي فكره عن الطيران و كيف حياة الطيار

و عن مهنتي كمشرف صيانه و مسوال جوده

لكن الاساله عن الحساب و الفيزيا ما اذكر القواعد المعادلات

يعني والله ما اذكر من الدراسه الا اسمي اللي اكتبه في كل امتحان

على فكره نسبتي في الثانويه الصناعيه 91%

و معدلي التراكمي في الكليه من 4 === 3,26 يعني ممتاز

لكن المعلومات اللي كانت في راسي ما اعرف وين حطيتها ... في المخ الايمن ولا الايسر ولا في المخيخ
في العقل الباطن ولا الظاهر

هههههه
وايد رمست


المهم والله محتاج اي معلومه تساعدني

ولكم الشكر

اخوكم
قنووع