[kazanouva_007]

اقتباس:     المشاركة الأصلية كتبت بواسطة *Mai*  

السلام عليكم
صباح الخير يا جماعة انا لسة مشتركة معاكوا جديدة في المنتدى وانا بحاول اكلم الشركة دى من وقت منزلوا الاعلان في الاهرام ودايما كانت تليفوناتهم مقفوله
بس حاولت تانى النهاردة وواحد رد عليا على رقم 012 وقالى ان معاد التقديم قفل فعلا وقالى اتصل تانى يوم 20/12 علشان حيكون فيه تقديم لشركة تانية سعودية بردو
وقالى حل تانى انى ابعت السى في بتاعى دلوقتى على ميل الاكاديمية
بس المشكلة انه مطلبش اى حاجة ولا اوراق ولا صور حتى مع السى في ودا خلانى اقلق
حاسة انه بيقولى كدا وخلاص علشان يريحنى دا غير انى دخلت على السايت اللى هو قالى عليه لقيته تحت الاصلاح
وانا قريت كل تعليقاتكوا على الموضوع حتى من قبل ماكلمه وقلقانه جدا ومش عارفة اعمل ايه

وايه هو السايت بتاعهم ده انا غلبت وانا بدور عليه ومش لاقيه

[*Mai*]

السايت بتاع اكاديمية اتيس
www.atisegypt.com

[داعية الخير]

اتصلوا بيكوا يا بنات؟

[ميسون تونز]

لا لسة مستنين اهه

[nony nony]

معني ان البنات اللي عندهم مش مستعدين دلوقتي يعني (هو اللي قالي)ان لسة فيه كلاس شغال ولسة ماخلصش فا المجموعة اللي فيه مش مؤهلة لأنها تشتغل دلوقتي علشان كدة نزلوا الأعلان يعني هما مجرد وسيط بس

[nony nony]

يابنات ماحدش يستني تليفون منهم قبل يوم السبت اللي بعد العيد علشان هما اصلا في أجازة من يوم الخميس اللي فات واللي بيردوا عليكوا دلوقتي ماهما الا ناس وفاتحة موبايلاتها عادي لكن مش هاتقدر تقدم لنا خدمة علشان
أولا ميعاد الاتصال بيهم والتقديم خلص
وثانيا علشان هما في أجازة
فاكل واحدة تقضي العيد وهي ان شاء الله مطمنة ونبتدي ناخد بالنا من موبايلاتنا من يوم السبت ونبلغ بعض لو فيه جديد
وربنا يقدم لنا اللي فيه الخير يارب

[amira saeid ahmed]

هاى عليكو يا جماعة انا اسمى اميرة جديدة معاكو هنا انا اتصلت بيهم كتير مووووت بقالى يومين بس الموبايلات كلها مقفولة والسايت بتاعهم موش شغال موش عارفة اعمل اية انا عايزة اقدم وموش عارفة اكلامهم لو حد كلمكو قولولنا ويارت لو حد كلمكو تسالو لو حد عايز يقدم يوصلهم ازاى وكمان هم عايزين مؤهل معين وطالبن اية بالظبط وانا لو ردو عليا هقولكو وكلنا سوا وهى المصلحة واحدة يعنى انشاء اللة[B][/B]

[sad smiles]

مساء الخير عليكم جميعا وكل عام وانتم بخير

انا حاولت اتصل بيهم علشان اسأل على الحاجات اللي مش نعرفها
يعني كنت عايزة أعرف هما اللجنة هيكونوا مصريين عادي ولا اجانب ولو ممكن اغير البيانات اللي انا سجلت بيها ولو ممكن اقدم اكتر من مرة يعني وهل هيكون في امتحانات كتابية في الأول ولا هيكون انترفيو علطول وايه اللي هيحصل بعد كدا

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟

[mona]

يا بنات انا اتصلت وقدمت لهم بياناتى على التليفون وسألنى انى لازم يكون معايه كورسات فى الضيافه الجويه واحنا منتظريين انشاء اللله اتصالهم بعد العيد ياريت يكون صدق ويتصلوا لانى مش مرتاحه للموضوع دا اصلا وكل سنه وانتوا طيييبين وعيد سعيد على كل المسلمييين وياريت نساعد بعض لو اى حد اتصل على اى حد منا..... شكرااااااااااااااا[
[

[Doda gh]

اقتباس:     المشاركة الأصلية كتبت بواسطة cleverant  

ميدويست مش بتقبل محجبات وبتقدم خمور يا ميسون

انا اتصلت بيهم اول ما شفت الاعلان ع طول بس محدش رد ولا تاني يوم
بس كويس انك عرفتينا لاني كنت هسال ع الحاجات دي اكيد وكنت حسه ان اكيد الرد كده هههههه كل الشركات المصريه كده تقريبا:iconloli:
ميرسي ياكوكو

[ميسون تونز]

كل سنة وانتم طيبين كلكم وعيد سعيد عليكم وعلى المسلمين جميعا والعيد الا جى نكون كلنا محققين احلامنا باذن اللة

[بنت النيل]

اقتباس:     المشاركة الأصلية كتبت بواسطة ميسون تونز  

كل سنة وانتم طيبين كلكم وعيد سعيد عليكم وعلى المسلمين جميعا والعيد الا جى نكون كلنا محققين احلامنا باذن اللة

اللهم آمين يا ميسون
و كل عيد سعيد ع الكل

[osos13]

ربنا يوفقكم وكل سنة وأنتم طيبين

[celitic2010]

صوره يا جماعه من الاعلان اللي نزل في الجريدة

[kazanouva_007]

كل سنة وانتوا طيبين يا جماعه

[ميسون تونز]

كل سنة وانتم طيبين يا جماعة الشركة فعلا بدات تتصل بالناس وحددت معاد الانترفيو يوم الجمعة والسبت والاحد بس لسة متصلوش بيا

[cleverant]

كل سنة وانتم طيبين
وان شاء الله خير يا ميسون ربنا يسهل بقى

[*Mai*]

كل سنة وانتوا طيبين يا جماعة وعيد سعيد علينا كلنا يا رب ان شاء الله

[Doda gh]

يااااااااااااااااااااااارب يتصلوا تابعي بقي يا ميسون الاخبار وشوفي هيقبلوا الناس دي ولا ايه

[sad smiles]

كل سنة وانتم طيبين جميعا

بس عرفتوا ازاي انهم حددوا موعد الانترفيو من غير ما يتصلوا بأي أحد

[ميسون تونز]

انا اتصلت بيهم وقالولى كدة

[mozfar]

اقتباس:     المشاركة الأصلية كتبت بواسطة ميسون تونز  

انا اتصلت بيهم وقالولى كدة

ياريت اللى يتصلوا بيه يقول على مكان الأنترفيو فين بالظبط عشان مش عارف امتى الأنترفيو ولا المكان و مقدم علي الفون

[ميسون تونز]

انا كنت مقدمة فى اول يوم ومتصلوش بيا لسة ومكان الانترفيو مش هيفيد بحاجة لو متصلش بيك

[ميسون تونز]

فعلا يا جماعة الانترفيو يوم الجمعة وهما واخدين عدد معين وانا مش منهم وكل شوية يقولى ان الشركة بتتصل بس انا لسة مستنية

[Mîss Rabab]

كل سنة وانتم طيبين
موفقين جميعا في تقديماتكم
حظ موفق ليكم:)

[ميسون تونز]

انا كدة يا جماعة فقدت الامل لانهم تقريبا اتصلوا بناس كتير وانا كنت مسجلة اليوم الاول وربنا يوفق الجميع

[داعية الخير]

كل سنة وانتم طيبين و يارب يكون عيد سعيد علينا جميعا و يارب يتصلوا بينا كلنا

[sad smiles]

اقتباس:     المشاركة الأصلية كتبت بواسطة ميسون تونز  

انا كدة يا جماعة فقدت الامل لانهم تقريبا اتصلوا بناس كتير وانا كنت مسجلة اليوم الاول وربنا يوفق الجميع

يعني هما المفروض يتصلوا في العيد عادي
مش المفروض انهم وخدين اجازة زي اي احد

عموما حبيبتي لا تفقدي الأمل
الأمل في ربنا كبير وربنا يجعل نصيبنا جميعا خير سواء في الشركة دي أو في غيرها

[بنت النيل]

باركولي يا بنات كلموووووووني
لسه مكلميني دلوقتي

و استاذ محمد اللي كلمني قالي ان الانترفيو يوم الجمعه
من الساعه 4.30 - 5.30
و اجيب معايا اوراقي و السي في بتاعي
و يفضل اني ابعتلهم نسخه من السي في ع الميل بتاعهم ف اقرب وقت
و لما سألته عن معلومات اكتر عن الشركة قالي مش مسوح لنا نقول اي معلومات الا بعد الانترفيو
و سألته ع اللبس اللي المفروض اجي بيه قالي يفضل يكون فورمال .

عقبالكوا يا بنات ان شاء الله و بالتوفيق للجميع

[Doda gh]

اقتباس:     المشاركة الأصلية كتبت بواسطة بنت النيل  

باركولي يا بنات كلموووووووني

لسه مكلميني دلوقتي

و استاذ محمد اللي كلمني قالي ان الانترفيو يوم الجمعه
من الساعه 4.30 - 5.30
و اجيب معايا اوراقي و السي في بتاعي
و يفضل اني ابعتلهم نسخه من السي في ع الميل بتاعهم ف اقرب وقت
و لما سألته عن معلومات اكتر عن الشركة قالي مش مسوح لنا نقول اي معلومات الا بعد الانترفيو
و سألته ع اللبس اللي المفروض اجي بيه قالي يفضل يكون فورمال .

عقبالكوا يا بنات ان شاء الله و بالتوفيق للجميع

مبروك يا جميل وعقبالنا بس قولي لنا بقي انتي كنتي متصله امته اول يوم برده زي ميسون ولا بعده زيي انا
كده مش نافع يا ميسون احنا لازم نروح نعسكر هناك طلبونا ما طلبونا رايحين يعني رايحين بالعافيه هنروح