[فيصل المغرور]

السلام عليكم ورحمة الله وبركاتة

اول شي اود ان اكون احد اعضاء هذا المنتدى الناجح
وان اكون اخو وليس زميل لكل الأعضاء الفعالين في هذا المنتدى
وهذه اول موضوع لي في المنتدى او بمعنى اصح اول مرة اكتب موضوع في منتدى من عام 2004 >>>أقسم بالله من زمان ماكتبت موضوع
يعني لا تدققون واجد المهم
عندي طلبين
الأول وهو :- اود من الأعضاء الكرام الترحيب بأنضمامي للمنتدى


الثاني وهو :- بصراحة انا مالي نية ولا فكرت ولا دخل مزاجي اني اشتري طياره في يوم من الايام , بس امس قاعد ادوج بين المواقع على النت وفجأة طحت عندكم ولا أدري وشلون طحت
المهم اعجبتني مواضيعكم عن الطيارات والوناسة وقررت اني اشتري لي وحدة بس ماأدري وين تنباع ولا أعرف عنها اي شي فلذالك اللي عندة وحدة جديدة ويبغى يبيعها يعلمني او يرسلي على الإيميل [email protected] او يضغها هنا ولي يعرف محل في الرياض يبيعها يعلمني وينه فيه علشان اروح له بس يعلمني احسن مواصفات

ودمتم

[AboAyoob]

السلام عليكم ورحمة الله وبركاته
حياك الله أخوي فيصل
وأن شاء الله تستمر معنا في المنتدى
ونتمنى أن تحوز المواضيع و ما يطرح فيها على رضاك

طيب . . . . .
بخصوص الشراء (أنا لا أشتري ولا أبيع)
لكن أختصر لك الطريق عشان ترتاح من تعب البحث الطويل
1- حدد النوع اللي تبيه ، طيارة عادية أو هيلوكبتر
2- حدد نوع المحرك (كهرباء أو بنزين) أفضل الكهرباء بما نك مبتدأ ، تفتك من البحث خلط البنزين و الشغلات هذي
3- أدخل على قسم طائرات الريموت كونترول
ولازم تقرأ عن طرقة التعامل و تشغيل المتحكم اللاسلكي ، عشان أول مرة تطير بها الطيارة ما تروح تنصى أسلاك كهرب أو جدار ، وهذا عادي اللي أول مرة يشغل الطيارة
4- إذا انت بتشتري من برى السعودية ، فالعملية طويلة و يبي لك تصريح أو أحد يساعدك تدخلها من الجمارك ، يعني إذا كنت مستعجل في عدد من الاخوان ، خلال الاسبوع اللي فات عرضوا عدد من الطائرات و تقريباً أغلبها أسعارها مناسب

خذلك جولة سريعة هنا في القسم
وكذلك في قسم الريموت كونترول
و الأستاذ مسكيتو و الاستاذ أحمد ، ما راح يقصرون معاك و بيساعدونك بكل اللي تحتاجة

بالتوفيق أن شاء الله

[Google]

أهلا وسهلا بك معنا في هذا الصرح الشامخ

في الحقيقه لا اعرف الا عن الهالكوبتر الحربيه اذا كنت تريدها راجع موضوعي

https://www.flyingway.com/vb/showthread.php?t=12352

علما انها جديده بكرتونها

[فيصل المغرور]

مشكور وماقصرت يابو ايوب
العايدية افضل من الهيلوكوبتر بس احس ان المحرك بنزين قوي احسن من الشحن ولخلط حسب ماقريت في المواضيع انه ينباع في المحلات على 200ريال

[فيصل المغرور]

مشكور ياقوقل وماقصرت