[عاشق السيارات]

السلام عليكم
اخواني هواية السيارات الراديو كنترول حلوه بس علا شرط نعرف شلون نبتدي علشان الواحد ما يتملل من الاعطال والمشاكل ورح ابتدى بشرح انواع السيارات واماكن استخدامها :

1-Buggies
هذي سيارات استخدامها للحلبات تستحمل القفز الى مسافات كبيرة وصناعتها متينه
وغالب ما تكون 1 سبيد علشان توصل التوب هورس بور في مسافه قصيرة ,واشهر المصنعين لها
شركت kyosho,ofna تقريبا واهم ميزة فيها القدرة علا التحمل ويمكن انه تستخدم في اي مكان
مش محتاجه مكان خاص للاستخدام لانه لها تواير للشارع والاوف رود.وارتفاعها عن الارض جيد وممكن ينوزن علا حسب احتياج المستخدم لها .المكاين الرسميه لها من حجم 12 الين 21 بحد اعلى.

2-Trucks


هذي تستخدم للمتعه والمسابق بين الربع برع الحلبه يعني رسمي مش للسباقات ,تمتاز بأنه ممكن الواحد يلعب فيها في اي مكان بعضها له 3 سرعات وممكن يكون فيها خاصية انه ترجع للخلف بأضافة وحدة تحكم 3 للتغير من الامام للخلف ,انواعها كثيرة واحجام المكاين من 12 الى 70 وبعضهم له مكينتين ,تمتاز بكثرة قطع غيارها وامكانيت التلغيم وتغير البدي والجمبينات والتواير واكثر من هذا انه توجد لها قطع غيار بديله كروم وملونه ورنجات ويمكن الواحد انه يسويها سيارت عرض .
Rally cars-3
هذي سيارات مشابهه لسيارات الرالي الحقيقيه في الشكل ولاستخدام مخصصه لارض الوعره والشوارع.يعني متعتها محدوده واغراضها بشكل عام بعد محدوده لانها مخصصه للسباقات في الحلبات اكثر شي.
3-Touring/GT
السيارات هذي للشوارع وبس تمتاز بسرعتها العاليه وتنقسم الى اقسم كثيرة وتستخدم في السبقات الرسميه وتوصل سرعات عاليه بعضها يطوف 100 ميل في الساعه ,ومكاينها من 12 الين 21 واكثر سباق الحلبات يكون مكاينهم 12 و15 علشان شروط السلانه والتحكم في السياره.
وفيه انواع كثيرها مختلفه في اشكالها بس تقريبا تنقسم الى هذي الاقسام الي شرحتهم,اذا بغينا نتكلم عن الحجم فا تنقسم السيارات الى اقسام كثيره من ناحية الحجم بس اكثر الانواع الي يستخدمها الناس
الي هي 10/1
8/1
وهذا ينقصد فيه حجم السيارة ال 1 تو 8 هو اكبر من حجم 1 تو 10 يعني كل ما زاد الرقم صغر حجم السياره وكل ما صغر الرقم كبر حجم السيارة الموضوع بسيط وانشالله انه يفيدكم واي استفسار لا احد يتردد هو يسأل
وانشالله يلقى الجواب ,وعلا فكره ترى كلنا نتعلم من بعض

[مــــيــــشــــو]

مشكوووووووور اخوي على الموضوع الجميل ودي استفسر هل السيارات النيترو كلها فيها ريوس او بعضهن

[coach]

بطل استفدت منك

[زعلوها]

مرسي اخوي على المعلومات

[the real pilot]

مشكور و ما قصرت
تقبل مروري و ردودي

[mod5411]

مرسي اخوي على المعلومات

[miss morocco]

يعطيك العافيه اخوي
ما قصرت