[amr saber]

السلام عليكم يا شباب

انا قدمت فى دورة المرحل الجوى فى وزارة الطيران المدنى المصرية وكان عندى اسالة كتييييييير عاوز اسألها يا ريت اى حد يعرف يجاوبنى ويا ريت لو كان درس فى وزارة الطيران

بالنسة للدراسة فى يونى فورم وانا بدرس زى المراقب الجوى او الطيار؟؟؟

الدراسة بالانجليزية؟؟ وهل تحتاج شخض جيد جدا فيها ولا متوسط ؟؟
وهل العمل ايضا بالغة الانجليزية ولا مجرد مصطلحات؟؟
وامتحان التوظيف فى اى شركة بتطلب تويفل وانجليزى جامد اوى ولا متوسط؟؟


اية الدورات الى تابعة للمرحل الجوى ممكن ياخذها بعد مخلص دورة المرحل عشان يبقا متميز عن المرحلين الاخرين؟؟


فى شركات بتاخد ناس حديث التخرج؟؟ والمرتب بيبقا كام؟؟
والمرتب فى مصر بيبتدى بكام؟؟ وهل الوظيفة بها تثبيت ولا بعقد؟؟
هل البحث عن وظيفة فى هذا المجال صعب فى مصر؟؟
طيب لو نزل اعلان فى مصر للطيران بيكون اية هو المتطلبات لهذا العمل؟؟
هل ممكن ان دورة المرحل الجوى تفدنى انى لو ملقتش شغل فى الترحيل ادخل بيها اى عمل فى المطار متاح مثل ضابط تحميل او فى الادارة؟؟

ارجو الاجابة لمن يعرف اجابتها وجزاكم الله كل خير ويا رب يوفق كل باحث عن وظيفة يا رب

[amr saber]

مافيش ولا رد؟؟؟؟

[ahmad gaber]

عموما بالنسبه ليك اعتقد سهله جدا لكن لازم يكون في اعلان رسمى فى الجورنال ومصر للطيران اعلاناتها دايما فى اهرام الجمعه بس اشتريه كل اسبوع متفوتش وربنا يوفقك ان شاء الله

[amr saber]

هو حضرتك مرحل جوى ؟؟

[amr saber]

اية يا شباب مافيش اى رد على الاسئلة؟؟؟؟؟؟؟؟

[nour salah]

يا ريت حد من اهل الخبرة والمعرفة يرد على اسئلة الزميل المحترم عشان نستفيد.

وكل عام وانتم بخير

[teeto]

انا اعرف انو المرحل الجوي هوا الي يجهز للرحلة ويعطي المعلومات الي جهزها للطيارين

مثلا في رحلة دولية من القاهرة الى جدة
يجو الطيارين عند المرحل الجوي ويتناقشون وياخذو معلومات الرحلة والخرايط
المعلومات تشمعل الطقس والرياح وتوقعات الجو وووو.....الخ

بالنسية للدراسة اكيد بالانجليزي
لكن اغلب الاستعمال في الوظيفة بس المصطلحات

هذا والله اعلم (على حسب خبرتي البسيطة)

واتمنى باقي الاعضاء يفيدوك

[SU-GCM]

مفيش يونيفورم
المنهج انجليزي و الكتب و لكن المدرسين بيشرحوا اللي انت عايزه بالعربي لو في حاجة مش فاهمها
الانجليزي مهم في الموضوع بالذات لو حتشتغل في شركة بتروح اوروبا و في شركات كثير الموضوع ده بتديله اهميه في التعين
لا مش لدرجة تويفل ولا ايلتس المهم تكون بتفهم و تتكلم و تكتب انجليزي صح
مفيش دورات تاخدها علي حسابك شركتك هي اللي حتديك الدورات علي حسابهم طبقا لمتطلباتهم و اهم الدورات دي بيكون
Safety Managment Systems (SMS)
Crew Resrouce Managment (CRM)
Transport of Dangerous Goods by Air (DGR)
Aviation Security (AVSEC)

و طبعا دورات اضافة الطراز في شركتك سواء كانت
INITIAL
او التجديد
RECURRENT
لكل الفرق المذكوره فوق

في شركات بتاخد ناس حديثة التخرج
المرتب انت و شطارتك من 750 الي 1500 و تزيد بعد اضافة الطراز

كل الشغل عقود

الحصول علي وظيفة مش سهل بس برده مش صعب لو انت فاهم في المجال كويس مش داخل لسه عايز تتعلم كل حاجة من الأول

مصر للطيران بقالها كثير منزلتش اعلانات يمكن من 2009 تقريبا دا كان اخر اعلان و تقريبا كان اعلان داخلي و معتقدش ان مصر للطيران ممكن تنزل اعلان قبل سنتين قدام كمان لان نظام الليدو بتاعهم ال
AUTOMATION
فيه عالي جدا و مش محتاج ناس كثير يشغلوه

اه ممكن لو مشتغلتش ظابط عمليات او مرحل جوي يعني ممكن تشتغل في المصرية للمطارات لو نزل اعلان و اجتزت متطلباتهم او ممكن برده تشتغل في شركة خدمات ارضية او في شركة طيران في ادارة تانيه

بالتوفيق

[amr saber]

شكرا يا كابتن على المعلومات وعلى الرد

بس بعد اذنك انا عاوز اعرف بس اية الامتحانات الى بتتعمل لما مصر للطيران بتطلب ناس يعنى امتحان الانجليزى بيكون ازاى والتكنيكال وفى كام اختبار عشان اوصل لى الوظيفة؟؟ انا عاوز اكون بس مستعد عشان لو فى اى وقت مصر للطيران طلبو ناس
:)

[FlyingWings]

اخي
المرحل مش شرط يشتغل بشركة الطيران نفسها...في الغالب يكون ايضا مع شركة الخدمات الارضية

تصور كل شركة اجنبية تنزل في القاهره لابد لها من التعاقد مع جروند هاندلنق وم نضمن هذه الخدمات الدسباتشر او الترحيل وتسليم الخرائط للطيران وهي من مهام الشركة الموجوده في القاهره لان لايمكن لاي شركة اجنبية يكون لها موظفينها الخاصين في كل مطار بل تتعاقد مع اي شركة يوجد لها ستاف سواء الشركة الوطنية او اي شركة لها رخصة مزاولة اعمال الخدمات الارضية

اللغه الانقليزيه مهمه جدا والسبب ان الموظف في هذا المجال سيتعامل حتما مع الطيارين ويتناقش معهم بخصوص خط الرحله والطقس والوقود...الخ
ومن الطبيعي ستواجه يوميا طيارين اجانب
فرصة حصولك على وظيفه بدون لغه انجليزية قويه ستضعف من فرصه توظيفك برايي.


الله يوفقك

[mirage]

كابتن عمرو يا ريت لو تقدر تقولنا ازاى قدرت تلتحق فى الدوره عملت ايه ؟؟ رحت فين لانى من فتره نفسى اخد الدوره دى ومش عارف ابتدى منين