[Hend]

السلام عليكم ورحمة الله وبركاته
اقوم بكتابة هذا الموضوع لأننى ارى كثير من الفتيات والشباب يقموا بتعلق فى حلم الضيافه بدون الأخذ بالأسباب وبدون استثمار وقتهم للبدء فى اول خطوات تحقيق الحلم ننظر الى متطلبات الوظيفه
1: تمكن من اللغه الانجليزيه هل انت متمكن فى اللغه؟
2: خبره فى خدمة العملاء هل يوجد عندك خبره؟
هل قمت بالبدء فى العمل كخدمة عملاء وتطوير ذاتك وخبراتك العمليه مع الأخرين والتواصل معهم وحل مشاكلهم؟؟؟؟؟
ارى ان كثير من الناس تجرى وراء حلم الضيافه ويمر شهر تلو الاخر وسنه تلو الاخرى دون القيام بعمل مفيد
هنا انتقل من أ الى ب ابدأ بالعثور على اى عمل وفى الوقت نفسه تابع اخبار الطيران والتوظيف وابتدى تنتقل من نقطه ب الى ج
بس البدايه اهم ابتدى واكيد هتوصل بإراده وحتى لو لم تحقق حلمك هتوصل لمكانه افضل من الإنتظار والأمال التى تهدم بخبر وتبنى على خبر اخر
مفيش فرصه عمل حقيقيه ومركز مرموق من غير تعب او مجهود.
اتمنى اعادة النظر فى الوقت المهدر فى البحث عن الضيافه بدون استغلال الوقت وتنمية مواهبك والقيام بعمل نافع دون الإستغناء عن تحقيق حلم الضيافه

ودى فرصه انى اقول انى ممكن ان اكون غير متواجده بإستمرار مثل اليومين دول لأنى ابتديت بعمل جديد وحبيت افيدكم معايه بطريق جديد واكيد هفضل مستمره فى المنتدى وفى البحث عن تحقيق حلم الضيافه.
يارب اكون شديت انتباه احد للبدء فى عمل مفيد تمنياتى بالتوفيق للجميع وتحقيق احلامكم.

[{yasmeen}]

وعليكم السلام ورحمة الله وبركاته

موضوع رائع ياهند

وكان اقترح عليا المعتز انه يعمل موضوع مشابه لموضوعك عن لو مش اتحقق حلم الضيافة ماذا سنفعل

بس بصراحة كلامك عقلانى جدا

يمكن البعض يقولو لا هى الضيافة وبس

بس المشكلة ان فى ناس اتعلقو بحلم الضيافة سنين وسنين

وفى بنات سنهم وصل لل 30 وهما متعلقين بحلمهم فى الضيافة وولا اشتغلو فى الضيافة ولا غيرها والسنين ضاعت على الفاضى

انا عارفة ان اللى بيتعلق بحلم الضيافة مش بسهوله يتنازل عنه

بس لازم فعلا البنت او الولد يفكرو يشتغلو فى شغل تانى غير الضيافة على الاقل يشغلو وقتهم

ومنها اكتساب خبرة ايضا خصوصا لو فى مجال خدمة العملاء فى اى جهه

وفى نفس الوقت مش ينسو الضيافة واى فرصه يستغلوها كويس فيها

بس لازم يكون فى استغلال للوقت بشكل افيد من التفكير ليل ونهار فى كيفية العمل فى الضيافة

الشغل فى اى مجال اخر هيكون مفيد اكيد خصوصا لو تدعم كمان بكورسات لغات بحيث ان لو حصلت اى فرصة للتقديم فى شركة ضيافة يكون فى فرصة اكبر

وانا شخصيا بعمل فى مجال تخصصى وايضا متنظره تحقيق حلم الضيافة

واحيانا بحس ان مش كـفاية لازم يكون فى حاجة مفيدة اكتر من كدا لازم اعملها

شكرا ياهنوده على مناقشتك للموضوع

اكيد بيفيد كتير وبيفتح تفكير ناس كتير انهم يحاولو يشغلو وقتهم بحاجة مفيدة

خصوصا ان كل حاجة قسمه ونصيب ويمكن ناس تجرى ورا الضيافة سنين وسنين وهما مش مكتوب لهم اصلا العمل فيها

فتضيع السنين على الفاضى

ويمكن لو فى نصيب ممكن الشخص من اول انترفيو يقبل

فالموضوع ده نصيب فى الاول والاخر

مبروك ياهنود على الشغل الجديد

ان شاء الله يكون بداية خير ونجاح ليكى

وان شاء الله بردو يتحقق حلمك وحلمنا كلنا

بالتوفيق ياقمر

[الاجدل]

في البدايه كل التقدير والاحترام لك اختى هند
للخت القديره ياسمين

الحقيقه موضوع مميز فيه الكثير من النقاط التي واجب عليها الاهتمام فيها والحرص على ان تكون منهج لنا
وبعدها اكملت الاخت ياسمين البقيه
بحلول وافكار مميزه للوصول للهدف ان امكن

ولو لم يتحقق هذا الهدف فنحن لم نخسر الكثير في انتظاره


كل التقدير والاحترام لكم الله يسعدكم

[zajel249]

شكرا لج اخت هند على الموضوع وضربتي على الوتر الحساس

بالنسبه لهالشي انا مستعد انزل مواضيع بتساعد الكل في تطوير معرفتهم ومهاراتهم بس بشروط

ان تتم عملية انتخاب لجنة للتدريب في المنتدى ومن خلالها توضع الاسئله واللي لازم اللي بيجاوب على الامتحانات يكون مسجل وعنده عضويه في التدريب

وانشاء الله الكل بيطلع متأهل من اكاديمية خط الطيران

شرايكم؟؟

[serag eldin]

مشكورة اختى هند على الموضوع الرائع
موضوع قيم فعلا
ننتظر الجديد منك تحياااااااااااتى

[المعتز]

يعطيك العافية أختي هند
الموضوع مايخص مهنة الضيافة فقط بل جميع الاحلام حتى حلم الطيران او الهندسة
او غيرها لابد اننا نقتنع ان هاذي احلام نسعى لتحقيقها ونبذل الجهد للوصول اليها
لكن هي في النهاية أحلام ممكن تتحقق وممكن لأ والحمدلله اننا اناس مؤمنين بأن المؤمن
كل مايصيبه خير حتى وان ظهر في البداية عكس ذلك لكن الايام تثبت لنا ان كل مايحدث لنا فيه خير سواء في الدنيا والاخرة
وهذا لايعني اننا مانبذل الجهد ونسعى لتحقيق الاحلام
وأختم بقول الله تعالى " وعسي ان تكرهوا شيئا
وهو خير لكم وعسي ان تحبوا شيئا
وهو شر لكم والله يعلم وانتم لا تعلمون" .

[Hend]

بشكر الجميع لمروره وأرائه والحمدلله ان فى استعداد لعمل شئ جديد ونافع
وكابتن زاجل بشكرك لطرح الفكره دى واكيد كلنا بنأيدها ابتدى واحنا اكيد هنكون معاك وهنبتدى معاك ونطور نفسينا وكلنا هنا علشان نفيد ونستفيد
يارب التوفيق للجميع بإذن الله

[Oumnia]

صدقتي كابتن هند ...
لو الواحد انتظر العمر ممكن يفوته من دون اي فائدة ..
من العقلاني التفكير متلك ...
مشكورة على الموضوع المهم جدااااا ..
تحياتي ..

[nadia nawnaw]

موضوع جميل أخت هند و مبروك العمل الجديد

و أنا أؤيد كلامك و لازم كل واحد ياخذ بيه

عشان مضيعش الأيام و الشهور و السنين في الإنتظار

و كلنا عارفين الأيام بتمر بشكل ساروخي

أنا عن نفسي مهووسة بإني أكون مضيفة و بدعي ربنا في كل وقت

و كل صلاة إنو يسهلي يتحقق حلمي

بس مش معنى كده إني حاطة إيدي على خدي و مستنية الضيافة

بالعكس أنا حاطة في بالي إن الحلم ممكن يتحقق و يمكن لا

و لو متحققش مش معناها هيجيلي انهيار والا هحزن

بالعكس عادي الي مكتوب هرحب بيه

و مش هستغنى عن المنتدى اللي هو بيتي الثاني و هفضل ساكنة فيه

المهم إن الواحد يستغل وقتو في حاجتين وهما تحقيق الحلم أو إحتمال عدم تحقيقه

و على فكرة موضوعك يستحق التثبيت

[blue sky]

أنا معك بكل كلمة
موضوعك من أهم الموضيع بالافكار الي يطرحها لكن عندي تعقيب على نقطة فيه
حاول عند ايجاد عمل ان يكون في الطيران او قرب منه لانك عندما تبدأ بعمل ما سوف يبقى اسمه متصل بك دائما و سيكون من الصعب ان تجد عمل جديد في مجال اخر الا اذا بديت مرة ثانية من الصفر و هذا ما سوف يكون صعب عليك
انا ضليت اكثر من ثلاث سنوات اعمل و اتعب و دائما و الحمدلله اطلع الاول في عملي و دراستي في مجال الطران لحتى وصلت للي انا فيه اسى لكن انا لسى ما اقتنعت اني وصلت للامر الي بدي اياه و انا ما زلت اعمل
اتمنى لكم التوفيق جميعا
تقبلي مروري

[salma86]

كلامك صح ياهند الاحلام سهلة جدا لكن تحقيقها صعبة ولازم مجهود وتعب من جد وجد ومن زرع حصد