السلام عليكم و رحمه الله و بركاته اتمنى الى الجميع صحه جيده انا ذهبت الى القطرية و كان عدد المتقدمين كتتتتير جدا من شباب و بنات كان من الساعه 9 صباحا الى الساعه الثانية بعد الظهر اول شىء فراجونا على شريط خاص بالخطوط القطرية و بعد ذلك قالت الشروط للشركة و كان من الشروط انه اذا طلب منك تقديم خمور مافيش كلمه لا . الى موافق ok الى مش موافق يمشى من دلوقتى مافيش حجاب و الكلام كله بالانجليزية مافيش و لا كلمه عربى الدخل الاساسى 3200او 3300 ريال قطرى تقريبا + ساعات السفر المهم بالنسبه الى البنات الشعر لون واحد ممنوع الهاى لايت بعد كده بدأ كل واحد يتقدم و الى يتاخد cv تتكلم معه كلمتين باللغه الانجليزية و هو ماشى او وهى ماشيه المضيفه الى موجود بتبص على اللبس و الشكل العام و تكتب تعليق على cv طبعا فى بنات جم لبسين بنطلون جينز و عمليين شعرهم كرلى و ده ممنوع المهم قالت بكره هيتصلوا بالناس الى نجحت مبدأيين اكدت على المظهر و اللبس و هو الى الشباب بدله و جرفت و الى البنات جيب قصير و شراب لونه بيج مش اسود و جزمه بكعب مش فلات و بلوزه او جاكيت و الشعر ملموم و كان معنا فى الانتر فيو بنات فليبينو ما هى ناقصه المهم . الاسئلة الى كانت بتتسأل عندك كام سنة بتشتغل ايه خريج ايه ليه عايز تشتغل فى الطيران تفتكر عدد المتقدمين كتير ليه و هكذا اى سؤال يختر على بالها بس كل واحد سؤال من الاسئلة دى طبعا مش كل الاسئلة دى الى واحد بس . ادمت cv سألتنى عندك كام سنه بتشتغلى ايه ليه قدمتى استقلتك من شغلك و بعدين مشيت اتصلوا بيا فى نفس اليوم الساعة 7 مساء و قلت بكره الساعه 9 صباحا فى نفس المكان رحت و كان العدد تقريبا 20 مافيش وجه مقارنه بين اليوم ده و الى قبلو و طبعا لقيت معنا الفليبينو .عرفت ان هما اتصلوا بالناس الى كان مظهرها كويس و ردوا عليها كويس و قسموهم الى 2 جروب كل جروب تقريبا 20واحد جروب الساعه 9 صباحا و جروب الساعه 2 ظهرا . بدأت تتناقش معنا فى الخطوط القطرية وايه الفرق بين امبارح و النهارده و قالت فيه امتحان بالكتابه و بعديت تقسمكوا الى 2 جروب لمناقشة موضوع مع بعض عشان نشوف روح الفريق المتعاون موجود و لا . المهم الإمتحان 4 ورقات و ورقه واحد للاجابه عبارة عن قصه و بعد ذلك اسئلة عن هذه القصة و الاجابة اختار من عده اجابات. و رسومات و سؤال الخاص بيها دى اسمها ايه مثلا سحابه ممطرة و كذا اجابه و تختار من الاجابات الموجوده اجابة واحد و شويه اسئلة فى الجرمر مثلا he or him go or goin و هكذا و بعد ذلك اسئلة فى الساعه مثلا 7:00 تعنى 7 صباحا او 7 مساء اختار الاجابة و بعد ذلك هى ماليت سؤال وهو ما هو اغرب موقف فى حياتك وايه الى اتعلمتو منه و مين ساعدك و ازاى طلعت من الموقف ده اشرح بالكتابه و المتحان مدته 50دقيقه و بعد ذلك قسمونا الى فريقين فريق a و فريق b كل فريق يناقش موضوع معين هى الى بتحددوا متلا ايه الجنسيات الى تحب تعيش معاها وليه و ايه الجنسيات الى مش تحب تعيش ومعاها و ليه و ناقش 7 اسباب ايجابية و7 اسباب سلبية نسيت ان فى وسط الامتحان نادت اسامى الناس واحد واحد و قاست الطول البنات تشب عشان تلمس ورقة ملزوقه على الحيط والشباب من غير شب و بعدين نادت الاسامى الى نجحت و طلبت منهم المجىء غدا عشان اخر امتحان و هو مناقشة فردية لكل واحد باللغة الانجليزية و اذا نجح الورق يخلص فى 3 شهور و التدريب فى قطر لمده 6 شهور و شكرا . على فكره الامتحان بجد سهل بس لاى حد خريج مدارس لغات و يعرف اللغه الانجليزيه كويس بالنسبه له كل حاجه هتبقى تمام و على فكرة الى نجحوا من 20 عددهم 5 و كان بينهم البنات الفليبينو طبعا و كان فى بنات جميلة و الى اختاروها اقل جمال بكتير من الى مشيوا بس من الواضح ان اللغه اهم من درجه الجمال و المظهر و اتمنى للجميع التوفيق
22-11-2008,
02:55 PM
][.. اعلانات وظائف الضيافة الجوية وسلامة المقصورة ..][
الى من ذهب اوبن داى القطرية
رد: الى من ذهب اوبن داى القطرية
اقتباس: 
