[kasbr]

اقتباس:     المشاركة الأصلية كتبت بواسطة иєxτ ɒяєαм  

ليه .؟

cap 2 ، kasbr ، fisail
آنتم آعرف مننا في الكلية
هل توآفقون ع كلآمه .؟
اننا نسحب ع الكلية آصرف

البعثه كويسسسسسه مررره ,,

من ناحيتي اقول ادخل الكليه اذا كآن تخصصك طيآر ,, او خلك تخصص بعثه داخليه تابع للكليه , وهي تكون هندسه او قانون هاذي فسعود او هندسه في الملك فهد للبترول والمعادن ,

<< تفارق ما قالك اسحب على الكليه قالك تخصص بعثه من الكليه ,

[صاحب الطموح]

كاسبر ليه البعثه ازين عطني المميزات وافدني الله يطول بعمرك

[احتمال ضعنا]

اقتباس:     المشاركة الأصلية كتبت بواسطة kasbr  

اخوي لا تتفلسف ونت ما تدري وش السالفه و جالس فبيتكم ,,

حبيبي انا ما اتفلسف بس نتعب عمرنا وننقبل مبدئي ويجي ابو الشباب يقول الي يقدر يسحب يسحب
بعدين حسستني انك جالس تكلمني وانت بالطياره
كويس اني في بيتنا يمكن انك قاعد بالحاره مع المبزره
المهم الي بيسحب يسحب بكيفكم
وترا تفارق يقوول الي يجيه بعثه من الكليه يطلع والباقين اسحبو عل الكليه نصيحه
اقرا الكلام زين يابوي ثم تعال انت تفلسف
وانا اعطيكم نصيحة اخو الي يقدر يدخل يدخل
وتفارق لو الكليه موب زينه كان ما دخلها
كيف داخلها ويقول لناس اسحبو نصيحه ؟؟؟؟؟؟؟؟؟؟؟؟؟
كلام عجيب !!!!!!!!!!!!

[fighter pilo0ot]

هدو اعصابكم ياجماعة
لكن شيء طبيعي الكلام اللي قاله تفارق
ممكن تكون من االضغوط النفسية بالكلية او انه الى الآن يداوم خصوصا العالم كله اجازات
او صعوبة الدراسة او غيره .
وانا سألت كذا شخص متخرجين يقولون في أول سنة بتتعب نفسيا وراح تجيك فترة تندم ومن هالكلام
وفي أول سنة تكون انت طالب اعدادي وبتدخل تنكرف من كل النواحي

فلذلك مجرد انت تكون شخص صبور وتعدي أول سنة بسلام خلاص ان شاء الله تتسهل الأمور الثانية

ووسعو صدوركم ياجماعة وترا في الوقت الحالي كل شيء ضغط في ضغط تروح للجامعة بتلقى ضغط ماهو طبيعي واللي يبي يكون مرتااح من كل النواحي يدخل تخصص عادي ولا ياخذله دورة حاسب 6 شهور ويشوفله اي وظيفة وانتهينا

وكل التوفيق لاخوي تفارق والشباب الباقين

بالتوفيق للجميع

[SAO]

السلام عليكم

أنا بكرا موعد المقابله والفحص
لكن عندي سؤال للي راحوا للفحص
اللي عنده حشوه في أسنانه فيه مشكله ؟؟
لأني قريت إنهم رجعوا طلاب عشان فيه حشوا اسنان !!
وهذا شي غريب

[fighter pilo0ot]

^^^
لا عادي ان شاء الله

هم يرجعون اللي أسنانه نصها سوس أو عنده سن منكسر

بالتوفيق

[fighter pilo0ot]

وين الشباب لهم فقدة
فيصل الحجري
شيطون
هتلر العرب

وغيرهم

[a7m4d]

شباب انا ماقدمت اوراقي لسع ,, فيه دفعة ثانية تقدم اوراقها.. ماطلعت الرياض!

[ابو علي 1]

انا ما قدمت وش السواة خلاص ما يمديني تكفون ردو

[ملاعب الذيب]

الحمد لله انا خلصت كل شي مقابلات و اختبارات و مرمطه وبهذله و انتظار
و قالوا لي النتائج 10 رمضان
بس كيف اعرف اني انقبلت ولا لا هل يرسلون رسايل عالجوال و لا تطلع في الموقع ؟؟؟

[احتمال ضعنا]

مين معي بكرا لياقه
sao شكلك معي اليوم ههههههههههههههههههههههههه
ربي يعين ياشباب وش السواه مع الياقه انا لياقتي صفر

[Fhoode]

السلام عليكم ورحمة الله وبركاته
هاذي اول مشاركه لي صراحه كنت اتابع بصمت بس قررت اخش معكم في الموضوع عشان ننفع بعض ونستفيد من بعض وانا الحمد الله من اللي ينتظرون الفرز 😁 وان شاء الله كلنا ننقبل نهائيا بأذن الله وان ما جت فيه الجامعه الحمد الله نكمل وش ورانا مع اني درعمت والله كذا على اني بنكرش بس الحمد الله مشيت للاخير بدون واسطه:f61ar: ولا شي لاكن توفيق من رب العالمين اللهم لك الحمد وانشاء الله ان الجميع مقبول بأذن الله 🌹

[иєxτ ɒяєαм]

اليوم رحت سويت الكشف الحمدلله

علماً بآني نجحت في كل العيادات والفحوصات
ودرجاتي 99 ثانوي و 84 قدرات و71 تحصيلي و 36 كفايات
مآشآءالله

وبالآخير قآلوا لي روح المسسرح .. سآلتهم ليه , مع اني اجتزت كل شي ..
قال لي العسكري انت ماقبلت وبس لا تكثر كلآم :( :(

طبعآً الشغل كله وآسطآت عيني عينك ,,
اللي لابس نظآرآت واللي وزنه ناقص 5 كيلو وغيرهم كثيير ويقبلونهم عآدي ,,


بالآخيير الحمدلله الحمدلله الحمدلله على كل حآل وآن شآء الله تكون خيرة لي

وبالتوفييييق للجمييع وعسى ربي يوفقكم

[ خرـوـوـوج نـهـآإئـي ]

[fighter pilo0ot]

^^^ خيرة وانا اخوك

بس غريبة قالولك رح المسرح
ليتك نشبت لهم وعرفت ليه الدنيا ماهي فوضى

الله يوفقك يارب وين مارحت

[خير وبركة]

من المفترض أن يكون هناك توضيح لأسباب عدم القبول ، !!!! واللي ما تيسر له قبول ما يندرى وش الخيرة ، ربي دائما يختار لك الأفضل


ملاحظة : العدد المتبقي الذي دخل للفرز ، أتوقع قليل ، فهل سينقصون منهم أيضا ؟ اتوقع راح ينقبلوا كلهم .

[Fhoode]

هلا اخوي خير وبركه
صراحه ما تظمن يكون اسمك في الفرز لان 100٪ اللي تجاوزو كل شي فوق ال 200 وهم اتوقع يبون من 150 الى 200 لاكن ادع ربك وانشاء الله انك من المقبولين بأذن الله

[احتمال ضعنا]

والله يوم الكشف الي دخلو حوالي 50 والي وصلو لين المقابله يمكن 13 بس

[Fhoode]

صح كلامك بس في اختبار اللياقه واختبار القدرات اليوم اللي كنت فيه انا اللي هو الجمعه اللي راح قبل اسبوع يعني العصر كنا حول 50 واحد كيف عاد اللي مواعيدهم قبلنا او بعدنا اكيد انهم واجد واتمنى للجميع القبول النهائي ان شاء الله

[a7m4d]

شباب انا ماقدمت اوراقي لسع ,, فيه دفعة ثانية تقدم اوراقها.. ماطلعت الرياض!

[خير وبركة]

اقتباس:     المشاركة الأصلية كتبت بواسطة a7m4d  

شباب انا ماقدمت اوراقي لسع ,, فيه دفعة ثانية تقدم اوراقها.. ماطلعت الرياض!

خلاص انتهى التقديم ، نهايته كانت 21 - 8 - 1433

[خير وبركة]

السلام : إخواني ، هل صحيح أنه عند الفرز تدخل ملفات الواسطة ، وليس هناك مصداقية في القبول النهائي ؟

[Fhoode]

لا انشاء الله اذا درجاتك توب انشاء لا واسطه ولا ابن امه يخش ملفه مكانكاكلمك عن اختبار القدرات 2 لان نسبه كبيره من القبول تعتمد عليه بس اللي سمعته اذا فيه واحد عنده واسطه ودرجاته قريبه من درجاتك يعني انت اعلى منه درجات بشوي يدخلونه بدالك
بس ان شاء الله انك من المقبولين بأذن الله اتمنالك التوفيق اخوي

[ابو علي 1]

والله العظيم اني ما قدمت لاني ضامنها عمي لواء يقول لا تقدم انا بدخلك يعني باختصار حاطها في جويبي الواسطه في الفرز النهائي يسوون تبديل ملفات

[Fhoode]

من جدك م قدمت يعني م سويت لا فحص ولا اختبارات ولا اوراق والله لو عمك فريق اول طيار م دخلك كيف تجي ذي !!!

[fighter pilo0ot]

هههههههههههههه

والله جد ياخوي منطقيا لازم تختبر وتسجل عن طريق الموقع وتعدي الفحص الطبي والمقابلات والاختبارات

وين عايشين بدون تسجيل وهالامور كلها وتدخل


الله يوفقك ولو انك مقدم ووتواضعت زي الخلق وعديت الاختبارات ازيلك ودخلت عمك بنفس الوقت

موفق

[احتمال ضعنا]

ما نكبنا غير هالاشكال

[mesfer14]

اقتباس:     المشاركة الأصلية كتبت بواسطة احتمال ضعنا  

ما نكبنا غير هالاشكال

هههههههه والله انك صادق

انا باقيلي الفرز النهائي وماعرف اي احد في وزارة الدفاع حتى جندي ماعرف

بس الله يوفقنا وينصرنا عالواسطات بدعاء الوالدين ان شاء الله

[Fhoode]

ي عيال من جدكم صدقتو كلام ابو علي انه ما قدم اوراق وبيدخل ومدري ايش
الرجال راح عليه تقديم الاوراق ومدري وش وضعه الظاهر يوم انتهى موعد تسليم الاوراق وهو باقي ما سلم قال خلني اهايط على روسهم شوي واللي يبي يتاكد يشوووف ردوده السابقه وبتفهمون الوضع كلها شباب متى اخر موعد تسليم اوراق 24 ساعه يسأل ذا السوال دامه يقول الواسطه في جيبه وضامن الدخول ليش يتعب نفسه و 24 ساعه يسأل عن اخر موعد لتسليم الاوراق

[Fhoode]

اقتباس:     المشاركة الأصلية كتبت بواسطة mesfer14  

هههههههه والله انك صادق

انا باقيلي الفرز النهائي وماعرف اي احد في وزارة الدفاع حتى جندي ماعرف

بس الله يوفقنا وينصرنا عالواسطات بدعاء الوالدين ان شاء الله

اااامين ي اخ مسفر الله يوفقنا وندخل جميع بأذن الله والله اني نفس نظامك م اعرف احد هناك لاكن الحمد الله على كل حال و اذا الله كاتبلك فيها والله اكبر واسطه ي شيخ ما يقدر يمنعك من دخول الكليه بأذن الله وان شاء الله انك من المقبولين نهائيا ي رب

[a7m4d]

معقولة مافي فرصة!

طيب ممكن احد يكلمهم تلفون ثابت ع رقمهم المجاني ويستفسر لي , يقولهم انه ماسلمت استمارة طلب الالتحاق بالموعد المحدد بسبب ظروف , هل فيه امكانية اسلمها هالاسبوع ,
جزاكم الله خيراً.