[CAPTAIN ABDULLA]

الله يوفقك ويوفق السعوديين اللي في الفلبين

[عـــ الشوق ـــذب]

الله يوفقك ياخوي
طيب بالنسبة وش نوع الطيرات الي عندهم وكم عددها وهل المدرسة قريبة من مكاتي ولا بعيدة طيب واللي ماعنده انجليزي ويبي يدرس المدرسة الي انت فيها عندهم معهد ؟؟
وسامحني على الاطالة والله يوفقك وترجع لاهلك كابتن انشاء الله

[دعواتكم اكون طيار]

اود اطرح عليك اسألة واتمنى منك تجاوبني << معليش بنتعبك


السؤال الاول : اقدر اكون طيار بالنظارة ؟

السؤال الثاني : كم راتب الطيار ؟

السؤال الثالث : كم مده دراسة الطيران ؟

السؤال الرابع : كم يطلبون الخطوط السعودية نسبة الثانوية العامة ؟

السؤال الخامس : بعد الثانوية اروح اقدم طيران ولا ادرس جامعه ، إذا قلت جامعه طيب اي تخصص ؟

السؤال السادس : ماهي المدينة المتميزة لدراسة الطيران ؟

السؤال السابع : كم يطلبون نسبة في اختبار القياس ؟

السؤال الثامن : كم يطلبون نسبة في اختبار التحصيلي ؟

السؤال التاسع : لماذا اولاً اكون مساعد طيار ومن ثم طيار ؟

السؤال العاشر : كم سنة اجلس مساعد طيار ؟

السؤال الحادي عشر : انا ابغى لم اتخرج من الثانوية العامة ادخل الجامعه وش تنصحوني ادخل تخصص ينفع للطيران لان لما اخلص الجامعه بدخل طيران ؟

السؤال الثاني عشر :من الافضل دراسة الطيران بعد التخرج من الثانوية ام التخرج من الجامعه ؟

[مشاري الدوسري]

اخوي انا راح اجاوبك على الي اقدر عليه او بالاصح الي اعرف والرزق على الله
السؤال الاول : اقدر اكون طيار بالنظارة ؟
تقدر تدرس طيران بالنظاره
السؤال الثاني : كم راتب الطيار ؟
كل شركه لها سلم رواتب يختلف عن الثانيه انت حدد الشركة وان شاء الله يفيدزنك الشباب
السؤال الثالث : كم مده دراسة الطيران ؟
على حسب الاكادميه الي بتدرس فيها لاكن تبداء من ست شخور الى سنه ونص تقريبا
السؤال الرابع : كم يطلبون الخطوط السعودية نسبة الثانوية العامة ؟
الخطوط السعوديه تطلب رخص طيران بلاضافه الى عدد سعات طيران تقريبا 270 ساعه
السؤال الخامس : بعد الثانوية اروح اقدم طيران ولا ادرس جامعه ، إذا قلت جامعه طيب اي تخصص ؟
بعد الثانويه روح قدم طيران مباشره بدون جامعه تقبلك مايحتاج جامعه
السؤال السادس : ماهي المدينة المتميزة لدراسة الطيران ؟
على حسب رغبتك لاكن انا كاوجهت نظري الشخصيه اشوف امريكا وكنداء في المقام الاول
السؤال السابع : كم يطلبون نسبة في اختبار القياس ؟
مايكلبون لا قياس وولا شي

السؤال الثامن : كم يطلبون نسبة في اختبار التحصيلي ؟
والله مدري شنو الاختبار التحصيلي هذاء لاكن المطلوب شهادة الثانويه بس وبعد الاكادميات ماتطلب ثانويه بعد
السؤال التاسع : لماذا اولاً اكون مساعد طيار ومن ثم طيار ؟
علشان تدرب على الطائرات النفاثه وتعلم ويصير عندك خبره
السؤال العاشر : كم سنة اجلس مساعد طيار ؟
ماعرف والله بس اتمنا احصل انا اجابه على السؤال هذاء
السؤال الحادي عشر : انا ابغى لم اتخرج من الثانوية العامة ادخل الجامعه وش تنصحوني ادخل تخصص ينفع للطيران لان لما اخلص الجامعه بدخل طيران ؟

والله يالغالي انا اشوف اذا انت تبي تصير طيار تدرس طيران بعد الثانويه هذاء طبعا وجهت نظري وفي الاول والاخير هذاء راجعلك
السؤال الثاني عشر :من الافضل دراسة الطيران بعد التخرج من الثانوية ام التخرج من الجامعه ؟
اي دنت نو والله مادري يالغالي


اتمنى تكون استفدت
ادعو لي بالتوفيق

[AHMED KHOUDARI]

السلام عليكم ورحمة الله وبركاته أنا سمعت يا شباب انه اذا أخذت الرخص ورجعت تقدم في الخطوط السعودية يعادلو لك الرخصة ب 25000 ريال هذا الا وصلني من واحد طيار وقلي معلومة أكيدة والله الموفق

[دعواتكم اكون طيار]

علشان تدرب على الطائرات النفاثه وتعلم ويصير عندك خبره


يعيطك العافية يامشاري

بس ودي اعرف وش هي الطائرات النفاثه ؟؟!!

[MINICooperS]

اقتباس:     المشاركة الأصلية كتبت بواسطة madljna  

the question was !

pick up for exemple boeing 737 or 767
need to know the way to calculate above mentioned

thanks

will reply u at ur inbox .. thanx

[MINICooperS]

اقتباس:     المشاركة الأصلية كتبت بواسطة CAPTAIN ABDULLA  

الله يوفقك ويوفق السعوديين اللي في الفلبين

الله يوفقنا ويوفقكم يارب .. وتسلم على دعوتك الطيبة

[MINICooperS]

اقتباس:     المشاركة الأصلية كتبت بواسطة عـــ الشوق ـــذب  

الله يوفقك ياخوي
طيب بالنسبة وش نوع الطيرات الي عندهم وكم عددها وهل المدرسة قريبة من مكاتي ولا بعيدة طيب واللي ماعنده انجليزي ويبي يدرس المدرسة الي انت فيها عندهم معهد ؟؟
وسامحني على الاطالة والله يوفقك وترجع لاهلك كابتن انشاء الله

حياك الله حبيبي ..

بالنسبة لنوع الطيارات فهي : Cessna 150-152-172 و سينيكا Multi engine

وبالنسبة لعددها ماني متأكد بالضبط لكن عندهم العدد الكافي .. بالنسبة للمدرسة فهي قريبة من مكاتي .. ولكن المطار بعيد ( وهذا هو العيب الوحيد ) .. وبالنسبة للغة الانجليزية في معهد ممتاز في مكاتي يدرسك انجليزي 30 ساعه بـ 800 ريال .. تحت اوامرك حبيبي والله يوفقك وينولك كل ماتتمنى .. اللهم آمين

[MINICooperS]

اود اطرح عليك اسألة واتمنى منك تجاوبني << معليش بنتعبك

تحت الاوامر حبيبي :)

السؤال الاول : اقدر اكون طيار بالنظارة ؟
- نعم مافيها مشكلة الآن .. ولكن المشكلة في عمى الالوان لاقدر الله .. وانحراف النظر

السؤال الثاني : كم راتب الطيار ؟
- طبعاً في البداية راح تتوظف كمساعد طيار .. وراتبك الاساسي بيكون 17.700 ريال ومع البدلات ممكن يوصل 21 الف شهرياً + 35 الف ريال بدل سكن سنوي

السؤال الثالث : كم مده دراسة الطيران ؟
- من 5 - 6 شهور اذا كنت مجتهد وتنتظم في جدول رحلاتك يومياً

السؤال الرابع : كم يطلبون الخطوط السعودية نسبة الثانوية العامة ؟
- مايشترطوا اي نسبة .. مايفرق لو انك ناجح بـ 50 % المهم انك ناجح

السؤال الخامس : بعد الثانوية اروح اقدم طيران ولا ادرس جامعه ، إذا قلت جامعه طيب اي تخصص ؟
- مافي جامعة .. بعد ماتخلص دراسة ترجع السعودية تختبر اختبار الـGACA في هيئة الطيران المدني لمعادلة الشهادة .. وتاخذ منهم اسئلة قبلها يجيك منها الاختبار

السؤال السادس : ماهي المدينة المتميزة لدراسة الطيران ؟
- انا على حسب ماسألت الفلبين .. وانا حالياً ادرس هنا ومرتاح لابعد درجة تعامل وسهوله وانجاز

السؤال السابع : كم يطلبون نسبة في اختبار القياس ؟
- اختبار القياس ماهو شرط للطيران ..

السؤال الثامن : كم يطلبون نسبة في اختبار التحصيلي ؟
- غير مطلوب

السؤال التاسع : لماذا اولاً اكون مساعد طيار ومن ثم طيار ؟
- لاكتساب ساعات طيران وخبرة .. وهذا شي بديهي

السؤال العاشر : كم سنة اجلس مساعد طيار ؟
- تقريباً 5 سنوات .. على حسب اجتهادك وملفك

السؤال الحادي عشر : انا ابغى لم اتخرج من الثانوية العامة ادخل الجامعه وش تنصحوني ادخل تخصص ينفع للطيران لان لما اخلص الجامعه بدخل طيران ؟
- دراسة الطيران العادة تكون بديل عن الدراسة الجامعية .. فحدد اما جامعة واما طيران

السؤال الثاني عشر :من الافضل دراسة الطيران بعد التخرج من الثانوية ام التخرج من الجامعه ؟
- اذا كانت دراسة الطيران ( هواية لديك ) فدراسة الطيران ..

الله يوفقك ويوفق الجميع

[MINICooperS]

اقتباس:     المشاركة الأصلية كتبت بواسطة طيار ولكن لا أطير  

السلام عليكم ورحمة الله وبركاته أنا سمعت يا شباب انه اذا أخذت الرخص ورجعت تقدم في الخطوط السعودية يعادلو لك الرخصة ب 25000 ريال هذا الا وصلني من واحد طيار وقلي معلومة أكيدة والله الموفق

هذا الكلام مجرد اشاعة انتشرت بين الشباب .. وماهي صحيحة .. الله يوفقك

[شفت خلي]

اقتباس:     المشاركة الأصلية كتبت بواسطة MINICooperS  

بالنسبة للغة الانجليزيه مطلوبة .. ولكن تقدر تدرس بدونها .. المهم هنا راح تعدي وتاخذ الثلاث الرخص باذن الله وترجع مافي اختبارات قبول .. ولكن الخطوط السعودية ماتقبلك الا لمن تتجاوز اختبار اللغة الانجليزية ( تيويك وليس توفل )

مدة الدراسة تتراوح مابين 5 - 6 أشهر على حسب اجتهادك .. في شباب يلخصوها في 8 شهور يكون عندهم جداول طيران ومايطلعوا ويتأخروا ..

بالنسبة لموقع الاكاديمية تحت التجهيز باقي ..

الله يوفقك

ممكن تعطيني معلومات عن التيويك هل هو مثل التوفل ولا يختلف؟؟

واذا فيه معهد يدرس هذا الكورس ياليت تقول لي

ومشكور مقدما

[m.ajaj]

السلام عليكم
حبيت اسالك
وش هي الرخصة
وكم مدة الدراسة
وكم يبيلي ادفع لكل شي بالسكن والاكل والمواصلات وكل شي بالريال السعودي
اعذرني على الاطالة
تحياتي

[D.Sly]

الله يعطيك العافيه حبيبي



وترجع كابتن ان شاء الله

لاكن لو تكرمت تحط لنا ايميلك هنا

[ياسر العتيبي]

الف شكر لك اخووووي