[cleverant]

ازيكم يا جماعه
انا روحت امبارح بس مش دخلت فى ميعادي دخلت الامتحان بتاع الساعه 3 عشان وصلت متأخر D:
الامتحان زي ما قالوا هو عباره عن انترفيو بس كتابي
بس تقريبا انا اخترعت شويه فى الاختصارات مع انه قال هتتحسب علينا لو حد كتب حاجه غلط يلا عادي بقى
ربنا يوفقنا كلنا ان شاء الله

[tulipflower]

يا جماعة هو خلاص التقديم قفل يعنى ما ينفعش نقدم تانى ياريت حد يفيدنى؟؟؟؟؟؟؟؟؟؟؟؟؟؟؟؟؟؟؟؟؟

[cleverant]

اقتباس:     المشاركة الأصلية كتبت بواسطة tulipflower  

يا جماعة هو خلاص التقديم قفل يعنى ما ينفعش نقدم تانى ياريت حد يفيدنى؟؟؟؟؟؟؟؟؟؟؟؟؟؟؟؟؟؟؟؟؟

النهارده اخر يوم فى الامتحانات اتصلي بيهم دوقتى وشوفى

[abdo888]

تقدرى تكلميهم النهاردة وتدخلى الامتحان
انا لسة مكلمهم امبارح وادونى ميعاد النهاردة
ودا رقم الى اتصلت علية 0185055998

[tulipflower]

ميرسى ليكوا كلكوا يا جماعة وعلى مساعدتكم ليه انا لسة مكلماهم حالا على رقم 010 و فى و احد رد عليه قالى التقديم قفل خلاص

[nony nony]

ازيكوا ياجماعة وحشتوني..والله جميلة اوي الروح اللي بينا هنا في المنتدي الكل بيحاول يفيد ويستفيد من بعض.ربنا يديمها علينا نعمة يارب
انا لسة راجعة من الامتحان من شوية وطبعا مش هازود حاجة عن اللي قولتوها قبل كدة بس فيه واحد هناك قال ان هو نفسه مايعرفش اسم الشركة ايه ومافيش حد يعرف غير المدير العام بس ولما ننجح هانعرف اسمها ايه وهايبتدوا يتصلوا باللي نجحوا من يوم الاحد الجاي او ممكن احنا نتصل ونعرف النتيجة منهم.

[nony nony]

مين فيكوا ياجماعة كان هناك النهاردة من 10 :11 في كلاس 1

[rokia]

السلام عليكم ورحمة الله وبركاته
أنا كنت فى كلاس 1 ياولاء وكنت بدور عليكى من ساعة ما وصلت إنتى ومحمود اللى من المنصوره لأنى من المنصوره
بس ما عرفتش ألقيكم أنا كنت هناك من الساعه 3 بالضبط المواصلات كانت زحمه مووت
بس إتغديت فى المهندسين وبعد كده روحت
وبالنسبه للبنات اللى بيسألوا عن التقديم روحى النهارده من غير ما تتصلى هيدخلوكى تمتحنى عادى هما ناس زوق جدا ومش بيحرجوا حد بس خدى معاكى السى فى وصوره من شهادة التخرج و3 صور ليكى وروحى النهارده بسرعه

[nony nony]

حد عنده اخبار عن الاوبن داي بتاع الاماراتية ياجماعة...لو حد حضروا ياريت يفيدنا ويقولنا ايه اللي حصل فيه

[rokia]

وبالنسبه للى بيقولوا إن الأكاديميه مش هتعين حد وإن الموضوع كله عباره عن دعايه ليهم عشان ندرس عندهم حتى لو الموضوع كده إيه يعنى على الأقل يبقى ندرس عندهم ونتعلم الضيافه عندهم وحتى لو هما ما شغلوناش إفتحوا أى جريده وشوفى طلبات شركات الطيران هتلاقوها كلها عايزه ناس عندهم خبره بالضيافه أو خريجين أكاديميه للضيافه يعنى كده أو كده إحنا منتفعين وهما من مصلحتهم إن إحنا نشتغل سواء عن طريقهم أو عن طريق الإعلانات اللى فى الجرائد لأن ديه دعايه مجانيه ليهم
أنا واحده من الناس عايزه أدرس فى الأكاديميه عشان أتعلم صح وكمان لأنها موجوده فى القاهره يعنى سهله فى الحضور لأن الأكاديميه التانيه فى الأسكندريه

[abdo888]

عندك حق يا رقية
وانا كمان نفسى اتعلم الضيافة

[Noona_Noona]

اقتباس:     المشاركة الأصلية كتبت بواسطة rokia  

وبالنسبه للى بيقولوا إن الأكاديميه مش هتعين حد وإن الموضوع كله عباره عن دعايه ليهم عشان ندرس عندهم حتى لو الموضوع كده إيه يعنى على الأقل يبقى ندرس عندهم ونتعلم الضيافه عندهم وحتى لو هما ما شغلوناش إفتحوا أى جريده وشوفى طلبات شركات الطيران هتلاقوها كلها عايزه ناس عندهم خبره بالضيافه أو خريجين أكاديميه للضيافه يعنى كده أو كده إحنا منتفعين وهما من مصلحتهم إن إحنا نشتغل سواء عن طريقهم أو عن طريق الإعلانات اللى فى الجرائد لأن ديه دعايه مجانيه ليهم
أنا واحده من الناس عايزه أدرس فى الأكاديميه عشان أتعلم صح وكمان لأنها موجوده فى القاهره يعنى سهله فى الحضور لأن الأكاديميه التانيه فى الأسكندريه

اوكى حبيبتي انا ما عم قولك ما تروحي روحي و لكن ما تحطي حلمك ان المعهد راح يوفر لك الوظيفة الا اذا كانت هذي شركه توظيف و ليست اكاديميه تدريب هذه نصيحه فقط حتى لا تتخربط الامور والله معنا كلنا

[maioi]

ana m3aky ya rokia law mlnash nseb fe el wazefah isa hagy 2drs wa 2t3lm 2sol el dyafah 3alshn yb2ah lena el 2wlawyia el marah el gayah

[Doda gh]

ع فكره يا جماعه المكان كويس وكل الي فيه كويسين جدا وزوق جدا في التعامل وبجد كلها اوهام وظنون مالهاش اساس فخلاص خلي املكم في ربنا كبير وان شاء الله خير

[ميسون تونز]

السلام عليكم ورحمة اللة وبركاتة ازيكم يا جماعة عاملين اية اتمنى انكم كلكم تكونوا بخير واحب اقولكم ان لازم نصبر ليوم الاحد وبعد كدة نتصل عشان يقولوا النتيجة وربنا معانا ويوفقنا كلنا ان شاء اللة

[rokia]

اقتباس:     المشاركة الأصلية كتبت بواسطة Noona_Noona  

اوكى حبيبتي انا ما عم قولك ما تروحي روحي و لكن ما تحطي حلمك ان المعهد راح يوفر لك الوظيفة الا اذا كانت هذي شركه توظيف و ليست اكاديميه تدريب هذه نصيحه فقط حتى لا تتخربط الامور والله معنا كلنا

انا معاكى فى اللى انت بتقوليه بس انا مش حاطه امل فى انهم يوظفونى انا هدرس عندهم اصول الضيافه و بعدين ابقى اقدم فى شركات الطيران ولو هما هيوظفونا كويس المهم الدراسه الاول

[احمد من الزقازيق]

هاي ميســـــــــــــــــــون أزيك ؟؟؟؟
أنا متفــــــــــــــأل خير ليكي إنتي بس ؟؟
أما أنا شكلي كده مفيش نصيب

[احمد من الزقازيق]

ميسون ازيك انتي في المنتدى

[عدولة]

مساء الخير عليكم جميعا الف مبروك للجميع وربنا يوفق من رايي الشخصي الناس دي بتحاول تعمل دعابا المهم الكل ميعشمش نفسه وفي الاول والاخز دي ارزاق سيبوها لله بس محدش يعلق نفسه وبالتوفيق للجميع

[احمد من الزقازيق]

مساء الخير عليكم ممكن في حد يفيدي في مقابلة يوم الاحد القادم بعد النتيجة متظهر

[احمد من الزقازيق]

مساء الخير هبة

[lolystarr]

ازيكم جميعا وكل سنة وانتو طيبين انا لسة جديدة معاكم هنا ومتابعة كل تعليقاتكم من اول مااعلان نزل فى الجرنال انا اسمى لولو من اسوان بس حظى قليل فعلا او بمعنى اوضح مليش حظ انا اتصلت ووصلت بعد عذاب واخدوا بياناتى وقولتله لو فى انترفيو يقولى قبلها علشان اعرف اجى واتصلوا بيا يوم 17 ومردتش انا مكنتش متخيلة انهم يتصلوا فى العيد لان فى بنات قالو انهم هيبداو من بعد العيد اللى هو يوم السبت انا مردتش مسمعتش الموبايل وللاسف متصلتش بالرقم غير النهاردة لما شوفت كلامكم ياريت لو هينزلو اى اعلان تانى او لو عرفتو اى حاجة تبلغونى واتمنى ويشرفنى ان اكون اختكم هنا وبصراحة عاجبانى اوى روحكم هنا

[lolystarr]

اسمحولى بقى اكون اختكم انا عرفت من التعليقات ميسون ونونى ونشوى ومايا ودودا ونونا وبنات كتير بجد هيزيدنى شرف لو اتعرفت عليكم

[lolystarr]

بس بجد يابنات مدايقة جدا جدا لو مفيش حد اتصل مكنتش هزعل كدة لكن يتصلوا وانا معرفش بجد مش عارفة ايه دة بس الحمد لله على كل شئ

[lolystarr]

ربنا يوفقكم جميعا يارب وتتقبلوا كلكم اللهم امين

[مايا شريف]

بصوا يا جماعة انا روحت امبارح وامتحنت الحمد للة حليت الامتحان كلة وخاصة الاختصارات
المهم انا عايزة اقولكوا ان مش مقنع ان حد حابب يعمل دعاية لنفسة يبداها بكدب بالعكس كدة الناس عمرها ما هتثق فية يعنى عمرهم ما هيقولوا ان فى شركة ويكون مفيش شركة واكبر دليل انا امبارح روحت انا واصحابى فى سنتر الضيافة بتاعنا والناس رحبوا بينا اخر حاجة يعنى ولا عايزين يدربونا ولا حاجة
ومن الاخر الراجل اعترف صراحة انهم بيعملوا دور الوسيط بينة وبين الشركة مقابل 10ف جنية
ففى كل ال حنا عملنا الى علينا والباقى على ربنا هو مش كيوم بتيجى شركة محجبات

[noha mahmoud]

انا شايفه ان الحوار دا نصب يعنى علشان يجيب ناس فى المعهد يقول ان فى شركه طيران ومحجبات كمان طيب ميقول بقى خلاص

[cleverant]

اقتباس:     المشاركة الأصلية كتبت بواسطة lolystarr  

ربنا يوفقكم جميعا يارب وتتقبلوا كلكم اللهم امين

اللهم امين
ومش تزعلى يا لولو متعرفيش الخير ليكي فين قولى قدر الله وما شاء فعل
لعل في ذلك خير وربنا يكتبلك اللى فيه الخير دايما يا قمر
وتشرفينا طبعا انك تكونى اخت لينا هنا اكيد

[rokia]

على فكره يالولو ممكن يعملولك إختبار تانى ويدخلوكى الأكادمى بس بعد النتيجه ما تظهر وربنا يوفقك تابعى بس معانا الموضوع

[rokia]

اقتباس:     المشاركة الأصلية كتبت بواسطة noha mahmoud  

انا شايفه ان الحوار دا نصب يعنى علشان يجيب ناس فى المعهد يقول ان فى شركه طيران ومحجبات كمان طيب ميقول بقى خلاص

أولا هما ما نصبوش علينا فى حاجه لا طلبوا مننا فلوس ولا رسوم للإمتحانات ولو هما أكادمى بس للضيافه ومفيش شركة طيران ولا حاجه كانوا من البدايه عملوا دعايه لنفسهم وكانوا هيلاقوا عدد أكتر من اللى إتقدموا لأن حلم ناس كتير إنهم يشتغلوا فى مجال الطيران وممكن تسألوا عن الأكادمى اللى موجوده فى إسكندريه وتشوفوا كم الأعداد اللى بيتقدموا ليها كل سنه