شكرا على الموضوع.
في الغرب الطيار يمارس شغله وبس.واللي يحترم الناس يحترمونه .والنظره في الغرب مو مثل النظره في العالم العربي يعني في الغرب لو تكون وزير النظره والتعامل ماتختلف عند الناس اما في الخليج طبعا العكس .
الطيار في الغرب عقب الدوام يروح البيت ويرتاح .
في الخليج العربي اكثر الطيارين عقب مايخلص الدوام تشوفينه يفتر في السياره ويراوي العالم انه طيار.
في الغرب تشوفين الطيار يسوق سياره صغيره اما في الخليج العربي تحصلينه يسوق مرسيدس اخر موديل. وانه مااقول كل الطيارين طبعا انما البعض.
فالموضوع في الخليج موضوع اكثره مادي ومظاهر ومو السبب حب او شغف في الطيران.للاسف هذا الواقع وارد واكرر البعض وليس الكل.
تقبلي تحياتي.
لا اتفق معاك في هذي النقطه
في الخليج في مبدا وروح اي دوله خليجيه وبتلاقيه قائم
الانسان الخليجي اذا كانت وظيفته تعطيه دخل قوي بيقولون مشالله ويشوفون وضعه المادي
سيارته قديمه بيقولون ( كل هالفلوس وماعنده يشتري سياره يديده ولا فوق هذا طيار )
سيارته احدث السيارات ( قالوا شايف نفسه علينا عشان اهو طيار )
في تناقض كبير بين الناس
وفي ناس تحب تدمج السرعه والسيارات الرياضيه بالطيران (انا احب الطيران واحب السرعه وامور السيارات ماختلفنا بشي مو بس انا ولا واحد ولا اثنين في ملاين يحبون السيارات ويفضلون اقتناء السيارات الرياضيه كانت غاليه او سعرها مناسب )
الطيار الاجنبي يفكر بمستقبله فمن حقه يحافظ على فلوسه وامواله عشان يضمن مستقبله
بالخليج اقولك الانسان شلون يضمن مستقبله من اول ما ينولد الى ان يتوفى (الله لا يقول)
من اول ما ينولد (مستشفيات على حساب الحكومه . مدارس والتعليم . لما يتزوج في بعض الدوله نفس الكويت تساعده في المهر وتعطيه مبلغ . معاش ووظيفه . حتى وقت الدراسه تنزله اعانه . بيت . امور الكهربا وماي . فوق هذا لما يتفوى يوفرون له مقابر وكفن وكل شي الى ان يتم وضعه بالتراب)
بدول الغرب في عوايل تشتغل عشان تجمع فلوس عشان وقت دفنها لما تموت تصدق !؟!
ففي فرق بين دوله خليجيه والحمدالله الله رازقها بدخل وففي فرق بين دوله غربيه
هذا الانسان الخليجي عليه شكر ربه قبل كل شي على هالنعمه
وشكرا لك وسامحنا عالمداخله الطويله