ربنا معاكم يا بنات و ان شاء الله نشوفكم مضيفات قمرات يارب , انا عندى طلب منكم يا بنات , ياريت كل البنات اللى اتقبلوا يعملوا موضوع عن التجربة كلها من يوم قدموا لحد ما اتقبلوا و مش بس الخطوات , حتى فى التحضيرات الشخصية و اللى اهلها كانوا موافقين تحكيلنا عن كلامهم معاها و اللى اهلها كانوا رافضين ازاى اقنعتهم و كدة يعنى , عشان الكلام كله على الامتحان و الانترفيو و مفيش اى كلام على الاهل , انا مقدمتش المرة دى علشان انا برة مصر , ربنا يسهل و اقدم المرة الجاية , بس انا اهلى رافضين تماما يعنى بابا بالاخص , و ادينى بحاول اقنعه من دلوقتى بس ياريت اللى كانوا اهلهم مش موافقين يحكولنا عملوا ايه معاهم , و حتى اللى متقبلوش و اهلهم كانوا رافضين ازاى اقنعوهم برده بالفكرة , و ميرسى يا بنات , بحبكم فى الله
انا واحده من الناس كان اهلي موافقين والحمد لله بيشجعوني
بس كل واحده عندها حلم لازم تسعي ليه وتحققه حاولي تقنعيهم بوجهة نظرك وليه انتي حابه الوظيفه دي
كمان طمنيهم ان المضيفات ليهم مكان خاص بيهم للسكن وآمان جدا والسعودية بلد محترمة وعاداتها وتقاليدها زينا غير انك هتزوري اماكن كتير وهتتعلمي حاجات كتير .
لو ما وافقوش بقي حطيهم قدام الامر الواقع
بابا انا نجحت ومسافرة
