[Rona]

[quote=shahrazan;201271]
الصراحة كان يوم ظريف لطيف جدا . قابلت بنات كتير هناك وكان فى كام ولد كدة .
دخلنا وفرجونا على كام شريط فيديو بتكلم عن شركة امارتس و فيديو تانى لدبى والمطار واحد كمان لكابين كرو.. وبعدين interviewers اتكلمو شوية وسئلونا تعرفى اية عن طيران الامارات و قدمتى فى لية . المهم ان كل اللى عندة كلمة كان بيقولها عادى مكنش بالدور ولا حاجة
وبعدين ادونا ورقة كدة بتملى بيانات عرفتى امارتس منين .
وبعدين قسمونا ل 2 جروب وبعدين قلولنا اننا كل واحد فينا هيختار شخصية وزميلتك اللى جمبك تتكلم عنها . يعنى انتى تقولي انا اخترت الشخصية دى عشان كذا وكذا وزميلتلك تقول عنك الكلام دة وهكذا .هههههههه حلوة هكذا دى
كان اول تقييم اللى هو الجرومنج والزى الخارجى و كمان بقيمموا الوصول ل 212 سم وانتى قالعة الشوز طبعا
المهم عديت انا منة الحمد لله وقلولنا استنوا برة واحنا هنادى على اللى اجتاز اول تقييم
التقييم التانى بقة كان الاختبار الانجليزى فى قطعة كبيرة كدة وفيها مفردات مترقمة . تخلاصى قراية و تحلى ومن ضمن الامتحان اسئلة مواقف كدة زى اللى كنا بندرب عليها فى مسابقة شهرزان للضيافة الجوية وادونا توبيك نكتبة هما اللى اختارة عنوانة (اشيى انتى فخورة بية فى شخصيتك . وشيئ فقط لاتحبية فى شخصيتك وعايزة تغيرية ) وقالو اكتبوا مقال يعنى اللى هيكتب سطرين مش هنقراة . روحت انا مليت سطوررررررر هههههه وعادى نكمل فى الصفحة التانية بس لحد دلوقتى محدش فاهم فيينا اللى طلع من التست دة لية . مش بيقولو اى اسباب.
انا حليت فية تمام والله بجد انا قلت ان شاء الله هعدى رونااااااا رنتلى لية هههههههههه
بس بقة واتصدمت بالخبر انى منجحتش فية . خرج من الامتحان الانجليزى دا ناس كتير موتتتتتت
اللى اانا استغربتلة وكام بنت كدة ان فى بنات والله معاهم لغتين وبطلاقة و طلعوا بعد امتحان الانجليزى دة
اهو واحمد كمان كان موجود . وطلع معانا
اليوم كان طويل من 8 ونص الصبح واحنا طلعنا على 2 الظهر , والباقى اللى كمل ل 8 بليل . وفضلت واحدة صحبتنا للنهائى ربنا يوفقها يارب
بس دا بقة اللى حصل [/quote]
هههههههههههههههههههههه
متبقيش سارة لو مقلبتيش المكان
دنتى وأنتى بتكلمينى قلت أكيد حلاقيها بتتكلم بشويش ورسمى وبرد عليكى وأنا متحفظة كدة وعمالة أقلهم شووووو أسكوتو مش عاوزة أسمع صوت ألاقيكى بتدحكى وعمالة تهزرى وتقولى دول مسمينى هنا شهريار هههههههه فطست على نفسى من الضحك
معلش يا سيتى شكلك أتشأمتى منى وبتقولى رنتلى ليى البت دة هههههههههه
يلا قدامك الفرصة تردهالى لما يتصلو بينا السعودية دة لو أتصلو يعنى ههههه
بصى ياسارة وكمان أحمد isi أنتو عملتو اللى عليكو وأكيد مدام أتصلو بيكو وعدتو من أول تيست يبقى أكيد أنتو فيكم ممميزات كتيرة وأكيد كمان أنو نسبة قبولكو مش قليلة بس دة نصيب وأنتو نلتو شرف المحاولة وسمعنا كتير من مضيفين جويين أنهم قدمو وأترفضو أكتر من مرة يعنى الموضوع مش بيجى من أول ولا تانى مرة وطبعا حتحاولو أكتر وان شاء الله التالتة تبقى تابتة بجد يا سارة
وأكيد طبعا همة الى خسروكى عشان أنا فعلا عارفة أنك حتبقة فلايت أتيندنت هايلة