انا ماعندي مشكله مع اسم الفائز، ولكن الاهم عندي هو التزام الفائز بخدمة الرحلات الداخلية خصوصا وان لا يسير رحلات دولية الا باضيق الحدود.
رغم أني اتمنى معك لكن سيكون هناك استغلال كبير للحريات التسع للإلتفاف حول النقل الدولي. تماما كما حصل مع ناس والتي لم تستطيع تطبيق غير الحرية الثالثة والرابعة لأنها شركة سعودية بينما ستبحث الشركتين كونهما غير سعوديتين عن تطبيق والإستفادة من كافة الحريات التسع.
مانبي تجارب فاشل زي سما ولا تمصل من خدمة المحطات الداخلية كما فعلت ناس وصارت رحلاتها دولية وحنا موب محتاجينها دولي
نبي رحلات داخليه نبي الواحد يلقي حجز قبل السفر بيومين او 3 واوقات مريحه
ان شاء الله وما يصير تملص مثل ما صار من سما وناس وتتورط السعودية بالتركة
الخطوط السعودية مخصصه 55% من اسطولها للرحلات الداخليه فقط يعني هذه الطائرات ماتسافر دولي ابدا،
والباقي يشتغل مابين داخلي ودولي ومع ذلك موب مغطي الطلب
لذلك وجود منافسين يساعدون على تغطيه الطلب هو خدمة للخطوط السعودية قبل كل شي.
ونسبة 55% مثل ماتفضلت ليست قليلة. بحساب الأرقام حوالي 1600 رحلة اسبوعيه، ما يقارب 16000 مقعد اسبوعيا. لو قسمت على الشركات الثلاث لتخلصت السعودية من عبء 1060 رحلة (107000 مقعد ) خاسر ماديا.
تمنياتي بالتوفيق واعان الله الركاب على ارتفاع الأسعار التي ستفرضها الشركات الجديدة كشرط لدخول السوق.