انا محتاجه منكم مساعدة
طبعا انتو عرفين ان اى واحد بيقدم على وظيفة لا زم تكون اللغة حلوة ونفس الوقت
يكون معاه اوراق بتثبت ده اليهيا الشهادات الى بنخدها من المعاهد اللغة
انا اللغة بتعتى حلوة بس محتاجه الشهادات ونفس الوقت عايزة اخود فى معهد يضفلى يعنى مش فلوس على الفاضى وانا محتارة ناس تقولى الجامعه الامريكيه وناس المعهد البريطانى وناس معهد القوات المسلحة فيريت اى حد درس فى منهم يقولى انهو احسن والدراسة ازاى والمعاملة
1-معهد القوات المسلحه
2-الجامعه الامريكيه
3-المعهد الثقافى البريطانى
اولا: الجامعه الامريكيه
نظام الالتحاق بكورسات اللغة الانجليزية بالجامعة الامريكية بالقاهرة بتاريخ
اولاً: الكورسات العادية
عدد المستويات 13 مستوى وعدد ساعات الدراسة فى الاسبوع 3 ساعات
ومدة المستوى الواحد 3 شهور ورسوم المستوى الواحد 465 جنيه لأول مرة
والاستمرار 495 جنيه ورسوم الامتحان 50 جنيه اول مرة وبعدها عند الاستمرار 75 جنيه
ثانياً: الكورسات المكثفة
عدد المستويات 6 مستوى عدد ساعات الدراسة 6 ساعات فى الاسبوع
ومدة المستوى الواحد شهر ونصف
ورسوم المستوى الواحد 930 جنيه لأول مرة والاستمرار 990 جنيه
ورسوم الامتحان 50 اول مرة وبعدها 75 جنيه
ثالثاً: المحادثة
عدد المستويات 6 مستوي وعدد ساعات الدراسة 6 ساعات فى الاسبوع
ومدة المستوى الواحد 3 شهور ورسوم المستوى الواحد 930 جنيه اول مرة والاستمرار 990 جنيه
والامتحان 25 اول مرة والاستمرار 50 جنيه
ملحوظة:معنى "اول مرة" هو انك عندما تبدأ تأخذ اول كورس لك
ومعنى الاستمرار هو باقى المستويات الباقية لك
مواعيد الدورات:
الدورات العادية:
17 سبتمبر-15 ديسمبر
23 يناير-17 ابريل
4 مايو - 27 يوليو
3 اغسطس - 30 اغسطس
الدورات المكثفة:
4 نوفمبر - 17 ديسمبر
5 مارس - 17 ابريل
15 يونية - 27 يوليو
فروع الجامعة
28 شارع الفلكى - باب اللوق
تليفون 27976853
2 شارع الخليفة الهادى من الامام على - ميدان الاسماعيلية - مصر الجديدة
تليفون 24169600/1/2
ثانيا : المعهد البريطانى
ادخل على موقع المعهد البريطانى فى مصر وهذا هو الموقع الرسمى
الموقع الرسمى
معهد القوات المسلحه
دي كل تفاصيل معهد القوات المسلحة للغات
بخصوص كورس الانجليزي
في 3 أنواع
منهم نوعين زي بعض الاختلاف بينهم بس بيكون في مدة المستوى
النوع الاول
منهم الكورس العادي بيكون 12 مستوى
سعر الكتاب 20 جنيه
سعر السي دي 25 جنيه
مدة المستوى 10 أسابيع
بمعدل 4 ساعات اسبوعي
ا ممكن يكون الـ 4 ساعات دول على يومين كل يوم ساعتين
او في يوم واحد
النوع الثاني
الكورس المكثف بيكون 12 مستوى
سعر الكتاب 20 جنيه
سعر السي دي 25 جنيه
مدة المستوى 5 أسابيع
بمعدل 8 ساعات اسبوعيا
يعني حصتين في الاسبوع
مدة كل حصة 4 ساعات
اما النظام الثالث
اللي بيختلف شوية عنهم
بيختلف في الكتاب ومالوش سي دي
وبيختلف في الاسعار
هو نوع البلازما
ده الدراسة فيه بتكون عن طريف شاشة كبيرة بدل السبورة يعني
وده بيكون 8 مستويات
مدة كل مستوى 4 أسابيع
بمعدل 8 ساعات اسبوعي
ا كل اسبوع حصتين
مدة كل حصة 4 ساعات
وكتابه مختلف عن النوعين السابقين
وبيكون سعر الكتاب 40 جنيه
وسعر المستوى الواحد 320 جنيه
المعهد ليه 3 فروع
1- فرع كوبري القبة
2- فرع الدقي
في شارع نوال بالدقي الشارع اللي امام المركز الثقافي الروسي هو شارع
3- فرع شبرا الخيمة
بيتهيالي افضلهم المعهد البريطانى
بالتوفيقsaso
