بصي هو اكيد خير ان شاء الله عشان كل اللي يجيبه ربنا كويس.. بس انا بوظت الدنيا في الليسيننج..
أول حاجة بتبدأي بيها الليسيننج بتبقى محادثات وبتسمعي كل محادثة كاملة وبعدين يسألِك أسئلة ( الأسئلة مش مكتوبة في كراسة الأسئلة ) وبتختاري الاجابة الصح من الاختيارات اللي عندِك.. وبالنسبالي دة كان أصعب جزء في الامتحان
تاني حاجة بتبقى ريدينج.. بيبقى فيه قطع بتقريها وتجاوبي الاسئلة اللي عليها، وهي بتتدرج في الصعوبة بتبتدي سهلة أوي بعدين بتصعب بعد كدة
تالت حاجة الرايتينج.. وهو لحد دلوقتي نفس المواضيع لكل الناس، أول حاجة فيه بتوصفي صورة ادامِك.. بتبقى صورة عيد ميلاد جدة وحواليها أحفادها وعيلتها وأصحابها، ودي من 30- 50 كلمة..
تاني حاجة بيبقى فيه خطاب واحدة بتطلب ترقية من المديرة بتاعتها وانتِ بتردي عليها بخطاب من 100 - 150 كلمة..
تالت حاجة بيبقى مقال عن كاميرات الموبايل واضرارها وفوايدها وانتِ بتميلي لوجودها ولا لأ وليه ودة من 200 -250 كلمة..
ولو عايزة تسألي في أي حاجة تانية يا جميل قوليلي
ميرسى ياجميل على ردك
كنت عايزة اطمن منك على اللسبيكنج واللى بمتحنونا ايه ظروفها وبيسالوا اسئلة صعبة ولا ايه وبيركزوا على الاكسنت...وتانى حاجة اسئلة اللسننج بتقولى مش مكتوبة طب موجودة فين بتسال شفوى ولا ايه...وبالنسبة للخطاب هو الشخص بيطلب ترقية ولا صلاحيات زيادة تساعده فى شغله.
وميرسى جدااا ليكى
وربنا يوفقك