[بوعمار]

وعليكم السلام ورحمة الله وبركاته

الجميع في هذا المنتدى ما يقصر بالمعلومة اذا كانت عنده سواء انا او غيري

بالنسبة للمحرك مادام انك لعبت في الوزنية اول شي تسويه تقفل مسمار الوزنية للاخير وبعدين تفتحه دورة ونص او دورتين

تفتح الثروتل من الريموت الى اقصى حد بعدين تقفل باصبعك فتحة الهواء ( الكربريتر ) وتدور المروحة كم دورة الى ان تشوف النيترو مشى في الهوز وبدأ يدخل داخل المحرك وبعدها ترجل الثروتل الى اقل شي ممكن

الان تحط القنايتر ( سخان البوجي ) وتدور المروحة باستخدام عصا والافضل يكون معاك احد ماسك الطائرة

بعد ما تشتغل الطائرة تفصل القنايتر


اللي تقول عليه دريل يسمونه ( ستارتر ) وهو طبعا يريح الواحد كثير لان احيانا ما تشتغل الطائرة بشكل سريع

مع ملاحظة ما يلي

اخذ الحذر الشديد خصوصا انك ما عندك تجربة سابقة

حاول تكون مع احد يطير حتى يساعدك

محركات النايترو غالبا تحتاج الى وزن بين فترة واخرى بسبب تغير حرارة الهواء وتغير كثافته ،،،، ومعرفة اذا المحرك موزون او لا يتم عن طريق سماع صوت المحرك ومدى استجابته

انتبه للمروحة لانها خطرة جدا ولا تستهين بامور السلامة

واذا انت قريب مني انا في الخدمة ويسعدنا وجود هواة جدد