[PRINCESS OF FLYINGWAY]

the voice of right
اولا احب اشكرك علي نقلك تجربتك مع الانترفيو كاملة
بس عاوزة اوضح لك نقطة بسيطة ان كل مكان فيه الكويس وفيه الوحش
يعنى البنات اللي بالوقاحة اللي انتى حكيتى عنها وهى انها بتتباهى بكثرة الشباب اللي تعرفهم او المينى والميكرو اللي لابساهم زى ماقبلتيهم في انترفيو للضيافة معرضه برضه تقابليهم في اى انترفيو في اى مجال تانى
وصدقينى لو مشيتى بمبدء انك تبعدى عن اى شغل هتتعاملى فيه مع النوع ده من البنات يبقي مااعتقدش انك ممكن تتاقلمى في اى مكان
لكن بما انك بنت ملتزمة وبتصلي وبتراعى ربنا واهلك في كل تصرفاتك يبقي توكلى علي الله
واكيد ده هيكون اختبار من ربنا ليكى علشان تثبتى لنفسك انك جديرة بثقة اهلك اللي سمحوالك بالسفر والغربة
وصدقينى لو انتى من جواكى رافضة التعامل او التأقلم مع هذه العينة يبقي زى ماقالت الاخت فراولة
هتقدري تعيشي هناك وتحافظى علي نفسك وحجابك زى اختها وكتير من اصحابها
في النهاية الخيرة فيما اختاره الله وان شاء الله تتوفقى في الشئ اللي ترتاحى له