السلام عليكم ورحمة الله وبركاتة جميعا
زيارتي الى كلية قطر لعلوم الطيران بتاريخ اليوم الاثنين 5 july الساعه 7.30 الصباح
بصراحه الكلية ممتازة والجراوند سكول رائع.بس مشكلتها غالية جدا
مبنى الكليه جدا كبير حاولت اخذ صور لكن رفضوا ماادري ليش؟
فرحان قلت اسوي تقرير زي امير النهرين.لوول
طبعا الكليه معتمدة في الخطوط القطرية.
اول مادخلت الكلية سالت ارسلوني الى ادراة القبول التسجيل
واتكلمت مع المسؤول الاستاذ احمد النحاس كان رائع في الاستقبال واخذ معلومات والاسعار.
قلت ممكن اشوف الطائرات والمدربيين(قال بصراحه ممنوع)ماادري ليش ؟
بعدين قال حيخدمك روح مبنى الطيارين ممكن تحصل طالب برا المبنى تتكلم معاه
المهم دخلت مبنى الطيارين(حصلت مدرب امريكي عند الباب سلمت عليه)
طبعا المدربيين اتوقع كلهم امريكان:شفت صور عند المبنى اسمائهم
دخلت جوا وكله واحد يقولي ممكن اساعدك can help you
طبعا مبنى الطيارين عجبني في التنظيم ودخلت وشفت وحده هندية وسلت فين المسؤول
قالت مو موجود بعدين قلت تبغي شي.قلت ابغى معلومات اذا في طالب اتكلم معاه
قالت الطلاب كلهم في الفصول.ماتتقدر تتكلم معاهم.بعدين قلتها ابغى صور المبنى والفصول
قالت استنى انا فرحت لحين.لوووول
بعدين رحت كذا ممكتب ماادري تتكلم مع مين في الاخير قالت مستحيل تصور يعني ممنوع.
في النهاية رجعت لأحمد وقلته شكرا على استقبالك الحلو.وقال ان شاء الله نشوفك طالب عندنا.قلت اتمنى.لووول في قلبي قلت؟؟؟
هذا كانت رحلتي والأن مع الاسعار.كله واحد يشرب 10 كاسات مويا باردة.لووول
رسوم الدورات الدراسية بالدولار الامريكي
1-هندسة وصيانة الطائرات لمدة عامين ونصف:100.000دولار
2_طيار تجاري لمدة عامين:140.000دولار
3_مراقب جوي لمدة عام ونصف:40.000دولار
4-الأرصاد الجوية لمدة عامين ونصف:55.000دولار
5_خدمات المطار:لمدة عام:22.000دولار
6_ادراة عمليات المطار:44.000دولار
7_اللغه الانجليزية العامة:23.100 دولار
طبعا الاسعار بدون السكن والاكل
الاقامة+الوجبات=250 دولار وعليك بالحساب
..........................................
والله يااعضاء المنتدى الحلوين واحبكم في الله وحاولت قدر المستطاع اصور بالكاميرا
كلهم يقولوا ممنوع(ماادري الكاميرا تسبب مشكلة في سمعة الكلية)ممكن احد اشرح ليش ؟
سامحوني على التقرير المختصر وبصراحه الكلية ممتازة كحركة وعدد كبير من الطلاب وكلهم قطريين.
زي ماانتم شايفين الاسعار جدا غالية.يعني لااحد يفكر يدرس بالدول العربية الا اذا الحالة المادية اوك.
حسام billard