[nana_86]

هاى ياسمين
بصى يا ستى
انا قدمت من فتره طويله اوى تقريبا ست شهور وزياده
قدمت السى فى ومعاه صوره طبعا بالالوان
ثانيا صورة البطاقه وصورة الباسبور وصورة شهادة الثانويه العامه ونظرا انى لسه بدرس فى الجامعه قدمت كمان ورقة قيد استخرجتها من شئون الطلاب انى على قيد الكليه يعنى ليفكروا انى وقفت دراسه لحد الثانويه العامه
ورحت المطار القديم موش الجديد
وقدمت هناك
سألت السيكيورتى بره انا عاوزه اقدم للضيافه اقدم فين عرفونى مكان المكتب والى مسئول هناك عننا اسمه مستر حسام
وخد رقم موبايلى
وقالى كلمينى الاسبوع الجاى يوم الحد تقريبا حاجه كده يعنى
وفعلا كلمته
وقالى تعالى يوم كذا علشان فى تيست اينجلش
رحت فعلا وعملته
كان تست تحريرى وفيه جزء استماع وعرفت ان النجاح فيه من 40% فقط
فيه اسئله عن كل حاجه وبرجراف وقواعد وكل حاجه فعلا
وقالولى اتصلى الاسبوع الجاى لو نجحتى تيجى الاختبار الى بعده وهو الكشف الطبى
كلمتهم فى الميعاد
قالولى مبروك نجحتى بنسبة 80% وتعالى يوم كذا علشان الكاشف الطبى وهاتى معاكى 1000 جنيه
الالف جنيه دى دفعتها وممكن اتقبل وممكن لاء لو اتقبلت هيرجعلى منها بتاع 800 جنيه ولو اترفضت خلاص كل سنه وانتى طيبه بقى
وفعلا رحت عملته
عاوزه اقول كشفوا على كل حاجه نظر وسمع وانف واذن وقلب ودماغ وحتى الطب النفسى وتحليل دم وكل حاجه
ويومين ورحت بنفسى علشان اعرف النتيجه والحمد لله عديت
وقالولى فى انترفيو يوم التلات واحنا كنا يوم الخميس
الانتر فيو ده كان موافق يوم 31/5
وكان عندى امتحان
طلبت انى ااجله ووافقه عادى وقالولى اتصلى الاسبوع الجاى علشان تعرفى الميعاد
ومن حظى الوحش من وقتها وهما موقفين االنترفيوهات كلهااااااا
ولسه فاتحينها االسبوع الى فات اول انترفيوه كان يوم الخميس الى فات
وكلمتهم عاوزه اقولك انا طول الست شهور دول كل اسبوع اكلمهم ويقولولى احتمال الاسبوع الجاى وهكذا لغاية الاسبوع ده
وهعرف بكره الانتر فيو بتاعى هيبقى يوم الاربع ولا المخميس لكن الاكيد هو انه الاسبوع ده
ادعيلى لانى بجد مرعووووووووووووووبه
وربنا معاكى انتى كمان
انا حكيتلك كل حاجه بالتفصيل ولو عندك اى استفسار تانى ماتتردديش واسألى