مطار الكويت مافيه شي مصنف 4 نجوم من 5 والشي الثاني مالها علاقه ف القطريه ك مثال عنك تعتمد علي الترانزيت وتوها تفتح مطارها بعد 10 اسنين انتظار و المطار القديم لا حدث ولا حرج
تدري شنو مشكله بعض الكويتيين انه على كثر ما تعطيهم من خدمات و اقتصاد والخ شعب ما يشبع ولا يترس عينه شي
اول شي قلتوا ما يشرون طيارات ومادري شنو لما شرو ماعجبكم وقلتوا خساره نبي مطار ولما بيسوون مطار مو غريبه تبون جزيره صناعيه وفيها المطار و قطارات تحت البحر !!
أخوي محمد رد عليك بكل النقاط ماله داعي أزيد على كلامه بخصوص المطار الي عاحبك أنا كلامي واضح بخصوص الأسطول
أنا قلت أن شراء 20 طياره بمواصفات متقاربه خساره
لو يتم شراء نوع أصغر مثل B787 أو A330 أفضل لأن حجمها متوسط بين A320 و A350
ولو يتم ذلك مع إفتتاح المطار الجديد أفضل وأفضل
وثاني شي طيرانك المفضل ما يتقارن بالقطريه
أي نعم مطارهم القديم سيء لكن في المقابل الشركة أسطولها ضخم ومصنفه من أفضل 10 خطوط بالعالم وسمعتها طيبه
فشي يغطي على شي
الحكومه حالياً راح تعيد بناء الكويتيه من الصفر تقريباً
و راح تحتاج وقت طويل علشان تستعيد سمعتها القديمه وتصير جاذبه لركاب الترانزيت
بخصوص الاقتصاد
أي إقتصاد الي تتكلم عنه ؟
أسوء دول الخليج في الاقتصاد هي الكويت
إقتصاد الكويت مغلق وقوانينها تصعب الإستثمار
والشركات الأجنبيه تشوف الويل علشان تستثمر داخل الكويت
كل هذا بحجة تنفيع المستثمر الكويتي الي يقتصر على خمس عوايل معروفه
والدليل التضخم والارتفاع بأسعار السلع والموارد الغذائيه لعدم وجود منافس
ثاني شي أي نعم نبي جزيره صناعيه وقطارات تحت البحر ليش لا ..؟!
شنو ناقص الكويت ؟
أنا أعتقد أن الي ناقصها رجال غيورين ويشتغلون من قلبهم
وثاني شي القضاء على الملمعين والدجالين الي يعتقدون أن حب الوطن يستلزم أني أمدح كل شي فيه وهو من داخله مو مقتنع !!