[* FMC *]

و الله يا جماعة لما كنت صف سادس شاركت في مسابقة في الكومبيوتر و ربحت رحلة من دمشق لتونس ( رحلة كاملة إقامة و كل شي مو بس تذكرة ) و كان معنا مجموعة من الفايزين ( حوالي 15 شخص ) من كل سورية بعد ما أقلعت الطائرة راح المضيف أعجب فينا كتير و رايح قايلوا للكابتن بعد شوي إجا المضيف و قالنا الكابتن عازمكو على القمرة ( يا فرحتي لا عالبال و لا عالخاطر ) رحنا و فتنا لقمرة البوينج 200-727 و كان الكابتن حباب كتير و قعد يشرحلنا على أجهزة الملاحة و أجهزة الطائرة . قعدنا ربع ساعة و بعدين رجعنا للمقاعد و من وقتها وقعت في هوس الطيران ما أصدق أسمع صوت طيارة إلا أنط على الشباك ( أخاف شي مرة يفكروا الجيران أني جنيت ) المهم طولنا عليكم و بعد كم يوم إن شاء الله بحط صورة التقطتها للقمرة ( طبعاً فيها الكابتن و المساعد و المهندس ) .