[Lolwa79]

السلام عليكم ورحمة الله وبركاته
بحاول أرد عليكم بالمستطاع وأي حد بيشوف ردي وعنده تعديل يا ريت يتكرم ويعدل على ردي لإني من 4 سنوات استقلت، فا معلش سامحوني بأي غلط
اول شي بحب اوضح انه في شي اسمه لحظة block out وهي لحظة ازالة الكوابح من امام عجلات الطائرة وتعني بدء تحرك الطائرة وخلينا نعتبرها لحظة اغلاق باب الطائرة لسهولة الشرح
وشي ثاني اسمه block in وهي لحظة وضع الكوابح امام عجلات الطائرة وتعني توقف الطائرة توقف تام وكمان خلينا نعتبرها لحظة فتح باب الطائرة لسهولة الشرح

هل ساعات المبيت تكون موجوده في جميع الرحلات للمضيف ولا في رحلات قليله؟
على حسب جدول رحلاتك خلال الشهر بيكون عندك بعض الرحلات فيها مبيت وبعضها رايح جاي round trip

وكيف طريقة احتسابها هل هيا من اول ماتخرج من بيتك الين نهاية الرحله؟ولا الساعات دي واللي في الجو ماتنحسب وينحسبلك بس الساعات اللي تقضيها في المدينة الثانيه؟؟
طريقة احتساب ساعات المبيت طبعاً تحسب فقط على الرحلات الي فيها مبيت سواء داخل المملكة او خارجها من لحظة اغلاق باب الطائرة في مكان اقامتك (سواء جدة أو الرياض) إلى لحظة فتح باب الطائرة مرة اخرى في مكان اقامتك
لو كان بياتك خارج المملكة فا الساعة تحسب 14.5 ريال
ولو كان بياتك داخل المملكة فا الساعة تحسب 11.5 ريال

ياريت القى جواب بالتفصيل لأني ماني عارف كيف طريقتها وكم ممكن يكون اقل مبلغ تحصل عليه شهريا زياده على راتبك من ساعات المبيت؟؟وهل ممكن يمر عليك شهر مايكون فيه ساعات مبيت وينزلك راتب صافي بس؟؟؟
ممكن لو حظك مررررررررره سيء تكون رحلات المبيت في خطك قصيرة جداً فا ما تكون الزيادة على راتبك كتيرة، لكن عموماً انا اذكر انه اقل شي لازم يكون في الجدول رحتلين مبيت خارجي

ياريت اللي بيشرح بس يعطيني مثال على الشرح عشان توضح الفكره ليا
مثال : لو كانت رحلتك من جدة الى الهند وتبات في الهند 30 ساعة ثم تعود من الهند الى الرياض وتبات في الرياض 15 ساعة ثم تعود الى جدة، تحسب كالتالي:
من لحظة اغلاق الباب في جدة الى لحظة فتح باب الطائرة في الرياض تعتبر كلها ساعات بيات خارجي، يعني بتحسب مثلاُ 5 ساعات طيران من جدة الى الهند + 30 ساعة بيات في الهند + 4 ساعات طيران من الهند الى الرياض = 39 ساعة تحسب كأنها بيات خارجي
يعني 39 * 14.5 ريال = 565.5 ريال
ومن لحظة فتح باب الطائرة في الرياض الى لحظة فتح باب الطائرة في جدة تعتبر كلها ساعات بيات داخلي، يعني بتحسب 15 ساعة بيات في الرياض + 1.5 طيران من الرياض الى جدة = 16.5 ساعة تحسب بيات داخلي
يعني 16.5 * 11.5 ريال = 190 ريال تقريباً
يعني مجموع ما يدفع لك على الرحلة هو 755.5 ريال

<<<<<هدا كلو استفسار بسيييط حاانضرب شكلي
بالنسبة للضرب على الاستفسارات ما اذكر انها الخطوط اعطتنا تدريب عليها