[قمر الزمان]

اقتباس:     المشاركة الأصلية كتبت بواسطة egyptiano  

بسم الله الرحمن الرحيم السلام عليكم كل الناس المقدمين حابب اقول حاجه لعلها تفيد الناس
اولا لازم نفرق بين الرقم المسلسل و رقم الطلب
رقم الطلب هو: الرقم اللى خدتو يوم ما دفعت ال 20 جندى
رفم المسلسل ده الرقم اللى خدتو يوم ما نجحت فى الانجليش
عارف ان كتير عارف الحوار ده انا بقولو للميعرفش
هما بيتصلو بعشرين واحد فى المره ( من الرقم المسلسل ) مالهمش دعوه بقى رديت بقى او مردتش مالهمش فيه هما بيتصلو رديت كان بها مردتش يبقى بالسلامه يا قلبى المهم هتروووح متلمع ولابس اللى على الحبل زى ما هيقلولك ولازم تروح الساعه واحده زى ما بيقلولك برده هتروح زى الباشا وانت كلك امل ومتفائل واحلام الضيافه عماله تتنطط قدامك وانك خلاص اوعى وشك هتعدى ما علينا المهم هتدخل هيقلوك اتفضل على فينجر وان ده مكان الضيافه المهم انت هتروح وتسال هو الانترفيو فين لوسمحت ( بكل رقه) هتلاقى واحد بيقولك ( وهو قرفان متعرفش ليه ) اقعد فى الكافيتريا وهما هيندولك انت بقى هتخش وانت قلقان ومتوتر وفضل قاعد وقاعد لغايت الساعه 3 بتعمل ايه ولا حاجه المهم بعد اللطعه الجميله دى هيجى واحد اصلع هينادى على الناس ( بردو قرفان من نفسه كده ) عشان الوزن والطول هياخدو وزنك و طولك بميزان من ايام الخديوى سحلول ويقولك اتفضلو على الكافتريا تانى بعد نص ساعه هيجى تانى نفس الراجل القرفان وينادى 4 اشخاص هيدخلو الانترفيو هتلاقى بتاع سبع بنادمين قعدين منشكحين قدامك على ترابيزه طويله عريضه وفى اخر الترابيزه هتلاقى علاء عاشور قاعد بيتفرج المهم هيسالوك عن شوية معلومات عامه زى مين الوزراء بتوع البلد مين رئيس الدوله الفلانيه عواصم البلدان العمله وكده يعنى بس اهم حاجه بلاش فتى اوعى تعمل ابو العريف هيسالوك ليه عاوز تبقى مضيف وهيخليك تقرى بتاع كده بالانجليزى وشكرا سلام فى ناس مكنوش بيسالوهم حاجه اصلا لا دول مش واسطه دول كانو يبطلعوهم وزن ...تخرج بقى تسال الراجل القرفان هو النتيجه امتى هيقولك الاجابه الى هو حافظها مش فاهمها هما هيتصلو بيك !!
المهم هما بياخدو 20 واحد فى المره زى ما قلت الامتحان يوم الحد والاتنين بس هما لغايت يوم الاتنين اللى فات بتاريخ 5/7/2010 وصلوا لغايت الرقم المسلسل رقم 301 وهما 429 واحد نجحوا فى الانجليش يعنى باقى 128 واحد يعنى باقى لغايت ما يخلصو انترفيوهات حوالى 5 اسابيع وبعدين نشوف هيعملوا ايه وربنا يكرم بالفيه الخير صلوا استخاره وسيبوها على الله وفككوا من حوار دى ماشيه كوسه لو هى رزقك هتجيلك مهما كان خدلك حسنات بقى على الماشى سبحان الله وبحمده سبحان الله العظيم لا اله الا انت سبحانك انى كنت من الظالمين لا حول ولا قوة الا بالله العلى العظيم سلامو عليكم.....

ألف شكر ليك يا جميل ، أنت زي ما تكون نزلتلي نجدة من السما ، انا كنت مستني الحكاية دي بالتفصيل بفارغ الصبر ، بس بصراحة مفيش أحلى من كده ، و ختمت الرسالة بأحلى كلام ، ربنا يوفقك يا رب .