يرحم والديكم بلاش فلسفه,,,
المنتدى مليان ناس جالسه تفتي من عندها وهم ولا يدرون وين الله حاطهم!!
الي جالس يذم بالMD90 والي يسب الامبراير ...لا وحكموا حكم نهائي انها خرده رغم ان الخطوط تعتمد اعتماد شبه كلي بالرحلات الاقليميه وهي تؤدي عملها بشكل رائع جدا.
الامبراير طائره من اجود الطائرات الي تعمل الان ومن يقول غير هالكلام اما جاهل او جاحد والطائره هذي قبل تشتريها الخطوط السعوديه اشترتها قبلها شركات طيران بدول كبرى مثل كندا وامريكا وهي دول اكبر مساحه من السعوديه 10 مرات وطبعا سلامه الطيران عندهم فوق كل اعتبار لا وعدد السكان فيها يفوق السعوديه 20 مره!
انا ورب الكعبه ما اعرف احد بالخطوط السعوديه ولا ادافع عن احد هنا بس لاحظت اخيرا انه فيه تذمر "مصطنع" من بعض الطائرات مع العلم بانه بدون دليل
الامبراير تعمل في الخطوط الفرنسية:
وطيران اليونايتد الامريكية:
والخطوط الايطالية:
والخطوط الكندية:
وخطوط الفرجن بلو الاسترالية:
وخطوط اليو اس الامريكية:
والعديد والعديد من الشركات العربية والاسيوية والاوروبية ولكن ذكرت الي بالاعلى لانها امثله بدول كبرى ومتطوره ومتقدمه عنا بكثير
هل كل ذولا ماعندهم سالفه؟؟
ثانيا رجا عدم المقارنه بين السعوديه من جهة والبحرين والامارات وقطر وغيرها من جهة اخرى
لان السعوديه عندها سكان ومضطره تخدم المواطنين بمدن صغيره ومتباعده
لكن باقي دول الخليج شركاتها لها استراتيجيه مختلفه وهي انها تكون مركز ترانزيت دولي لربط اوروبا باستراليا وشرق اسيا...لذلك تكون جميع طائراتهم كبيره لنقل عدد ركاب كبير
لكن السعوديه تستخدم طائرات كبيره و طائرات صغيره للرحلات لبعض المدن الصغيره ولا تبي الخطوط السعوديه ترسل طائره B777 لنجران والا رفحاء؟؟ علشان 20 او 30 راكب؟؟
الخطوط السعوديه اضطرت تجيب الامبارير لان فيه محطات اصبحت الرحلات اليها بالMD90 خسرانه ولا يمتلي ولا نصف مقاعد الطائره فيها
لذلك الخطوط السعوديه مضطره تجيب طائره "نفاثه" وعدد الركاب فيها مايزيد عن 70 راكب
وهذا ماينطبق على الامبراير.
مع العلم انه في دول اوروبا وامريكا الشماليه المدن الصغيره فيها تخدم بطائرات مروحيه ولا احد اشتكى
تحياتي للجميع.