دى اول مشاركه ليا هنا فى المنتدى
وان شاء الله هقدم قريب وبجد الموضوع هايل
بس انا فى مشكلتين عندى ان وزنى اقل من اللى المفروض يكون مناسب لطولى فهل هتكون فيه مشكله ولا المشكله بس لما يكون الوزن زياده
وتانى مشكله بقى ان الانجلش بتاعى كويس وكل حاجه بس يعتبر نسيته شويه أعمل ايه علشان ميبقاش موقفى وحش بقى يوم الانترفيو حد يفيدنى بليز لان دى اول مره هكون بعمل انترفيو اصلا وبجد خايفه اوى اوى ومشكلتى كمان انى من النوع اللى بيتكسف شويه ياريت بقى البنات اللى قدمت قبل كده يقولولى اعمل ايه
وعندى استفسار كمان يوم امتحان الانجلش اروح بلبس عادى يعنى مهما ان كان كاجوال وكده ولا لازم بردو فورمال زى الانترفيو الاخيره
انا عارفه انى طولت كتير فى الكلام بس سورى بجد لان الموضوع قالقنى جدا
وميرسى ليكم مقدما للى هيرد عليا يعنى
مرحبا koky_m
حاولي تزيدي وزنك علشان يكون متناسق مع طولك
متخافيش ولا حاجة الانترفيو بكون عادي اهم حاجة انك معاكي الانجلش جيد
ممكن تعملي كتير حجات علشان ماتروح منك الانجلش ادخلي على مواقع في النت
حاولي تجمعي معلومات عن شركة
علشان لو سئلوك تعرفي ايه على مصر لطيران يكون عندك معلومات وافية ...
كوني واثقة من نفسك لانو خجل مش نافع في الانترفيو
كوني لبقة .. مظهرك حلو .. ميك اب عملي
توكلي على الله
ملابس زي ماقالت لك ياسمين
بالتوفيق ليكي