[لوك اهيد]

السلام عليكم ..

الجدول اليومي

تقوم 3:45 من بداية الاستجداد الى تقريبا الزيارة واحد يقول ( نوبة صحياااااان ) يمكن من هذي الكلمة تبي تفصل

تقوم عندك تقريبا ربع ساعة تلبس رياضة كل يوم في الاستجداد اول ما تقوم رياضة الزبده اول يوم بتهرولون حول

8 لفات ولين النهاية مابتسوون مثلها ( حماس اول يوم ) حصة الرياضة 45 دقيقة نصها هروله ونصها اطالات

بعدين تروحون السرب من بداية الاستجداد الى الزياؤة يعطونكم 10 دقايق تلبس فرهول ( بعدين اذا قلك بدل في 5

دقايق تعتبر نعمه واحمد ربك ) بعدين تروحون تفطرون ( بداية الاستجداد ماراح احد يغثكم بس شوفوا بعدين :( )

بعدين حصة مشاه بعدها من قبل الظهر محاظرات وتروحون القاعة فلسفه في فلسفه ( بس من بعد الزيارة تحلم تشم

ريحة السرب كلها طوابير اضافة وهروله ولطعه في الشمس وقلة حيا ) تصلون الظهر وبعدها غدا وبعدها يرجعونكم

السرب راحة يمكن ساعه ونص :) مرات يلطعونكم ( للحلاقه - او المغسله _ او مالهم نفس يدخلونكم السرب :) )

بعدها تصلي العصر وانت لابس الرياضه وهروله وراحة قبل المغرب تقريبا 20 دقيقة بعدها تصلون بالفرهول

بعدها عشاء بعد العشاء محاظره او داخلية او تروحون القاعة بعدين تصلون العشاء بعدين تروح تدعك ام السرب

وتنظفه بعدين نوووووم ...

ملاحظات : 1- تقدر تجيب اكثر من شنطة ..

2- البسطار ثم البسطار ثم البسطار ( رجلك ثم رجلك ثم رجلك ) نصيحة لاتجيب الا افضل نوع جمع العيدية انت وياه وروح اشتر لك واحد زي الناس .

3- لاتنسون الفلوس راح تلقون عصيرات وايس تي وتروبيكانا وسنكرزات وبطاطسات وكل شي لا تخافون ملحقين :) ...

4- من بعد الزيارة راح تشوفون معاملة ثانية ( وبعد الزيارة على طول : راح يودونكم الملاهي والالعاب مع الظباط راح يودونكم احلى رحلة في حياتكم :) هع .

5- خل محفظتك في جيبك 25 ساعة في اليوم جات سرقات وبلاوي انتبهوا لنفسكم .

6- جيب معقم ومطهر وفازلين للرجل ( الله يكرمكم ) .

7- من بعد الزيارة اوقات الفراغ تصير لطعات وقلة حيا .

ما ابغى منكم الا الدعاء وترى السالفه سهاله والله يوفق لكم .

مشعل ..