[محمدالحمد]

والله اللوم عليك يابو عبدالله

اغراض مثل ذي مخصصة لهالهواية لازم ترسلها بالارامكس او غيره من شركات التوصيل غير البريد السعودي

البريد السعودي لو ترسل ورقة فتحها مليون واحد قبل لاتجي ويشكون في اي شيء وقلييييل الي توصل اغراضهم

لكن انا دائما اطلب من ارامكس واخوياي الي معاي يطيرون يجيبون محركات كهربائية عالية وبنزين وطائرات وريموتات كلها عن طريق ارامكس ولا واحد حجز له اي غرض
ولعلمك اغراض ارامكس ماتنفتح ابدا يحطونها في الكرتون وشطرطون ياما توصل عندك صدقني لاتتعامل مع البريد السعودي ابداااااااا

بعض الاغراض اشتريها من برا عن طريق ارامكس توصل خلال 3 او 4 ايام من امريكا الى بيتي تشوف كيف

صح تدفع زيادة 50 ولا 100ريال بس ترتاح ياعم وريح عمرك

بالنسبة لخوفك من المسائلات الامنية ياعمي ذي اغراض بسيطة لاتخاف ابدااا
ماهي مخدرات ولا متفجرات لاسمح الله كلها كم بطارية ومحرك وسيرفوات

على قوله البرنس كبر الوسادة

موفق