بيض الله وجهك كابتن محمد..أبشرك اليوم كان أول طيران للطيارة اللي شريتها منك
و نصايحك لي كلها جابت نتايجها الله يجزاك خير و الطائرة ماشاء الله ثابتة في الجو و استجابتها للريموت سريعة و ممتازة...و صدقا ً انه كان احساس ممتع لدرجة كبيرة و خصوصا ً انها اول مرة لي أطير طيارة غير الهلي و كل شي أملكه من بعد توفيق الله سبحانه هو نصايحك و توجيهاتك يابو محسن و ماغيرها شي يشهد ربي..طبعا ً الطيران ما كان مثالي لكن أكثر من ممتاز بالنسبة للمرة الأولى..الهبوط أصعب مما توقعته و كان فيه شوية غشمنة و قلة خبرة و بصراحة أنا ما كنت متوقع أحسن من كده وحاط احتمال 99% اني رح اجيب العيد بالهبوط و أوصيك على سسنا ثانية لكن مجرد هبوط الطائرة سليمة أعتبره نجاح كبير و الفضل من بعد الله سبحانه لنصايحك و تعليماتك..كان ودي أصور هالتجربة لكن خوينا راعي الهيلا رايح في النوم لاني طيرتها بعد صلاة الفجر و الولد شكله ما صلى وش رايك ابلغ الهيئة عنه هههههه..أوعدك انشاءالله المحاولة الثانية رح اصورها خير شر و انزلها بالمنتدى..اكرر شكري لك على الطائرة الممتازة و على نصايحك و حرصك و أكيد مالنا غنى عنك و عن خبرتك و رح ابقى عل اتصال معك اخوي محمد لاني بحاجة لتوجيهاتك و نصايحك ..طيبك و نخوتك خلوني ما اتردد في الاتصال عليك و طلب مساعدتك وجزاك الله ألف خير أخوي البرنس
ما شاء لله تبارك الرحمن
هلابك والله يا دكتور صراحه شئ يفرح له القلب وتستاهل كل خير انا ماسويت شئ انت ما شاء الله عليك جاي شبه جاهز لتعليمات قاري ومطلع على الطائره و على معلومات الطيران بشكل خاص وان شاء الله نشوفك من المحترفين في الوطن العربي
يا ليت صورتنا لنا
بس ترانا في الانتظار وراعي الهيلا يبغى له كوي :iconloli: سلم عليه
وتراك انت وياه معطيني وعد و وعد الحر دين في انتظاركم وتنور الرياض بكم
والناس لنا والكل بالله
ابد رقم الجوال معك في اي وقت انا في الخدمه بما املك من معلومات وحاضرين
تحياتي لك