جانى على الخاص طلبات كتير عن طريقه الاستماع لموجات الطيران
في كذا طريقة لكدا بس انا اخترت ليكم اسهل طريقه وغير معقدة نهائي
الطريقة دي مضمونه 100% وتم تجربتها بنجاح
للاستماع لموجات الطيران لكل هواة الطيران
بس الاول لازم شراء راديو
من نوع
Kchibo
KK-9913
ممكن تلاقي منه لون فضي مش مشكله المهم الموديل
دي صورته
المكان : شارع الازهر - القاهرة
شارع الازهر ده في العتبه جنب شارع عبد العزيز بتاع الموبايلات
تمنه في حدود 50 جنيه
ممكن تلاقي راديوهات غيروا كل الراديوهات تنفع عليها التعديل المهم يكون
1- فيه شاشة تظهر التردد
2- ديجيتال من النوع الرخيص
3- ما يكونشي فيه مثبت تردد
التعديل
كلنا عارف انه موجات الطيران VHF بنظام اتساعى AM من 118-136 MHZ
استقبالها في الراديو هيكون عن طريق FM
يعنى الاف ام في الراديو بيكون لحد 108 احنا هنخليه لحد 140 او 150 مثلا
نيجي للتعديل على الراديو
فك الراديو بحرص وخلي بالك من الاسلاك ما تتقطعش منك
هتلاقي ملفين نحاسيين
ملف اسمو L1
وده هتلاقيه مكون من اربع الى خمس لفات نحاسية بقطر خمسة مللي متر
وملف التانى اسمو L2
وده هتلاقيه مكون من تلات او اربع لفات نحاسية بقطر خمسة مللي متر
انت هتوسع المسافه ما بين الملفات دي وما بين بعضها
يعنى هتلاقي الملفات النحاسيه L1 جنب بعضها
انت وسعها ما بين بعضها اعمل مسافه مبين كل لفه والتانيه
وبرضو نفس الحكايه على L2 وسعها بنفس المقدار اللي وسعت بيه في L1
وحاول وتوسعها على قد ما تقدر
اهم شيء التوسعه تكون بنفس المقدار بين كل لفه والتانيه على L1 وL2
ودي صور البورده من جوه اول ما تفك الراديو
خلف البورده هتلاقي الملفات
ودول اماكن الملفات L1 وL2
ركب الراديو من تانى وشغل وهات FM
وهات الموجات بعد 108 هتلاقيها زادت
انت اختار تردد برج المراقبه
اذا كان
دليفري كليرنس
جراوند
تاور
ابروتش
سنتر
كنترول
حسب المطار اللي انت قريب منه في حدود 50 كيلو منك
الاستقبال بيكون 10/10
بعد نجاح التجربه ياريت كل واحد يسمعني اول مقطع سجلته من البرج
وتحت امركم
الصور منقوله لانها موجوده في منتديات كتير للاسلكي مش منتدى معين
الطريقه من تجربتى الشخصيه ومش موجوده في اي مكان