السلام عليكم ورحمة الله وبركاته
اهلا مره اخرى
بعد دراسه بسيطه لل C اتوضح لي الامر انو ال c صراحه امر مهم لاختيار البطاريه المناسبه للمحرك << ولكن للمحركات القويه لابد انك تعمل حسابه ...
ال c يالحبيب هو مثل الــ لي تبع الماء , اذا كان الc عالي يعني اللي متين , والعكس صحيح .
مثال : نقول محرك يسحب 30 امبير..
وعندك بطاريات متنوعه محتار تختار ايت الانسب كمثال الاتي:
lipo 1500mAh 15c
lipo 1500mAh 20c
lipo 1500mAh 30c
الان ايش الافضل لك ؟ هنا راح يجي اهمية ال C ...
الامر باستخدام معادله اموره صغنونه :
Battery Ah * C = Ampere
- Battery Ah هي بمعنى الامبير تبع البطاريه بوحدة الامبير في الساعه, بما انها الوحده الرئيسيه :) وليس ملي امبير في الساعه.
- Ampere وهي الامبير الي المحرك المفروض اشفط منه ولابد يكون اكبر من المطلوب من المحرك عشان لا زي ما يقولون اشفط البطاريه...
نسوي امثلتنا الان:
في بدية الامر الكل يعرف ان الالف هي 3 اصفار :). وايضا الـ 1000 ملي امبير يساوي 1 امبير ,,,
البطاريه الاولى 1.5*15=22.5A
البطاريه الثانيه 1.5*20=30A
البطاريه الثالثه 1.5*30=45A
مثل ما هو واضح الان , البطاريه الاولى راح تعطي 22.5 امبير , الثانيه 30 امبير والثالثه 45 امبير.
ومحركنا يحتاج 30 امبير , فبكذا البطاريه الاولى راح تخرب بسرعه اذا انك تطير بالطياره على فل ثروتل ... والثانيه برضو على الحد .. اما الثالثه هي الافضل , ولو تاخذ مثلا c اكبر مثل 45C فراح تكون افضل وافضل ...
هذا هو ال C rating باختصار ..
اتمنى يكون الشرح واضح ... << خبروني اي سؤال فيه وانا حاضر بالي اعرفه باذن الله تعالى.
بالتوفيق