كلام جميل سوسو الكلام مش مريح اقصد بتاع البريطانى طيب اية رايكم نتوكل على اللة ونتصل بمكتب الخطوط اللى فى مصر ونشوف هيقولولنا اية بالضبط بدل الحيرة دى وكل شوية فى كلام وبعدين انا مستغربة مالنا احنا ومال البزنيس لو انجليزى عادى احنا معاهم من الالف الى الياء انا مش عارفة السعودية العريقة تعمل كدة لية وبعدين لية الكلفة وهيدفعوا للشركة على اية ان شاء اللة على حق الدوخة اللى احنا فيها راى يوفروا الفلوس ويختارونا من الالف الى الياء ان شاء اللة مشروع الشركة دى هيفشل وبكرة افكاركم وبعدين فوضنا امرنا الى اللة ومحدش يشيل هم ونصيحة انا شخصيا هعمل بها بتكلم عن نفسى بلاش ندخل فى موضوع خسران انا اعبر عن راى الشخصى مع احترامى لجميع الافراد
أنا متفقة معاكي في الكلام ده جدا جدا جدا جدا أنا من أول مالإعلان نزل قلت لنفسي إن الموضوع خسران 100% ومغامرة مش مضمونة وحاجة غريبة وأول مرة تحصل وكل واحد برأي وطلب مختلف شركة سكاي واي بتقول كلام شكل والمعهد البريطاني بيقول كلام تاني خالص والخطوط بيتقول كلام تالت وإحنا تايهين في النص وفعلا موضوع الشركة ده هايخسر مليون في الميه ولو كان كويس كانت الخطوط الكبيرة زي القطرية والإماراتية كانوا عملوه وأنا لما قولت الكلام ده قبل كده ناس كتير هنا هاجت عليا وقالو عيب نتكلم كده وإن هما بيطوروا من نفسهم ومن طريقة شغلهم ومن أسطولهم وبيختاروا الموظفين والمضيفات اللي مستواهم عالي من حيث المظهر واللغة والثقافة , أنا مابعيبش في الخطوط السعودية بالعكس أنا زيي زي كل البنات هنا حلم حياتي هيا الخطوط السعودية أنا كل إنتقادي لموضوع شركة التوظيف الجديدة دي والطلبات الغريبة بتاعت البريتش كونسل ماهو الواحد بصراحة لو ضامن إنه هايدفع الفلوس بفايدة كان دفع , الموضوع مش موضع فلوس بس الموضوع إن الواحد مش ضامن إن بعد كل الدوخة دي ممكن مايعديش في الإمتحان الغريب اللي هما طالبينه واللي مالوش علاقة أصلا بمجال الطيران ثانيا حتى لو عديت في إمتحان البولاتس ده برده مش ضامنه إني أعدي من الإنترفيو , ده غير تعب ومجهود السفر بالنسبة للبنات اللي مش من القاهرة وأنا واحدة منهم , والكلام ده مش ضعف إراده مني أو إني إستسلمت ويأست بسرعة بالعكس أنا كل الحكاية إن الموضوع في رأيي الشخصي ملامحه مش واضحة لحد دلوقتي وأنا مش بقول الكلام ده علشان إني اقلل من عزيمة حد أو أخليه ييأس بالعكس كل واحدة تحاول على قد ماتقدر إنها توصل للي هيا عايزاه دي قدرات ممكن أنا أكون جبت آخري بدري بس ممكن واحدة تانية يكون نفسها طويل إسعوا كلكم وربنا يوفقنا جميعا يا رب .
متهيألي ان كل الفكرة انهم بيجيبوا من الاخر
بمعني
هنعمل الاختبار اللي هيعدي هقابلوه مش هيعدي يروح لحال سبيله
بس يبقي مجهودي وسفري وكل تحضيراتي راحت علي الفاضي!!!!!!!!!!!
انا نفسي زيكم مستغربه جدا
ولما دخلوا في جدل بخصوص حوار الامتحان ده جزء واحد ولا التلات اجزاء
اتضايقت جدا وحسيت انهم بيعملوا تعجيز رهيــــــــــب للمتقدمات
بمعني ان ممكن يكون حد قوي جدا في الانجليزي وعنده كل المؤهلات التانيه اللي تخليه يصلح للوظيفه والموضوع يقف علي فلوس الامتحان
بس لما وضحت الرؤيه خلصت القصه اللي رغبه يقدم يقدم اللي ملوش خلاص
وفعلا في عدم وضوح في حاجات كتير
وحاسه ان الموضوع تقيل علي قلبي وانا بتحرك في اجراءاته
جايز عشان اول مره يسلكوا الاتجاه ده
الله أعـــــــلــــــــــــم
عامه ربنا يوفق الجميع
ونصيحه من اخت ليكم
لو مستنيين الفرصه دي بقالكم مده متترددوش عشان لو لا قدر الله واحده فيكم معدتش في الامتحان ولا معدتش في المقابله تبقي واثقه ومتأكده انها عملت اللي عليها وتشتغل علي نقط الضعف اللي عندها اللي مخلتهاش تقبل
ويمكن ربنا يكرمها بفرصه عمل افضل
:ANSmile15: