والله ياخي العسكرية حلوة بس تعب وقرف طول عمرك تصير مقيد وش فايدة تكون طيار من غير ما تروح وتجي وتسافر وتشوف الدنيا
يعني بختصار الطيار المدني أحلى والطيارين المبتعثين من الخطوط السعودية ياحظهم سفر ودلع ولا تجي رواتبهم ما بين 25 الف اقل شيء لـ 30 الف ما اعرف كم بزبط بس ما تخرج عن هذا النطاق أول كنت بموت على العسكرية الحين لا والله كمستقبل وظيفي في افضل واروع
بس شسمه نسيت اقولكم كم رواتبكم تقريبا اول ما تتخرجون وايش مميزاتكم عن القطاعات الاخرى بنسبة للعسكر و الله يوفقكم بس هذا اللي عندي وبنسبة للي يقول انه يبي يقدم السنه الجايه لانه ما انقبل شوف حبيبي لو عندك واسطه تدخل حتى لو انك احول هههههههه
بس ترااااااا حط في بالك لو تجيب واسطه مدري من وين لو من أوباما نفسه وربي مو كاتب لك تدخـل اعرف ان هذا خير لك وان مارح يصير غير اللي ربي بيكتبه لك ولا تفكر كثير وتشعتر نفسك كثير حط في بالك عدت خيارات نقص من وزنك وقدم في بعثات الخطوط وطور من لغتك الانقليزية عشان تتوفق بأذن الله سواء في الطيران او غير الطيران
تعب وقرف بس ان شاء الله ترجع لك بالفايدة ويكون جسمك نشيط ولا يكون فيك كسل .
اممم في اجازة سنوية تقدر تستمع فيها وين ما تبي .. بعدين طيار العسكري بالتقيد اريح من الطيار المدني .. المدني لا راح طار .. ياخذ 7 ساعات مثلاً للرحلة + راحة بالمكان اللي راح له ..+ 12 ساعات + رجوع للبلده بعد الراحه 7 ساعات وهكذا .. يعني يرجع لبلدة بالاسبوع مرتين او مره ..
العسكري .. يروح يطير ابو كم ساعه بعدها يرجع للبيت ويسوي اللي يبي !
من ناحية التقييد الطيار المدني مقيييد جداً بنسبة للطيار العسكري ..
ومن ناحية الراتب طبعاً المدني ثلاث اضعاف العسكري
بعدين هنا نتوظف عشان نعيش انفسنا ونعبد ربنا ونعيش اهلنا .. اذا انت عندك عائلة وتجيها بالاسبوع مره .. وش الفايدة ؟
امم الراتب مع البدلات تقريباً 10 ونص او 11 بداية التخرج .. بعدها ع حسب الدورات يزداد .. ويختلف الراتب لكل تخصص بالكلية .. بس الراتب ذا للطيار .
والتخرج بعد ثلاث سنين من الكلية .
وغير كذا بالعقل عمرك 21 وراتبك 11 .. صدقني حلم لآكثر من 90% من الشباب .
أتمنى اكون افدتك يالغآلي .