[Melwezza]

السلام عليكم ورحمة الله وبركاته
Iam back ya shabab
الحمد لله انا رحت المقابلة واليكم بالتفاصيل:
الميعاد كان الساعة 1 انا وصلت 12 ومرضيوش يدخلونا الا واحد الا عشرة
نزلنا قعدنا فى الكافيتيريا لغايه الساعة تلاته وبعد كده دخلنا واحد واحد للمقابله
المجموعة بتاعتنا كانت 20 واحد وهما بمتحنوا فى الاسبوع مجموعتين .... يعنى بمتحنوا فى الاسبوع 40 واحد من جملة 438 واحد نجح فى الانجليزى .... احنا كنا مجموعة رقم 6
النتيجة ان شاء الله بعد ما يخلصوا كل المجموعات .... بتظهر النتيجه النهائية بالنجاح ان شاء الله وبتتعين بشرط اجتياز الاختبار الطبى..... يعنى كل اللى هينجحوا فى المقابله يعتبروا خلاص اتعينوا بس لو اجتازوا الكشف الطبى ان شاء الله.....
المقابله ياجماعة كانت مفاجأه بصراحة
الناس محترمين فوق العادة والمقابله مكنتش رسمية ابدا ... جو عائلى ودعابة لطيفه من المتحنين ...
فيه سؤال تقريبا اتسأل لكل الناس وهوه انت خريج مدرسة ثانوى ايه؟ يعنى حكومة ولا لغات ؟ انا طبعا من الكادحين خريجى التعليم المجانى :-)))) عشان كده اعطانى ورقة انجليزى اقراها...
بعد كده كانت دردشة فى الشغل بتاعى وان كنت سافرت بره ولا لأ.... فيه واحد صاحبى قالهم انه سافر قبل كده فقالوله عن رأيه فى الطيارة وايه اللى حبه وايه اللى ضايقه.....
عموما معاملة الناس الممتحنين للجميع تحسسك انك خلاص نجحت وهتتعين الصبح.... بس الله اعلم ... خصوصا بموضوع الوزن ده.....
دى كانت كل التفاصيل.... اتمنوا اكون ضفت لمعلوماتكم واسشألكم الدعاء...
وبالتوفيق للجميع ان شاء الله