[salahjuma]

أخواني الكباتن ولا يهمكم اي سؤال او استفسار بالخدمة.

بالنسبة للشاشات مكانها تقديري وحسب كل كبينة في ناس ماتحب تشوف الخط اللي بالنص فتحط اما شاشة كبيرة واللا بروجيكتر. انا فضلت يكون عندي 4 شاشات بنفس الحجم مع وجود الخط اللي بالنص.
وبالنسبة للأفضل، حسب الاذواق، البروجيكتر مع نوعية جيدة يكون مكلف بالسعر لانك راح تحتاج 3 بروجكترات وتحتاج يكون عندك لوحة عرض البيضة على شكل بنوراما عشان تركب مناضر البروجكتر عليها وتعطيك جميع الجهات. وطبعا في شغلة لانغفل عنها وهي الاحساس بالحركة، مثلا لو الكبينة عندك ثابتة ماراح تفرق ولكن لو متحركة يجب تركيب البروجكترات على جسم الكبينة عشان يتحرك بنفس الاتجاه مع الكبينة أو يعلق بسقف الغرفة ويتم تركيب عليه سيرفوات عشان يحركون البروجكترات. طبعا العمر الافتراضي للمبة البروجكتر اقل من لو كان مركب شاشة كاملة.
مرة ثانية بخصوص الشاشات الهدف من تركيبي 4 شاشات كبيرة اني اقدر احط فاصل عمودي بنصف الشاشة فيكون كان عندي شاشتين وكل منظر مختلف ويكون الحاصل بالنهاية 4 شاشات ممكن تصير 8 شاشات عرض مختلفة. بالنسبة لعرض المناظر الخارجية ممكن نعمل اندكت يعني نقص المنظر الخارجي ونحطه حسب حجم الشاشة او نصف الشاشة في حالة قسمنا كل شاشة الى شاشتين بوضع ورقة او فاصل اسود بالنص.
الاختيارات كثيرة.

وبالنسبة للتصاميم المختلفة عندك اختيار انك ما تفصل واجهة الكوكبت على حجم الشاشة ولكن تصف الشاشات كانك صافها على طاولة مكتب وبعدين تحط عليها تلبيسة تفصلك نوعية الداش مال كوكبت الطيارة المطلوبة ولو مليت منها وحبيت تطير مثلا سسنا تشيل واجهة البوينج وتركب واجهة السسنا مكانها فتظهرلك عدادات السسنا والباقي مخفي، ولو حبيت مثلا تخلي السسنا فيها جي بي اس تفتح فتحة حسب حجم شاشت الجي بي اس بالواجهة وتستخدمها لعرض الجيبي اس.
طبعا للاحساس الاكثر واقعية بالامكان تركيب ازرار فعلية خاصة بكل طائرة على الواجها من خلال استخدام كرت اليو بي اس المذكور في هذا الموضوع بالصفحة الاولى وماعليك اللا تركيب الواجهة وتوصيل واير اليوبي اس وكل ازرارك تشتغل كانك مركب كبينة جديدة

انشاء الله اكون وفقت بالشرح وسامحونا على القصور والحمد الله على نعمة العقل والله يوفقنا جميعا.

واي سؤال اخر انا بالخدمة

أخوكم بو أحمد
KAC180