[سيسس]

شكرا كتيرلكعاشق الماجيكو على الاستضافة ويارب أكون ضيف خفيف عليكم

ايه لونك المفضل؟
عموما بحب ألبس كل الألوان لكن الأسود طبعا ملك الألوان بالنسبة لي

اكلتك المفضلة ؟
مكرونة بالباشميل ، المأكولات البحرية بأنواعها

ايه نوع خط الجوال
فودافون

ايه رأيك فى الحب _ الصداقة ؟
الحب أجمل إحساس خلق في الوجود
إحساس سامي يترفع عن الوصف، لكن للأسف أسيء كثيرا في هذا الزمن
أما الصداقة هي أجمل علاقة اجتماعية في دنيا البشر
وفي المقارنة بين الحب والصداقة : مستحيل نعيش بدون أصدقاء لكن عادي لو نعيش بدون حب



بتحب دلوقتى ؟
بحب أصدقائي أكتر شي في الدنيا

ايه رأيك فى الصداقة بينولد وبنت ؟
غير مضمونة العواقب

ايه رأيك فى صداقة النت او حب النت؟
الصداقة على النت مش سيئة للغاية لكن بحذر ،أما كونها توصل للحب أعتقد صعب لأنو بيبقا في كتير تسلية وخداع بين الطرفين ، كمان جدا تكون مش دي الشخصية الحقيقية لأي واحد من الطرفين


امتى بتفرح من قلبك ؟

لما بحس إني عملت إنجاز أسعد غيري ، أو لما بساعد حد هوا فعلا كان محتاجني


امتى بتحزن من قلبك؟
لما أحس إني مظلومة


امتى بتضحك ضحكة صافية ؟
لما اكون مبسوطة


امتى بتكدب؟
لما أحاول أصلح بين طرفين

بتكره شخص معين فى حياتك ؟
مش لدرجة الكره القوي لكن حسبي الله ونعم الوكيل

مين اكتر شخص بتحبه غيرباباك ومامتك ؟
أختي حبيبتي الأصغر مني

احكيلنا موقف أثر فيك ؟ موقف طريف متقدرش تنساه؟
أكتر موقف أثر فيا كان مؤلم لأبعد الحدود
أما المواقف الطريفة ... كتييييييييييير مش فاكرة حاجة معينة للأسف

مين العضو اللى نفسك تعرفه عن قريب؟
أعضاء كتير في المنتدىشخصياتهم حلوة وأخلاقهم عالية وياريت لو نعرفهم كلهم

كام مرة جرحت شخص عزيز عليك؟
أكيد حصل أكتر من مرة

كام مرة اتجرحت من شخص عزيز عليك؟
كتيييييييييير الله يعين


ايه رأيك فى الغيرة والشك وايه الفرق بينهم؟
الغيرة شبه التوابل في الأكل القليل منها مطلوب لكن لما تزيد بتنقلب للضد علطول ال هوا الشك طبعا دا بتستحيل معه الحياة بين الطرفين أيا كانوا أزواج ،أصدقاء ، أحباب


عمرك حسيت انك انانى ؟
بحس إني أنانية ومقصرة كتير في حق نفسي

امتى بتحس بالندم؟
الحمد لله مش بندم أبدا لأني ببقا مقتنعة تماما بالفكرة قبل تنفيذها

كلمة تحب تسمعها كل يوم ؟
أي كلمة حلوة


بتقول لمين سامحنى _ بحبك _ وحشتنى _ مقدرش انساك ؟
سامحنى يارب
بحبك أصدقائي
وحشتنى أصدقائي


حكمة تؤمن بيها؟
خير مانعقاب به من لم يتق الله فينا أن نتقي ننحن الله فيه

اغنيتك المفضلة اللى تحس انها بتعبر عنك؟
خايف ... محمد منير

امتى اخر مرة بكيت من قلبك؟
يوم السبت اللي فات


اخر مرة ضحكت من قلبك ؟

النهارده العصر والمغرب


ايه المكان اللى بتحبتروحه وانت متضايق او فرحان ؟
لو متضايقة بحب أدخل الأوضة تبعي وأبقا لوحدي
لو فرحانة علطول أطلع برا البيت

مين اول شخص تفكر تكلموانت متضايق او فرحان ؟

أصدقائي

بتعمل ايه لو انت متضايق؟
بحب أكون لوحدي وأحيانا أبكي

ايه اللى بيعصبك اوى ؟
الصوت العالي والظلم والغش وحاجات كتير


ايه رأيك فى الزواج المبكر ؟ زواج الصالونات؟
الزواج المبكر خطأ مليون في المية لأنو الزواج مسؤولية ومش أي حد يقدر يتحملها والسن شرط أساسي في كدا لأنو كل مابيتقدم السن الشخص بيستفيد خبرات من الحياة بتساعده في تحمل مسؤوليات الزواج.
أما زواج الصالونات مش بالسوء اللي دايما بنتخيله وبنشوف كتير زواجات بالطريقة دي وناجحة جدا

اختار 10 اعضاء ووجه ليهم كلمة؟

كلمة واحدة لكل الأعضاء
ربنا معاكم ويوفقكم جميعا ويسعدكم ويسعد أيامكم علطول


بتخاف من ايه فى حياتك ؟
المستقبل ، ألمجهول ، الفشل ، الظلام

ايه اخر هدية جبتها؟
تابلوه لصديقتي

ايه الهدية اللى نفسك تجيلك؟

أي هدية تحمل الصدق في معناها مهما كانت صغيرة

ايه اكتر حاجة تحبها فى الهدايا؟
إحساسها الصادق لأنو للأسف معظم الهدايا بتكون مصالح

شخص كلمك ومكنتش متوقع انه يكلمك؟
شخص كان عزيز عندي

ايه هو احلى يوم فى حياتك؟
أيام كتيرة كانت حلوة
أفتكر منها أول يوم في رحلةالأقصر وأسوان 14/3/2006

اصعب يوم فى حياتك ؟
12/6/2007

عمرك تمنيت الموت؟
كتييييييييييييييير

حلم بتحلمه وانت عارف انه مستحيل؟
رحلة حول العالم ، أو في أعماق المحيط

حلم اتمنيته واتحقق فعلا ؟
شغلي في مجال الآثار

حلم تتمنى يتحقق؟
المضيفة الجوية

ايه اكتر عيب فيشخصيتك نفسك تتخلص منه ؟
العنادوالتضحية

ايه احلى ميزة بتحبها فى نفسك؟
صناعة القرار والموازنة في التفكير

ايه نوع دراستك وحاسس انك استفدت منها ولا لا؟
أنا دراستي آثار مصرية فرعونية
وجه الافادة منها على المستوى الثقافي والعملي في مجالها فقط

ايه المكان اللى نفسك تزوره او تعيش فيه؟
نفسي أزور اسبانيا ، ونفسي أعيش في اسكندرية

لو انت فى غابة وفيها نهر لازم تعديه عشان توصل بيتك تختار انك تسبح ولا تستنى حد ينقذك ؟
هسبح علطول لأني متعودتش أحمل همومي لأي حد

لو جاتلك فرصة سفرلامريكا وفيها مرتب كبير بشرط الاستقرار هناك هتوافق؟
أكيد لأ طبعا

ايه رأيك فى حال الدول العربية الان؟
حال يدمي له القلب ويندي له الجبين
نسأل الله الصلاح


ايه هيكون موقفك لوبلدك احتلت وحصلها زى فلسطين والعراق؟
أكيد هنضال وأجاهد بكل ما أوتيت من قوة
بس ربنا يحفظ مصر من كل شر

ايه اصعب سؤال اتسألته؟
هوا السؤال دا

شكرا ليك مرة تانية على الاستضافة