كابتن أيمن - فينك يا راجل - بجد سعيد جداً اني لحقتك في موضوع ..
كلامك سليم 100 % يا كابتن أيمن - فيه فرق كبير بين تشغيل طائرة في الواقع و تشغيلها علي السيميوليتور .. حتي مع البدء من وضع Cold and Dark ..لقيت فيه أنظمة كتير مفقودة و ثغرات جامدة اوي في الطائرة 747 PMDG - مع انها من أكثر الطائرات البروفيشنال واقعية ..
وطبعاً شركة PMDG شركة معروفة و مشهود ليها من زماااان - بس يمكن اللي برمجوها الطيارين اللي قعدوا معاهم قالولهم ان الأنظمة المفقودة دي و الثغرات الكتير اللي أكتشفتها انا و غيري لو حطتها الشركة في الطيارة .. ف مبيعات الشركة هتقل بسبب صعوبة الطيارة ...
السهل ف الطيارة دي واللي بيحببني فيها انها غير معقدة - ويكفي بس الـ Operation Manuals لأتقانها - سيبك من دروس العبد لله .. لأني جايبها كلها بعد دراسة هذه الـ manuals ...
دا كمان فيه حاجة .. الراحة النفسية بتلعب دور كبير في مهاراتك و أتقانك لطيارة بعينها ..
يمكن انا كل رحلاتي بعملها بالـ 747 و الـ 777 ... نادراً ما بطلع بـ A-320 او A-340 .. او الماددوج و غيرها ..
لأني مستريح نفسياً للأتنين دول .. فيه ناس بتعشق الأيرباص و تكره حاجة اسمها بوينج .. انا مثلاً مش بحب الـ 737 NG .. مع انها بوينج ..
النقاش ممتع بجد و كويس اننا بدأنا ننقد الطائرات و نتناقش فيها ...
و الامتع هو اني لحقتك يا كابتن أيمن في الموضوع
كابتن محمدد باشا انا الاسعد والله لوجود ومشاركتك معايا فى الموضوع...
والحقيقة ان كلامك فعلا صحيح وانك على دراية ممتازة بانظمة الطائرة الحقيقية والتشبيهية...
الطائرات البروفيشنال تحاكي انظمة الطائرة ولكن لاتحاكي تشغيل الانظمة او ترتيب تشغيلها...
انا ايضا تقريبا لم اطر بالايرباص الوليكو من قبل كل رحلاتي على 777 و 737 - ياريتك كنت بتحبها - و747 . وفعلا جميع هذه الطائرات بها صغرات اينعم هذه الصغرات ليست كثيرة ولكنها معقدة ولا تناسب محاكي الطييران الذى هو فى الاول وفى الاخر للترفيه...
والنقاش مفتوح لكل الاعضاء عشان يقول رائيه فى الطائرات البروفيشنال ....
الف شكر ليك يامحمد وعساك طيب...
تحياتي للجميع,,,,