السلام عليكم ورحمة الله وبركاته
عزيزي كابتن First Officer
المدرسة من اقوى مدارس امريكا .. وعندنا شباب ماشاء الله من السعودية كتير راحو ودرسو فيها .. والان هم كباتنة في الخطوط السعودية .. واقلك كباتنة مو مساعدين لسع .. من ضمنهم العضو ابو زياد .. ماشاء الله كابتن على الــ md90
بصراحة يا كابتن الشباب السعودي اغلبه هجر دراسة الطيران في امريكا بسبب التعقيدات حول الفيزا .. وكثرت المدارس الي ماهي كويسة .. وغلا الاسعار سوان الدراسة او المعيشة في امريكا .. ولا تنسى الايجارات في فلوريدا جدا عالية وكذلك المعيشة .. التوجه للشباب زيما انته شايف على الفلبين وكندا وقلة كمان الي بيروحو كندا .. الاغلب بيروح الفلبين .. لانه كمان لا تنسى انه السعودية خلاص صار عندها رخصة .. مو زي اول ما تقبل الا الــ faa الان يا غالي جيب اي رخصة وتعال سوي المعادلة وربي يوفقك ..
لا ابتعد عن موضوع الاكادمية .. ترى الاكادمية جدا قوية .. وهيا اقوى اكادمية في امريكا بعد الفلايت سفتي الي كانت الخطوط تبعث طلابها اليها .. الان معاد في ابتعاث
اكادمية كبيرة ومشهورة بغض النظر عن الاعداد الي فيها .. لاني انا بكلمك على اكادمية اكيد تخاف على سمعتها وصورتها بين مدارس امريكا ..
قبل فترة تزيد عن الــ 4 اشهر .. راسلهم ولد اخويا على اساس النظام السعودي .. وراسلهم على 270 ساعة مو على 320 ساعة .. فكان السعر عالي جدا 71 الف دولار .. مدري ممكن اتغيرت الاسعار مع الازمة المالية او انا مخطئ .. لاني شفت رد من احد الاخوان يقول السعر اقل من كده .. اعتقد في الـ 50 كان السعر الي ذكره احد الاخوان .. انا اقلك راسلهم .. وحط نص الرسالة هنا .. راسلهم على النظام السعودي .. واطلب منهم كامل اسعار الطيران مع الوقود كم راح يطلع عليك الكورس السعودي .. المعيشة في فلوريدا غالية يا كابتن ... وخد الاخبار طاازجة ابن اختي قبل 6 ايام عاد من امريكا من فلوريدا بالتحديد من تامبا .. ويقول المعيشة غالية .. على كل لا تنسى اجرائات الفيزا المعقدة بعضا ما .. ولا تنسى الفحص الطبي .. واحب اضيف لك معلومة حول الــ tsa انه في مدارس تقولك تعال وسوي عندنا .. لكن انا اقولك ( رأي شخصي ) انك اعمله هنا في السعودية احسن .. لانه واحد من الشباب راح وعمله في امريكا استغرق منه 3 اسابيع .. 3 اسابيع راحت كده من غير دراسة .. عطلوه .. لا تنسى انه معيشة الــ 3 اسابيع في السعودية مو مثل معيشة الــ 3 اسابيع في فلوريدا .
على كل حال .. كابتن الله يوفقك ويكتبلك الطيب ان شاء الله ... راسل المدرسة مثل ما قلتلك على انهم يعطوك اسعار ساعات طيران النظام السعودي شاملة الوقود وخبرنا ايش يصير معاك ..
واشكر كابتن god,s lion على جهوده في القسم وفي المنتدى وخارج المنتدى .. اسأل الله العلي القدير ان يوفقه ويحقق احلامه .. آمين
تسلم على المعلومات القيمة ,,, وابشر حراسلهم واقولك ايش صار معاي أول بأول
ومرة ثانية شكراً ,,, يعطيك العافية.