اهلا بيكى حبيبتى
اولا بشكرك كتير على نقلك الصورة كاملة بالشكل ده
بس هقولك حاجة ..
مش معنى ان المتقدمات بالشكل ده يبقى العيب بالشركة
لأ خالص
زى متقدم الاخوة ووضحو ان الشركة بتعمل اعلان ومش عارفين المتقدمات هيبقو شكلهم ايه مقدما
واى انترفيو لاى شركة فى الدنيا سواء فى سعودية او غيرها مش بيخلى من البنات اللى بالشكل ده
عشان كدا سمعة المضيفات مش كويسة من اللى بيشوفوه
بس اكيد فى بنات كويسين ومحترمين وملتزمين .. بس للاسف السيئة بتعم
الخطوط اللى بتقبل المحجبات اللى ليهم ان المضيفة تلتزم بالزى بتاعها فى عملها
وتلتزم بقوانين الدولة بره عملها ..
لكن ميقدروش يحكمو فى اكتر من كدا
وممكن اصلا الشركة متقبلش بنات بالشكل ده لان الشركة بردو يهمها المحافظة على سمعتها
اللى شفتيه بيحصل فى كل مكان وهنا فى مصر واى مكان
كمان لبنان بلد متفتحه شوية فأكيد بالنسبه لللبنات دول ان لبسهم ده طبيعى
انتى بنت كويسة كتير ومحترمة وفعلا مجرد اختلاطك بالبنات دول فى السكن بس مش هيبقى كويس
صدقينى انا اتحطيت فى تجربة شبيهه بدى وحسيت ان فعلا ممكن فى يوم من الايام هتنازل عن بعض مبادئى من الاختلاط ببنات زى كدا
الاحسن ليكى حفاظك على نفسك وصونك لكرامتك وحياتك وتبعدى عن الاختلاط ببنات زى دول
والسعودية ماليها ذنب فى البنات المتقدمات للشركات
هى كبلد كل اللى ليها انهم يلتزمو بقوانينها داخلها بس خارجها هما حرين
انتى ربنا يوفقك لانك بنت محترمة كتير ويعوضك خير
من ترك شئ لله عوضة باحسن منه
اصبرى واحتسبى عند الله وادعية وان شاء الله هيعوضك احسن عوض
بالتوفيق ..