[عبدالله الدغيلبي]

بسم الله الرحمن الرحيم

السلام عليكم ورحمة الله وبركاته

في يوم الأربعاء الماضي ... ذهبت انا وابني الى مكان لي خاص ... خارج المدينه لتدريبه على طائرتي ال NEXSTSAR التدريبيه الأفضل في العالم وقد كتبت عنها في الماضي ...

المهم مالكم بالطويله ...طرنا اول رحله .. سويت (TRIM) للطائره وتأكدت من تطابق الريموت اللي معي والريموت اللي معه ... وكان الجو هادي نوعا ما ... وفجأه صار فيه هبوب خفيف

وصار صوت المحرك يتغير مع تغير الهواء وكنت متوقع ان المحرك بيطفي في الجو.... وفعلاً طفأ المحرك فجأه ولحسن الحظ ان الطائره في وضع جيد بالنسبه لي وقريبه ايضا .. ونزلتها بكل سهوله وكله تمام .... زاد هبوب الهواء وتغير اتجاة الريح ... وجلسنا ننتظر قلنا يمكن يتعدل الجو ....

وحنا جالسين قال ابني:

(يُبه) يعني ابي ليش ما تغير المحرك اللي بهذلنا وتحط كهربائي .... ؟؟؟؟:customsmile2:

قلت يابوك يبيلها شغل ومصاريف ... والوقت ما يساعد ... وامك رح تزعل علينا وتقول انشغلت عنا ......./:baaa2:

قال الولد: والله انه ازين وانظف ..(يُبه) تكفا تكفا ... بعدين لازم نصور العمليه وننزلها في منتدى خط الطيران ...يمكن يعني يمكن الكابتن هشام (flying way) ولا الكابتن ابوايوب يتحمسون ويسون وحده زيها ....

قلت له : هقوتك يسونها ؟؟؟؟؟؟؟؟؟

قال : والله ما هي بعيده .... ولا وازيدك من الشعر بيت يمكن صقر الثمامه بعد....

وقعدت ادورها براسي

والله انه حمسني يا جماعه ويبيني وبينكم انا كنت من زمان قاعد اجهز لهذه المهمه ... عندي محرك كهربائي .... وعندي متحكم للسرعه ....

قلتله اسمع وانا ابوك .... توكلنا على الله الليله ولا بكره نبدأ المشروع .... بس قول لأمك ترى (يُمه) تراني انا اصرت على ابوي انه يغيرلي المحرك ...
وابوي عيا بس انا اصرت عليه ... ومن هالكلام اللي يحبه قلبك......

قال هو (تم ) (تم) لا يهمك ... قلت له بعدي ولدي يالله مشينا اليوم مايصلح الطيران الجو فيه تقلبات هوائيه ....


يوم الخميس العصر .... بدأنا المشروع و بدأنا التشليح ...... لكن فبل ما نشوف الصور .... بعطيكم نبذه عن الطياره ومواصفاتها ....علشان تكونون في الصوره..




طبعا كان لازم يكون المحرك اللي بنركبه قادر انه يشيل هذا الوزن

هذا هو...........




المروحه مقاس 13x8




من الآن وصاعدا لازم نوزن كل شي نركبه في الطياره علشان نبقى في مجال ال 3 كيلو غرام...










طبعا يجي واحد يقول ليش نغير كل هذي الأشياء ؟؟؟؟

اقول له في التحول الى الطيران الكهربائي كل ما خففت الوزن اكثر كل ما كانت فرصة النجاح اكبر بحيث يقل الضغط على المحرك والبطاريه والمتحكم ... كل غرام واحد ينقص هي خطوه الى الأمام الى النجاح ....صدقوني يا شباب ..



للحديث بقيه انتظروني